Türkmenistanyň raýatlary synagsyz nädip SPbDU-ne okuwa girip bilerler- ýokary okuw mekdebinden jogap

23.02.2023 | 16:21 |

Russiýa Federasiýasynyň Sankt-Peterburg şäheriniň Döwlet uniwersiteti daşary ýurt raýatlaryny, şol sanda Türkmenistandan dalaşgärleri öňünden synag tabşyrmazdan okuwa çagyrýar.

ORIENT Russiýanyň uly we öňdebaryjy uniwersitetleriniň biri bilen aragatnaşyga girdi we okuwa girmek bilen baglanyşykly okyjylary gyzyklandyrýan soraglary berdi.

— Haýsy esasda Türkmenistandan bolan dalaşgärler SPbDU-ne okuwa girip bilerler?

— Daşary ýurt talyplary SpbDU-ne býujetden bölünip berilýän Russiýa Federasiýasynyň federal býujetinden maliýeleşdirilýän ýerlere, şeýle hem okuw töleginiň tölenmeli ýerlerine girip bilýärler.

— Ýeňijileri býujet esasynda okamaga mümkinçilik aljak bäsleşige gatnaşmak üçin resminamalar haçana çenli kabul edilýär?

— Daşary ýurt raýatlary üçin, şol sanda türkmenistanly dalaşgärler, raýatlygy ýok we daşary ýurtda ýaşaýan watandaşlar üçin býujet esasynda okamaga bäsdeşlige gatnaşmak üçin resminamalaryň kabul edişligi 14.11.2022-den tä 24.02.2023-e çenli amala aşyrylýar.

— Bu bäsleşik nähili bolup geçýär?

— Bu bäsleşigiň çäklerinde giriş synaglary Türkmenistanyň raýatlary üçin resminamalaryň bäsleşigi (portfolio) görnüşinde geçirilýär.

— Resminamalary nirä tabşyrmak talap edilýär?

— Ähli gerekli resminamalary elektron görnüşde Şahsy otag arkaly SpbDU-niň resmi saýtynda cabinet.spbu.ru tabşyryp bolýar.

Bäsleşige gatnaşmak üçin resminamalaryň nähili sanawy gerek?

— Gerekli resminamalaryň sanawy kabul ediş komissiýasynyň saýtynda çap edilendir.

— Gatnaşyjylara haýsy kriteriýalar (ölçegler) boýunça baha berilýär?

— hususy gazanylanlary bahalandyrmagyň kriteriýleri esasy bilim maksatnamalarynyň sanawynda ýerleşdirilendir, açyk bäsleşik geçirilende şolarda okamak boýunça kabul edişlik yglan edilýär (bakalawriat we spesialitet, şeýle hem magistratura), we ylmy we ylmy-pedagokiki kadrlaryň taýýarlanyş maksatnamasynda aspiranturada.

Giriş synagynyň ady giriş synagynyň maksatnamasyna eltýän işjeň salgylanma bolup durýar.

— Türkmenistanyň raýatlarynyň hem gatnaşyp biljek tölegli esasdaky ýerler üçin hem şuňa meňzeş bäsleşigiň geçirilmegine garaşylýarmy?

— Okuwyň tölegini tölemeli ýerlere bäsleşigiň çäklerinde resminamalar 03.04.2023-den 16.06.2023 çenli kabul edilýär. 2023/24-nji ýyllar üçin okuwyň hakyky bahasy 01.06.2023-den gijä galman SPbDU-niň kabul ediş komissiýasynyň saýtynda çap ediler.

Russiýa Federasiýasynyň Sankt-Peterburg şäheriniň Döwlet uniwersitetiniň diplomynyň Türkmenistanyň bilim Ministrligi tarapyndan kabul edilýändigini belläp geçmelidiris.

Artur PETROSÝANS