Google Chrome-da million açyk goşmaça sahypany halaýanlar üçin çözgüt bar

Google Chrome-da million açyk goşmaça sahypany halaýanlar üçin çözgüt bar - TabBrew-i synap görüň

09.03.2023 | 14:47 |

Brauzerdäki köp goşmaça sahypalar – bu häzirki wagtda şonsuz internetde işlemek mümkin bolmadyk zatdyr. Hatda gündelik maglumat gözlemek işi hem on ýa-da has köp goşmaça sahypanyň açylmagy bilen dowam edýär.

Google Chrome brauzerinde, ähli açyk sahypalaryňyzy çalt tertipleşdirmäge we aňsatlyk bilen içinde hereket etmäge kömek etjek TabBrew giňeltmesi bar.

Giňeldiş, ähli açyk goşmaça sahypalaryň mazmunyny seljerýär we görkezilen süzgüçlere görä tertipleýär. Netijede, ugrukdyrmak has aňsat bolan mowzuk boýunça amatly sanawlar ýüze çykýar. Mundan başga-da, TabBrew döredilen toparlary dolandyrmaga mümkinçilik berýär: saklamak, birleşdirmek, ýapmak ýa-da aýratyn penjirede açmak.

Düzgüne görä, giňeltme üç sany taýýar süzgüç hödürleýär: Google, YouTube we Socials we şol süzgüçlere laýyk gelmeýän goşmaça sahypalar Uncategorized (Kategoriýa degişli däl) bölüme düşýär.

Täze süzgüç goşmak üçin:

Aşakdaky burçdaky New Tab Filter süzgüçine basyň

Gerekli ady giriziň

Sahypanyň adyna açar sözleri giriziň.

Giňeldiş derrew goşmaça sahypalary seljerer we ähli laýyklaryny täze topara goşar.