Aşgabadyň “Bulldog” kafesi Bütindünýä “The Beatles” gününi bellär
16-njy ýanwarda, penşenbe güni Aşgabadyň "Bulldog" kafesi, Liwerpulyň meşhur dörtlüginiň janköýerlerini tematiki “agşamky şüweleňine” çagyrýar.
Tutuş günüň dowamynda kafede millionlaryň söýgüli sazy, bütin dünýäde adamlaryň ýüregini özüne çeken – “The Beatles”-iň saýlanan sazlary ýaňlanar. Ekranlarda rowaýata öwrülen toparyň durmuşyndan seýrek duş gelýän wideolar, aýdymlary bilen multfilmler görkeziler, bu nostalgiýa ýatlamalary we hakykylygy sowgat eder.
Myhmanlara 60-njy ýyllaryň atmosferasyna aralaşmak, bitlomaniýa döwründen ylham alýan ýörite menýu we garaşylmadyk sowgatlar garaşýar. “Bulldog” kafesi özüniň amatly çikerki bezegleri we ýokary hilli kofýasy bilen tanalýar, ýöne bu gün aýdym-saz taryhynyň iň täsirli toparlarynyň döredijiligine bagyşlanan hakyky aýdym-saz klubyna öwrüler.
“Biz myhmanlarymyzyň diňe bir “The Beatles”-iň aýdym-sazyndan lezzet alman, şol döwrüň atmosferasyny duýmagyny isleýäris” – diýip, guramaçylar öz meýilnamalaryny paýlaşdylar. “Bulldog” kafesi şu salgyda ýerleşýär: Azady köçesiniň 77-nji jaýy. (+99312930356)
ORIENT
