Aşgabatda ýetip gelýän DevFest'23 üçin maglumat kampaniýasynyň çäklerinde, ORIENT öz okyjylaryny çärä gatnaşyjylaryň ýylyň IT konferensiýasynda nämä garaşýandyklaryny has gowy düşünmekleri üçin festiwalyň spikerleri we olaryň çykyşlarynyň temalary bilen tanyşdyrýar. Bu sanymyzda Annageldi Esenow, Allan Kazakow, Gülnar Saryýewa we Şanazar Waliýew bilen tanşarsyňyz.

Anageldi Esenow - 17 ýaşly orta mekdep okuwçysy, emeli intellekti ulanyp, IT ösüşi bilen baglanyşykly üstünlikli kompaniýa tapmagy başardy. Ýaşlygyna garamazdan, IT ulgamynda 4 ýyldan bäri işleýär (15 ýaşyndan bäri!) Esasan web sahypalarynyň we programmalaryň serwer tarapy üçin kod ýazýar. Mundan başga-da, ony tejribeli “full-stack” düzüjisi diýip atlandyryp bolar. Bir ýyl ozal, ol bäş sany pikirdeş adamy bilen emeli intellektde ýöriteleşen, IT jemgyýeti bolan Soulini esaslandyrdy. Ilkibaşda ştatdan daşary “AI” däl taslamalary kabul etdiler, ýöne hyjuw we bilesigelijilik sebäpli dünýäde üstünlikli taslamalara sebäp bolan töwekgelçilikleri we synaglary geçirmek kararyna geldiler.

Indiki spikerimiz, Annageldi bilen bilelikde DevFest-de çykyş etjek Allan Kazakowdyr. Oýunlar bilen gyzyklanyp, ilki bilen kompýuterleriň içki işleýşi, oýunlaryň nähili işleýändigi we olary döretmek üçin nämeleriň gerekdigi bilen gyzyklanyp başlady. Hut şu pikirler we soraglar bilen hem ýokary tehnologiýa ugrundaky syýahatyna başlady.

2022-nji ýylda “ChatGPT” çykandan bäri, Allan emeli intellekt bilen içgin gyzyklandy we ol onuň Stambulyň Bahçeşehir uniwersitetiniň (BAU) emeli intellekt bölümine girmegine sebäp boldy. Allan häzirki wagtda Karnegi-Mellon uniwersitetiniň magistr derejesini alan inžener Mustafa Ýylmazyň ýolbaşçylygynda Microsoft-yň Stambuldaky ofisinde işleýär.

Allan onlaýn çykyşlary bilen Annageldi bilen birleşer. Ýigitler emeli intellektiň soňky tendensiýalary barada gürrüň bererler, birnäçe taslamany görkezerler we tomaşaçylary gyzyklandyrýan soraglara jogap bererler.

Tanyşdyryş dabarasynda “Soulin” toparynyň üstünde işleýän “Ýol geçirijisini kesgitlemek”, “PDF bilen söhbetdeşlik”, syrly ýagdaýda “Maýýa” diýlip atlandyrylýan we Uly dil modeli ýaly emeli intellektual taslamalar jemlener.

Şeýle ajaýyp dizaýnlary nädip döredýändikleri we “AI”-ni ulanyp başga näme programmirläp boljakdygy bilen gyzyklanýan bolsaňyz, onda hökman geliň!

Gülnar Saryýewa - köp ýyllyk tejribesi bolan maglumat analitigidir. Gülnar ýokary mekdepde alyş-çalyş okuwy boýunça okaýarka ABŞ-da özüne IT dünýäsini açdy. Bu tejribe ony maglumat tehnologiýasy boýunça bakalawr derejesini almaga ruhlandyrdy. Netijede, Gülnar uniwersiteti maglumatlary seljermek we ulgam inženerçiligi boýunça goşa hünäri bilen gutardy. Okuwy gutarandan soň, kompýuter ulgamlaryny ulanyp, maglumatlary derňemek we maglumatlary gaýtadan işlemek boýunça ýöriteleşmek kararyna geldi. Gülnar häzirki wagtda awtomatlaşdyryş boýunça uly hünärmen we “Technovation Girls Türkmenistan” tehnologiýa taslamasynda we ABŞ-nyň hökümeti tarapyndan maliýeleşdirilýän uçurymlar jemgyýetinde meýletinçidir.

Gülnaranyň "BigQuery ulanyp, Google Cloud-da maglumatlary dolandyrmak" temasyndaky etjek çykyşyna goşulmak mümkinçiligini elden gidirmäň! Ol hakyky mysal bilen okuw geçirer we esasy bilimler barada gürleşer, şeýle-de Google bulut hyzmatlaryndan peýdalanyp, köp mukdarda maglumatlary derňemäge, gaýtadan işlemäge we saklamaga kömek etjek dürli amaly başarnyklary görkezer. Şeýle hem, Siz “BigQuery”-ni bulut maglumatlary bilen işlemek we beýleki Google bulut hyzmatlary bilen integrasiýa üçin nädip eksport etmelidigini öwrenersiňiz.

Şanazar Waliýew - erkin işleýän hökmünde bäş sany sanly pul gazanmagy başaran 25 ýaşly üstünlikli programmist. Şanazar takmynan bäş ýyl mundan ozal programmirlemegi öwrenip başlady. Ilkinji ştatdan daşary işini çalt tapmak bagtyna eýe boldy we şondan bäri dürli ýurtlarda müşderiler bilen aragatnaşyk saklap, dürli başlangyçlarda işledi: ABŞ, Angliýa, Malaýziýa, Taýland, Germaniýa, Singapur... Häzirki wagtda daşary ýurtly müşderiler bilen hyzmatdaşlygyny dowam etdirip, başlangyç işiniň üstünde işleýär.

Şanazar öz ussahanasynda erkin işlemek tejribesini paýlaşar we özüňe laýyk iş tapmakda nädip üstünlik gazanyp boljakdygyny görkezer. Diňe birnäçe ýyllap “IT freelancing”-de işlän adamdan alyp boljak möhüm maslahatlary we tejribäni paýlaşar. Seminar programmistlere gönükdirilen hem bolsa, her kim özi üçin peýdaly bir zat tapyp biler, sebäbi “freelancing”-de gaty çeýe we köp dürli hünär ugurlarynda iş edip bilersiňiz. Öýde işlemek mümkinçiligi hakda pikir eden bolsaňyz, bu sessiýa hökman siziň üçindir!

Bu, Aşgabat “DevFest'23” spikerlerine girişiň ikinji neşirini tamamlaýar. Indiki makalada Enejan Bendowa, Jelaleddin Soltanow, Kamran Kadyrow we Agöýli Mergenow bilen duşuşarsyňyz. “DevFest”-de hasaba alynyp spikerlerimiziň çykyşlaryny diňlemäge geliň! Çäre barada has giňişleýin maglumaty “GDG Ashgabat” resmi platformasynda tapyp bilersiňiz, bu ýerde şahsy hasabyňyzy açyp jemgyýetçilik habarlaryna we täzelenmelerine hem ýazylyp bilersiňiz. Spikerler hakdaky öňki sanawymyzy şu web sahypasynda okap bilersiňiz.

Saparguly Mahtumow