Habarlar

Türkmenistanda jemi içerki önümiň, içerki we daşary söwdanyň ösüşi durnukly - 2023-nji ýylyň ýanwar-iýul aýlary

2023-nji ýylyň ýanwar-iýul aýlarynda Türkmenistanyň jemi içerki önüminiň ösüşi 6,2 göterime deň boldy. Bu döwürde ýurdumyzda geçen ýylyň ilkinji ýedi aýy bilen deňeşdirilende 6,3 göterim köp önüm öndürdi. Ýurdumyzda bölek haryt dolanyşygynyň mukdary esasy derejeden 9,4 göterimden, daşary söwda 4,9 göterimden ýokary boldy. Şeýle görkezijiler barada wise-premýer Hajymyrat Geldimyradow anna güni türkmen hökümetiniň mejlisinde habar berdi.

00:56 Awgust 26, 2023

Marydaky Energetika institutynda 2000 orunlyk goşmaça okuw binasy gurlar

Türkmen hökümetiniň mejlisinde döwlet Baştutanymyz 2000 orunlyk goşmaça okuw binasynyň we Türkmenistanyň Döwlet energetika instituty üçin 800 orunlyk umumy ýaşaýyş jaýynyň taslamalaşdyrylmagy we gurluşygy, şeýle hem ýapyk sport desgasynyň we uniwersitetiň gapdalyndaky aýlaw ýolda ýadygärligiň gurluşygy barada Karara gol çekdi.

00:20 Awgust 26, 2023

Türkmenistan we Yrak tebigy gaz ibermek boýunça ylalaşygy ýylyň ahyryna çenli baglaşarlar

OPEK guramasynyň agzasy Yrak Türkmenistandan tebigy gaz import etmek boýunça ylalaşyklaryň ilkinjisini gazandy. Yrak döwletiniň nebit we gaz ministri Ezzat Saberiň sözlerine görä, ýurduň nebit we energetika ministrlikleriniň wekilleriniň Türkmenistanyň degişli ministrlikleriniň ýolbaşçylary bilen Aşgabatda geçiren duşuşyklarynda bu ylalaşyga gelindi.

23:50 Awgust 25, 2023

Türkmen binagärlik we gurluşyk instituty üçin täze binalar toplumy gurlar

Degişli Karara Prezidentimiz Serdar Berdimuhamedow gol çekdi. Resminama laýyklykda, Ajaýyp-gurluşyk hususy kärhanasy taslamany taýýarlar we binagärlik we gurluşyk instituty üçin 5000 orunlyk täze binalar toplumyny gurar. Bu ýerde geljekki binagärler, inženeler, tehnologlar, ykdysatçylar we şäher gurluşyk pudagyndaky menejerler hünär alarlar.

23:35 Awgust 25, 2023

Howanyň hilini goramak üçin Jakartanyň döwlet işgärlerini uzakdan işlemäge geçirýärler

Indoneziýanyň paýtagtyndaky döwlet işgärleriniň ýarysyndan gowragy öýünde işläp başlady. Jakartanyň häkimiýetleri şäher ýollarynda dyknyşyklary gysgaltmak we şoňa görä-de howanyň has-da hapalanmagyny azaltmak üçin şeýle adaty bolmadyk çäreleri gördüler diýip, CNN habar berýär.

22:35 Awgust 25, 2023

Üýtgeşik hekaýalary we taslamalary döretmek üçin köp platformaly sanly beýan etme

Maglumat akymy, fon sesleri we adamlar bilen dolan we aşa ýüklenen dünýäde sesiňiziň eşidilmegi üçin näme etmeli? Ünsiň azalýan döwürde, töweregindäkileri gyzyklandyrýän we sizi pikirlenmäge hem-de öz durmuşyňyzy üýtgetmäge ruhlandyryp biljek hekaýany nädip gürrüň bermeli? Bu mowzuklar, dürli hünärmelerden, şol sanda milli köpçülikleýin habar beriş serişdeleri, ýaş erkin žurnalistler we sosýal ulgamlarda pikirleriniň liderlerinden düzülen topar tarapyndan Aşgabatda ÝUNISEF-iň Türkmenistandaky wekilhanasynyň gurnan köp platformaly sanly beýan etme boýunça üç günlük seminarda ara alnyp maslahatlaşyldy.

