Turkish Airlines Aşgabat bilen Stambulyň arasynda göni howa gatnawyny gaýtadan ýola goýmagy meýilleşdirýär
Turkish Airlines saýtynda uçuşlaryň tertibi awiakompaniýanyň COVID-19 pandemiýasy sebäpli, iki ýyllyk arakesmeden soň, 1-nji sentýabrdan başlap, Aşgabat bilen Stambulyň arasynda göni howa gatnawlaryny täzeden ýola goýmagy meýilleşdirýändigine şaýatlyk edýär.
Uçuşlary her gün iki tarapa-da ýerine ýetirmek meýilleşdirilýär.
Türkiýeden Türkmenistana ilkinji uçuş 1-nji sentýabrda amala aşyrylar. Stambuluň howa menzilinden Airbus A321 uçary 20:40-da uçup, türkmen paýtagtynda 1-nji sentýabrdan 2-nji sentýabr gijesine 02:20-de gonar. Ekonom derejede petegiň bahasy bir tarapa 11 114.43 türk lirasyna deň bolar.
Turkish Airlines howa gatnawynyň tertibine laýyklykda, Aşgabatdan Stambula ilkinji howa gämisi 2-nji sentýabrda 03:10-da uçup, Stambuluň howa menzilinde, sagat 05:20-de gonar.
Bir taraplaýyn ekonom derejäniň peteginiň bahasy 445 ABŞ dollaryna deň bolar.
Türkmenistan bilen Türkiýäniň arasynda howa gatnawlaryna petekleri Turkish Airlines onlaýn saýtynda satyn alyp bolar.
Ozal Türkmenistan Russiýa we BAE bilen yzygiderli howa gatnawyny täzeden ýola goýdy. Türkmenistanda halkara howa gatnawlarynyň ýolagçylaryna bildirilýän talaplar bilen şu salgy arkaly tanşyp bolar.
Türkmenistana gelýän raýatlar özbaşdak gezelençlere ýygy-ýygydan çykanlaryndan soňra, ýedi günläp lukman gözegçiliginde saklanýarlar, gulluk iş saparlaryndan soň bolsa, üç gün gözegçilikde bolýarlar.
ORIENT news
