Wengriýanyň Budapeşt şäherinde geçirilýän 45-nji Bütindünýä küşt olimpiadasynda düýn 6-njy tapgyr tamamlanyp, Türkmenistanyň aýal-gyzlarynyň ýygyndy topary 12 mümkin bolan utukdan 8 topar utugy bilen öz kategoriýasynda birinji ýerde barýar.

Portugaliýaly futbolçy, Saud Arabystanynyň “Al-Nasr” futbol toparynyň we Portugaliýanyň milli ýygyndysynyň hüjümçisi we kapitany Kristiano Ronaldo sosial ulgamlarynda 1 milliard yzarlaýjysyna ýeten dünýäde ilkinji adam boldy.

18 ýaşly Alp Arslan Begenjow 20 ýaşa çenli göreşçileriň arasynda geçirilýän U-20 erkin göreş boýunça dünýä çempionatynda Türkmenistandan ilkinji bolup altyn medala eýe boldy. Ýaryş Ispaniýanyň Pontewedere şäherinde geçirildi.

2024-nji ýylyň 6-njy sentýabrynda Türkmenistanyň Garaşsyzlygynyň 33 ýyllyk baýramçylygynyň öňüsyrasynda BMG-niň Baş Assambleýasy 78-nji mejlisinde Türkmenistanyň başlangyjy boýunça “Birleşen Milletler Guramasynyň Dostluk oýunlary” atly Kararnamany kabul etdi. Resminama BMG-niň ähli agza-ýurtlary tarapyndan biragyzdan goldanylyp, onuň awtordaşy bolup 87 ýurt çykyş etdi.

Nýu-Delide Aziýanyň Olimpiýa Geňeşiniň (OCA) 44-nji Baş Assambleýasy geçirilýär. Onuň çäginde Guramanyň ýolbaşçy wezipeleri üçin saýlawlar geçirildi.

35 adamdan ybarat türkmen wekiliýeti 8-nji sentýbarda Astanada başlajak V Çarwadarlaryň bütindünýä oýunlaryna gatnaşýar. Wekiliýetiň düzüminde - 29 türgen we 6 tälimçi bar diýip, Türkmenistanyň Sport we bedenterbiýe baradaky Döwlet komiteti habar berýär.

Moskwada GDA ýurtlarynyň ýaşlar toparlarynyň arasynda dünýä çempiony Mihail Botwinnigiň V Halkara baýragy geçirilip, oňä Azerbaýjandan, Ermenistandan, Belarusdan, Gazagystandan, Gyrgyzystandan, Russiýadan, Täjigistandan, Türkmenistandan we Özbegistandan toparlar gatnaşýar.

Russiýanyň Futbol bileleşigi Russiýanyň we Türkmenistanyň ýygyndy toparlarynyň arasynda jemleýji duşuşygy geçirmegi teklip etdi. Şu gün, 2-nji sentýabrda sport24.ru we Türkmenistanyň Futbol federasiýasynyň ýaryşlar bölüminiň müdiri Resul Mämmedowa salgylanyp, soccer.ru bu baradaky habary ýerleşdirdi.

Türkmenistanyň futzal boýunça milli ýygyndy topary 3-13-nji sentýabr aralygynda BAE-da, Dubaýda baş tälimçi Ýakup Öwezowyň ýolbaşçylygynda okuw türgenleşiklerini geçirer. Munuň üçin baş tälimçi 18 oýunçyny çagyrdy. Olaryň üçüsi derwezeçi, beýlekiler – meýdan oýunçylarydyr.

Türkmenistanyň Elektron sport federasiýasynyň habar bermegine görä, “Boboon” lakamy bilen “Çopan” toparynyň adyndan çykyş edýän Türkmenistanyň kibersport ýygyndysynyň oýunçysy Waleriý Grigorýans 18-nji awgustda geçirilen “Your Home Your Arena” ýaryşynda “eFootball Mobile” ugry boýunça bürünç medala mynasyp boldy.