Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredow Birleşen Milletler Guramasynyň Daşky gurşaw maksatnamasynyň (UNEP) ýerine ýetiriji direktory Inger Andersen bilen onlaýn gepleşikleri geçirdi. Bu barada ýurduň Daşary işler ministrliginiň beýanynda aýdylýar.
Çarşenbe güni 15-nji noýabrda, Türkmenistanyň Daşary işler ministri Raşid Meredow Ýapon-türkmen ykdysady hyzmatdaşlyk boýunça komitetiniň başlygy, Itochu Corporation-iň ýerine ýetiriji wise-prezidenti Hiroýuki Tsubaý bilen wideokonferensiýa arkaly söhbetdeşlik geçirdi.
Türkmenistanyň Awstriýadaky ilçisi Hemra Amannazarow IAEA-nyň baş direktory Rafael Grossä Türkmenistanyň Ýadro heläkçiligi barada dessin habar bermek we Ýadro ýa-da radiasiýa heläkçiligi ýagdaýlarda kömek bermek baradaky konwensiýalaryna goşulýandygyny tassyklaýan güwänamalary gowşurdy. Dabara 14-nji noýabrda guramanyň Wenadaky baş binasynda geçirildi.
Türkmenistanyň Gazagystandaky ilçisi Batyr Rejepow, goňşy döwletiň maglumat syýasatynyň esasy utgaşdyryjysy - Respublikanyň Prezidentiniň Telewideniýe we radio toplumynyň Baş direktory Rauşan Žanabergenow bilen duşuşdy.
Bütindünýä Saglygy Goraýyş Guramasynyň wekilleri Aşgabatda akylwe ruhy sagdynlyk meseleleri boýunça alty günlük okuw maslahatyny geçirýärler.
Türkmenistanyň wekiliýeti Pariž şäherinde geçirilýän ÝUNESKO-nyň 42-nji Baş maslahatynyň çäklerinde guramanyň Ýaşlar forumyna gatnaşýar.
Kembrijiň iňlis dili sözlügi ýylyň sözüne emeli aň (AI) tehnologiýasynyň ösmegi bilen täze many gazanan “galýusinirlemek” işliginiň adyny berdi.
Halkara birleşigi tarapyndan öňe sürlen we Türkmenistan tarapyndan goldanylan Kuraş sporty boýunça dünýä çempionatyna gatnaşmak üçin dünýäniň 50 ýurdundan 240-dan gowrak türgen Aşgabat şäherine geler.
17-19-njy noýabrda Aşgabatda Eýran Yslam Respublikasynyň «Iran Prože» atly ýöriteleşdirilen sergisi geçiriler.
Türkiýäniň Türkmenistanda geçiriljek Medeniýet günleriniň çäginde dostlukly ýurduň sungat ussatlary özleriniň ajaýyp aýdymdyr sazlary bilen çykyş ederler. Şeýle-de dabaralaryň dowamynda ýurduň amaly-haşam sungat eserleriniň hem sergisi guralar.
Süýjüli diabete garşy göreşmegiň bütindünýä güni mynasybetli Halkara lukmançylyk müdiriýetiniň Halkara endokrinologiýa we hirurgiýa merkezinde ylmy-amaly maslahat geçirildi.
Hytaý indiki nesil internetiň dünýädäki ilkinji ýokary tizlikli magistral ulgamyny işe girizdi diýip China daily habar berýär.
Russiýa Federasiýasynyň Senagat we söwda ministrliginiň ýolbaşçysy, wise-premýer Denis Manturow žurnalistlere “Aurus” awtoulaglaryny gurnama işleriniň Dubaýdaky önümçilik ýerinde hem başlanandygyny aýtdy. Ilkinji model “Aurus Senat” sedany boldy we geljekde “Komendant” ulagynyň önümçiligine başlanar diýip, TASS habar berýär.
CIIE (Hytaý halk respublikasynyň halkara import sergisi) Hytaýda import edilýän harytlaryň we hyzmatlaryň iň uly halkara sergisidir, Hytaýyň prezidenti Si Szinpiniň başlangyjy bilen 2018-nji ýyldan bäri Şanhaýda her ýyl geçirilýär. CIIE dürli ýurtlardan we pudaklardan gelen sergä gatnaşyjylara önümlerini we hyzmatlaryny hytaýly sarp edijilere we hyzmatdaşlara hödürlemäge, Hytaýyň ykdysadyýetinde we söwdasynda soňky tendensiýalary we täzelikleri öwrenmäge mümkinçilik berýär.
Prezident Serdar Berdimuhamedow Aşgabat we Arkadag şäherlerinde möhüm desgalaryň gurluşygyny gözden geçirdi. Sişenbe güni, 14-nji noýabrda döwlet Baştutany Hökümetiň senagat-gurluşyk toplumyna gözegçilik edýän wise-premýer Baýmyrat Annamämmedow bilen bilelikde esasy gurluşyk meýdançalaryna dikuçar bilen aýlandy.