21:42 Awgust 25, 2023

Özbegistanyň daşary işler ministri Türkmenistanyň täze ilçisini kabul etdi

Türkmenistanyň Özbegistandaky täze bellenen ilçisi Şadurdy Meredow Özbegistanyň daşary işler ministri Bahtiýor Saidow bilen duşuşdy. Bu barada özbek ministriniň telegam kanalynda habar berilýär.

21:39 Awgust 25, 2023

Türkmenistandan iberilen ynsanperwerlik ýüki Primorskiý kraý sebitine eltildi

40 tonna ynsanperwerlik ýüki özünde jemlän ýük uçary Russiýa Federasiýasynyň Primorskiý kraý sebitiniň howa menizline bardy. Türkmenistandan iberilen ynsanperwerlik ýüki bu sebitiň birinji wise-gubernatory, hökümet ýolbaşçysy Wera Şerbina we beýleki resmiler garşyladylar.

21:09 Awgust 25, 2023

At münmek boýunça dünýä çempionaty ilkinji gezek Moskwadaky MYGS-de geçirilýär

At münmek boýunça dünýä çempionaty anna güni Moskwanyň MÝGS-de milli atçylyk däpleri merkeziniň taryhy aýlawynda başlandy. Iki gün dowam etjek ýaryşa - Russiýa, Belarus, Indoneziýa, Gazagystan, Mongoliýa, Pakistan, Saud Arabystany, Türkiýe we Fransiýa ýaly 9 ýurtdan çapyksuwarlar gatnaşýar. Üç adamdan ybarat topar ýa-da aýratyn ýaryşda bir wekil söweş meýdanyna çykar diýip, MYGS-niň metbugat merkezniň habarynda aýdylýar.

20:05 Awgust 25, 2023

Gümrük edalarynda jogapkär ýolbaşçy wezipeler üçin ätiýaçda duran harby gullukçylara okuw geçildi

21 – 31-nji awgusty aralygynda gümrük edalarynda jogapkär ýolbaşçy wezipeler üçin ätiýaçda duran harby gullukçylar bilen, sanly ulgamyň serişdeleriniň ähli mümkinçilikleriniň doly döredilen ýeri bolan, Arkadag şäheriniň gümrükhanasynda ýörite okuw çäresi geçirilýär.

18:00 Awgust 25, 2023

Türkmen-gazak serhedindäki gümrük nokady döwrebaplaşdyrylar

Balkan welaýatynda Türkmenistanyň Döwlet gümrük gullugynyň “Garabogaz” gümrük nokadynyň durky täzelener. Bu boýunça degişli bäsleşigiň bildirişi resmi metbugatda çap edildi.

15:15 Awgust 25, 2023

AFK Çempionlar ligasyndaky "Ahal"-yň oýunlarynyň senenamasy belli boldy: Aşgabatda başlaýar

AFK Çempionlar ligasyndaky "Ahal"-yň oýunlarynyň senenamasy kesgitlenildi. Türkmen topary Özbek "Pahtakor"-y, Saud Arabystanynyň "Al-Feýh"-i we Birleşen Arap Emirliklerinden "Al-Aýn"- y bilen bilelikde "A" topary döretdi.

14:42 Awgust 25, 2023

“Ussat bagban” atly bäsleşigiň jemi jemlendi

Aşgabat şäherindäki “Altyn ýyldyz” medeni-dynç alyş merkezinde “Ussat bagban” atly bäsleşigiň jemleýji tapgyry geçirildi. Bu barada Türkmenistanyň resmi metbugaty habar berýär.

12:55 Awgust 25, 2023

Türkmen alymlary lagym suwlaryny arassalamagyň biologik usulyny synagdan geçirýärler

Türkmenistanyň Döwlet energetika institutunyň “Gaýtdan dikeldilýän energiýa çeşmeleri” ylmy-önümçilik merkeziniň hünärmenleri mikroorganizmleriň kömegi bilen biologik usulda lagym suwlaryny arassalamak boýunça ylmy-barlag işine girişdiler.

11:26 Awgust 25, 2023

Türkmenistan we Özbegistan tebigy gazy ibermek boýunça täze şertnama baglaşmaga ylalaşdylar

25-nji awgustda Türkmenistanyň Ministrler Kabinetiniň Başlygynyň ýangyç-energetika toplumyna gözegçilik edýän orunbasary B.Amanow bilen Özbegistan Respublikasynyň wekiliýetine ýolbaşçylyk edip Türkmenistana sapar bilen gelen Özbegistan Respublikasynyň energetika ministri Ž.Mirzamahmudowyň arasynda duşuşyk geçirildi.

09:03 Awgust 25, 2023

18498508511234