Türkmenistanyň Ylymlar akademiýasynyň Tehnologiýalar merkeziniň alymlary Meretmuhammet Hudaýberdiýew we Nasiba Çarykulyýewa damjalaýyn suwaryşyň innowasion enjamy öňe sürýärler. Bu enjam oba hojalyk ekinlerini suw bilen üpjün etmek bilen birlikde, olary zyýanly mör-möjeklerden goraýan we peýdaly mikroorganizmleriň ösüşine ýardam edýän serişdeler bilen hem üpjün edýär.
Hytaýda dünýäniň iň kuwwatly “Red Magic 8S Pro и 8S Pro+” smartfonynyň satuwy başlandy. Bu smartfonlarda kämilleşdirilen “Snapdragon 8 Gen 2 LV” prossesory ornaşdyrylandyr.
Arkadag şäherinde her biri 320 orunlyk çagalar bagynyň 9-sy, her biri 720 orunlyk umumybilim berýän mekdepleriň 5-si, her biri 30 öýli, 5 gatly ýaşaýyş jaýlarynyň 36-sy, her biri 40 öýli, 5 gatly ýaşaýyş jaýlarynyň 36-sy, her biri 42 öýli, 7 gatly ýaşaýyş jaýlarynyň 24-si, her biri 54 öýli, 9 gatly ýaşaýyş jaýlarynyň 14-si gurlar.
Ýaponiýanyň “GatherTech” kompaniýasy görkeziş ekranly (displeýli) otluçöp gutusynyň ölçegindäki dünýäniň iň kiçi kamerasyny tanyşdyrdy. “MiniCa” diýlip atlandyrylýan bu kameranyň bary-ýogy 17 gram agramy bar.
Türkmenistanyň Awtomobil sport federasiýasynyň topary 13-nji gezek geçirilýän “Ýüpek ýoly” halkara awtorallisine gatnaşýarlar. Has takygy, Kazan şäherinde badalga alan awtorallä Merdan we Şöhrat Toýlyýewler, Maksatmyrat Daňatarow, Didar Orazmedow, Begenç Annaýew, Muhammetmyrat Gurbanow “Nissan Patrol” awtoulagynda, Süleýman Annamämmedow, Parahat Garlyýew “Toyota LC 200” awtoulagynda ýurdumyza wekilçilik edýärler.
Türkmenistanyň Ylymlar akademiýasynyň Tehnologiýalar merkeziniň alymlary taryhda ilkinji gezek Tomus paslynda ýüpek gurçugyndan önüm almagy başardylar. Degişli tejribeler laborotoriýa şertlerinde geçirildi.
Tebigy gaz senagat taýdan işlenilende, ondaky kükürt aýrylyp, soňra sarp edijilere ugradylýar. Ýurdumyzyň iň kuwwatly ýangyç-energetika toplumynda tebigy gazyň senagat taýdan işlenilmegi netijesinde, ondan galýan galyndy bolan kükürdi indi beton öndürmekde hem ulanyp bolar.
Türkmen wekiliýeti Türkmenistanyň Mejlisiniň halkara we parlamentara aragatnaşyklary boýunça Komitetiniň başlygy Begmyrat Muhamedowyň baştutanlygynda ÝHHG-nyň her ýylky geçirilýän Parlament Assambleýasynyň Wankuwer şäherinde, Kanadada geçen 30-njy sessiýasyna gatnaşdy. Bu barada Türkmenistanyň daşary syýasat edarasynyň saýtynda habar berilýär.
Türkmen kinorežissýory Sahysalyh Baýramowyň «Gyzyl Kurte» filmi Gyrgyzystanyň «Ak ilbirs» («Ak bars») milli film baýragy «Merkezi Aziýanyň iň gowy filmi» baýragyna dalaşgärleriň arasyna girdi diýip, AKIpress habar berýär.
“Gazprom” AGPJ-niň müdiriýetiniň başlygy Alekseý Milleriň Gyrgyzystanyň Ministrler Kabinetiniň Başlygy, Gyrgyzystanyň Prezident administrasiýasynyň ýolbaşçysy Akylbek Žaparow bilen penşenbe güni iş duşuşygy geçirildi.
Çarşenbe güni Täjigistanyň Şahristan sebitinde ajaýyp ýerde seýrek haýwanlar üçin gonalga açyldy. Taslamanyň awtorlary esasy ünsi Ýewropanyň sugunlaryna we dag goçlaryna berýärler diýip, Centralasia.news habar berýär.
“Japan Airlines” awiakompaniýasy goşsuz uçýan ýolagçylar we jahankeşdeler üçin synag geýim kärendesi hyzmatyny ýola goýdy. Indi syýahatçylar diňe şahsy arassaçylyk esbaplary bilen çäklenip, ýany bilen çemodan almasalar-da bolar. Bu ädim eko syýahatçylygy ösdürmäge ýardam berer – diýip, howaýollarynyň çarşenbe güni beren beýanatynda bellenilýär.
Gazagystan Howpsuzlyk we hyzmatdaşlyk boýunça ilkinji Merkezi Aziýa forumyny gurnaýar, ol 13-14-nji iýulda Astana şäherinde geçiriler. Forumda Aziýanyň geljekdäki depginine, şol sanda global we sebit syýasaty, ykdysadyýeti, adam kapitaly, howanyň üýtgemegi, sanly üýtgeşmeler we dolandyryş ugurlaryna garalar. Ol öňdebaryjy halkara hünärmenleri, şeýle-de 30-a golaý ýurtdan hökümet we işewürler toparlarynyň wekillerini birleşdirer.
Parižde 12 gatdan ýokary, ýagny 37 metrden belent jaý gurmagy gadagan edýän kanun güýje girdi. Fransiýanyň paýtagty pes gatly şäher bolmak hukugy üçin köpden bäri göreşip gelýär we ekologik gurluşyga ýardam bermäge gönükdirilen täze “Şäherleşmäniň ýerli meýilnamasyny” (PLU) kabul etdi – diýip, “euronews” ýazýar.
Gadymy türki golýazmalar häzirki wagtda Şwesiýanyň Uppsala we Lund uniwersitetleriniň kitaphanalarynda saklanýar. Kitap neşirleriniň ýeke-täk gadymy nusgalary XIX we XX asyrlarda şwesiýaly missionerler tarapyndan ýygnaldy. Kitaphana gorlarynda türki eserleriň jemi 858-si saklanýar, olaryň 500-den gowragynyň dublikaty bar we olaryň hemmesi Özbegistana ugradylar – diýip, upl.uz habar berýär.
