“Türkmengaz” we “QazaqGaz” gazyň importy we geologiki gözleg boýunça taslamalary ara alyp maslahatlaşdy
Aşgabatda “QazaqGaz” MK” PJ-niň Müdiriýetiniň başlygy Sanjar Žarkeşow we Türkmenistanyň döwlet ministri, “Türkmengaz” döwlet konserniniň başlygy Maksat Babaýew iş duşuşygy geçirdi.
Duşuşygyň dowamynda oňa gatnaşyjylar bilelikdäki bilermenler toparynyň işini güýçlendirmek barada ylalaşdylar. Hususan-da, taraplar türkmen gazyny import etmek, şeýle hem geologiki gözleg pudagyndaky taslamalaryň durmuşa geçirilişi barada pikir alyşdylar.
Duşuşyk iň ýokary derejede gazanylan strategiki ylalaşyklaryň logiki dowamy boldy. Iki wekiliýet hem Türkmenistan bilen Gazagystanyň energetika pudagyndaky, şol sanda “Türkmengaz” DK bilen “QazaqGaz” arasyndaky hyzmatdaşlygyň möhümdigini bellediler.
2024-nji ýylyň oktýabr aýynda Gazagystanyň Prezidenti Kasym-Žomart Tokaýew Türkmenistanda resmi sapar bilen body. Saparyň dowamynda “QazaqGaz” bilen “Türkmengaz” arasynda gaz pudagyny ösdürmek boýunça strategiki ylalaşyga gol çekildi. Bu resminama, iki ýurduň dünýäniň energetika bazaryndaky ornuny berkitmek bilen bilelikdäki taslamalar üçin täze gözýetimleri açýar.
ORIENT
Şeýle-de okaň:
“Türkmengaz” we “QazaqGaz” bilelikdäki iş toparynyň mejlisini meýilleşdirdi
Gazagystan we Türkmenistan gaz pudagynda strategiki hyzmatdaşlygy giňeltmäge taýýardyr
