Vivo Hançžou-2022 Aziýa oýunlarynyň ykjam telefonlarynyň resmi üpjün edijisi diýlip yglan edildi
Dünýäde smartfonlary öndürijileriň irileriniň biri bolan Vivo hytaý kompaniýasy Hançžouda geçiriljek 2022-nji ýylyň Tomusky Aziýa oýunlary üçin ykjam telefonlaryň resmi üpjün edijisi diýlip yglan edildi. Oýunlar 2023-nji ýylyň 23-nji sentýabryndan 8-nji oktýabry aralygynda geçer.
Ylalaşyk Hançžou-2022 oýunlarynyň Guramaçylyk komiteti bilen tehnologiki kompaniýanyň resmi wekilleriniň arasynda gazanyldy.
Şeýlelikde, Vivo degişli bolan iQOO söwda nyşanynyň telefonlary Aziýa oýunlarynda görkeziljek kibersport boýunça ýaryşlarda ulanylar.
«Vivo –nyň sport çärelerini geçirmek babatynda giň tejribesi we onuň innowasion tehnologiki önümleriň kömegi bilen ullanyjylaryň isleglerini kanagatlandyrmaga çalyşmagy bilen biz bilelikde Aziýa oýunlarynyň mirasyny öňe sürüp bileris diýip hasap edýäris» — diýip, ýaryşlaryň Guramaçylyk komitetiniň wekilleri belliklerini aýtdylar.
Kompaniýanyň soňky iki modeli Vivo-nyň brending boýunça wise-prezidenti Szýa Szindong tarapyndan görkezildi. Ýakyn wagtda olar Hytaýda çykarylar.
Ozal Vivo kompaniýasynyň futbol boýunça dünýä we Ýewropa çempionatlarynyň, şeýle hem basketbol, badminton ýaryşlarynyň resmi hyzmatdaşy bolandygyny belläp geçmelidiris.
ORIENT habarlar
