Türkmenistan daşary ýurtlar bilen ulag gatnawyny täzeden ýola goýar
Prezident Serdar Berdimuhamedow Ministrler Kabinetiniň ýanyndaky Ulag we kommunikasiýalar agentliginiň baş direktory Mämmethan Çakyýewe ýakyn wagtda Türkmenistanyň beýleki ýurtlar bilen ulag gatnawyny täzeden ýola goýmagy tabşyrdy diýip, Türkmen teleradioýaýlymynyň “Watan” habarlar gepleşigi habar berdi.
Bu mesele koronawirus pandemiýasy babatda dünýädäki ýagdaýlaryň kadalaşmagy hem-de daşary ýurtlaryň şäherleri bilen ulag gatnawyny täzeden ýola goýmak üçin mümkinçilikleriň peýda bolmagy bilen baglylykda möhümdir diýip, döwlet Baştutanymyz aýtdy.
Ozal Türkmenistan Russiýa we BAE bilen howa arkaly ýolagçy gatnawyny dikeltdi, şeýle hem Sarahs-Farap-Sarahs ugry boýunça daşary ýurtlaryň ýük awtoulaglary arkaly ýükleriň üstaşyr geçirilmegine ygtyýar berdi.
ORIENT news
