Penşenbe güni, 16-njy maýda Türkmenistanyň Döwlet haryt-çig mal biržasynyň söwdalarynda daşarky bazarda «Türkmennebit» DK-nyň önümleri hem-de nah ýüplügi ýerlenildi.

Özbegistandan, Gruziýadan we Owganystandan telekeçiler «BND 60/90» kysymly nebit ýol bitumyny, «TS-1» kysymly awiakerosini we «КО-20» kysymly yşyklandyryjy kerosini satyn almak boýunça «Türkmennebit» döwlet konserni bilen geleşik baglaşdylar. Birleşen Arap Emirliklerinden işewürler türkmen kompaniýalaryndan nah ýüplügini satyn aldylar.

Türkmenistanyň işewür toparlarynyň wekilleri «BND 60/90» kysymly nebit ýol bitumyny satyn almak boýunça «Türkmennebit» döwlet konserni bilen geleşik baglaşdylar.

Söwdalaryň dowamynda jemi bahasy 625 000 manatlyk we 2 170 500 dollarlyk 5 geleşik baglaşyldy.

Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bilersiňiz.

ORIENT news