6 sany ýaşaýyş jaýynyň her biri 54 öýden, 4 ýaşaýyş jaýynyň hem her biri 36 öýden ybarat bolup, olar häzirki zaman şähergurluşyk ýörelgelerine laýyk gelýän giň, ýagty otagly, iň täze hojalyk tehnikalary we beýleki amatlyklar bilen üpjün edilip, ýokary hilli enjamlaşdyrylan aşhanadyr beýleki otaglar amatly durmuş gurşawyny döredýär.
«Tähran konwensiýasy» diýlip atlandyrylýan Hazar deňziniň gurşawyny goramak boýunça Çarçuwaly konwensiýa boýunça ministrlik geňeşmeleri 21-22-nji sentýabrda Ženewada geçirildi. Duşuşyga Hazarýaka döwletleriniň - Türkmenistanyň, Azerbaýjanyň, Eýranyň, Gazagystanyň we Russiýanyň wekiliýetleri gatnaşdy.
Russiýanyň Futbol birleşiginiň prezidenti Aleksanda Dýukow rus futbolunyň UEFA-da galjakdygynyň ýa-da Aziýa yklymyna geçjekdiginiň bellisiniň ýylyň ahyryna çenli aýan boljakdygyny mälim edýär. Bu barada "TASS" habarlar agentligi mälim edýär.
Gonkongyň ilkinji emeli hemrasy Ýerden uzakdaky giňişlige goýberilmäge taýýar. "Hong Kong Star" diýlip atlandyrylýan bu hemra Hytaýyň deňiz içindäki platformasyndan noýabr aýynyň ahyrynda Arşa goýberiler.
Şanhaý şäherinde Ählumumy metadünýä maslahaty geçirildi. Oňa dünýäniň dürli döwletlerinden 110-dan gowrak hünärmen gatnaşdy. Olar durmuşyň dürli ugurlarynda täze tehnologiýalary ornaşdyrmak boýunça pikirlerini we tejribelerini paýlaşdylar.
Ýewropanyň daşarky hereket gullugy (Ýewropa Bileleşiginiň Daşary işler edarasy) Belgiýanyň Brýugge şäherinde Merkezi Aziýa ýurtlarynyň diplomatlary we işgärleri üçin ýörite okuw meýilnamasynyň işlenip düzülmegi barada duşuşyk geçirdi. Bu maksatnama, ÝB syýasatynyň Merkezi Aziýa sebiti bilen baglanyşykly esasy ugurlaryna düşünmeklerini çuňlaşdyrmaga gönükdirilendir.
Türkmenistan "Gündogaryň görnükli filosofy we lukmany Abu Ali ibn Sinanyň umumyadamzat ähmiýetli mirasy" atly halkara ylmy maslahatyny geçirer.
Russiýa Federasiýasynyň Gahrymany we Türkmenistanyň Gahrymany, kosmonawt tälimçisi-synagçy, häzirki wagtda Halkara älem menzilinde bolan «Roskosmos» döwlet korporasiýasynyň kosmonawtlar toparynyň serkerdesi Oleg Kononenko, Türkmenistanyň Prezidenti Serdar Berdimuhamedowy doglan güni bilen gutlady.
Prezident Serdar Berdimuhamedow anna güni 1301 adama Türkmenistanyň raýatlygyny bermek baradaky we 265 sany daşary ýurt raýatlaryna ýurtda ýaşamaga rugsat berýän Karara gol çekdi.
“Kazan Digital Week” halkara forumy 48 ýurtdan 25 müň adamy bir ýere jemledi. 20-22-nji sentýabrda Kazanda geçirilen foruma birnäçe gatnaşyjylar, şeýle hem, Aşgabat şäher telefon ulgamynyň (AŞTU) we “TM CELL” markasy boýunça hyzmatlary berýän Türkmenistanyň öýjükli aragatnaşyk ulgamy bolan Altyn Asyr kompaniýasynyň wekillerini öz içine alýan türkmen delegasiýasy bardy. Bu barada Türkmenistanyň Kazandaky Baş konsullygynyň web sahypasynda habar berildi.
Türkmenistanda iş kesilen 1180 raýatyň günäsi geçildi. Olar Prezidentimiz Serdar Berdimuhamedowyň Permanyna laýyklykda tussaglykdan boşadylarlar.
22-nji sentýabrda Prezident Serdar Berdimuhamedow bilen Özbegistan Respublikasynyň Prezidenti Şawkat Mirziýoýewiň arasynda telefon arkaly söhbetdeşlik boldy. Bu barada Döwlet habarlar agentligi mälim edýär.
Türkiýäniň iň gözel sebitleriniň biri bola Kappakodiýada Türkmenistanyň Garaşsyzlyk baýramy bellendi. Bu sebitde asmana uçurylmagy däbe öwrülen äpet howa şarynda Türkmenistanyň Baýdagy parlady.
Howanyň üýtgemegine uýgunlaşmaga degişli karar kabul edýän şahslaryň habardarlygy ýokarlandyrmak boýunça Aşgabatda geçirilen üç günlük seminara gatnaşyjylar, suw baýlyklaryny integrirleýin dolandyrmak, saglyk we bilim ulgamlaryna uýgunlaşmak çäreleri, şeýle hem netijeli pudagara hyzmatdaşlygy meseleleri ara alyp maslahatlaşdylar.
Taryhda ilkinji gezek GDA agza ýurtlaryň çäginde haýwanlaryň göçüp ýaşaýan görnüşlerini gorap saklamak baradaky konwensiýa (CMS) taraplarynyň konferensiýasy geçiriler. Özbegistanyň Samarkand şäheri, 2024-nji ýylyň 12-nji fewralyndan 17-nji fewraly aralygynda konferensiýanyň 14-nji mejlisini kabul eder diýip, Özbegistan hökümetiniň metbugat gullugy habar berdi.
