Türkmenistanyň sürüjilerine pyýada geçelgeleriň öňünde saklanmagyň zerurdygy ýatladyldy
Türkmenistanyň ýol gözegçiligi gullugy ýurduň radioýaýlymlary arkaly pyýada geçelgeleriň öňünde saklanmagyň zerurdygyny sürüjilere ýatladýan habary ýaýratdy.
Awtoulagyň pyýada geçelgeleriň öňünde togtadylmagy ýa-da doly saklanylmagy pyýadalaryň ýoldan geçýän ýa-da geçip başlan ähli pursatlarynda amala aşyrylmalydyr diýlip, habarda bellenilýär.
Şeýle hem ýol hereketiniň bozulandygy üçin jerimeleriň has artdyrylandyny ýatladýan bildirişler radio arkaly berlip başlandy. Bular barada ORIENT ozal şu salgyda beýan etdi.
Pyýadalara ygtyýar berilmeýän ýerlerden geçmegiň administratiw jogapkärçilige eltýän düzgün bozma bolup durýandygy radio arkaly ýatladylýar. Ýoldan diňe ýerüsti, ýollaryň üstünden gurlan we ýerasty geçelgeler arkaly geçmäge ygtyýar edilýär. Şolar degişli çyzgylar we ýol belgileri bilen görkezilendir.
ORIENT news
