Türkmenistanyň Medeniýet ministrliginiň, ÝUNESKO-nyň işleri boýunça Türkmenistanyň Milli toparynyň, Fransiýadaky ilçihananyň wekilleri Medeni öz-özüňi beýan etmegiň görnüşleriniň dürlüligini goramak we giňeltmek boýunça hökümetara komitetiniň 17-nji sessiýasyna gatnaşýarlar.
Özbegistanda internet aragatnaşygyny giňeltmek üçin şertler gowulandyrylar.
Gündogaryň beýik şahyry we akyldary Magtymguly Pyragynyň doglan gününiň 300 ýyllygyny bellemegiň çäklerinde, Türkmenistanyň BMG-niň Ženewadaky edarasynyň ýanyndaky hemişelik wekilhanasy tarapyndan Ženewadaky Milletleriň köşgüniň binasynda Magtymgulynyň ömri we döredijiligi barada giňişleýin maglumat berýän QR kod ýerleşdirilen ýörite banner oturdyldy.
Ykjam, gozgalmaýan, giň zolakly we IP ulgamlary üçin telekommunikasiýa enjamlaryny öndürýän Nokia transmilli kompaniýasy öýjükli aragatnaşyk diňleriniň ätiýaçlyk batareýalaryny wirtual elektrostansiýa öwürmegiň usulyny tapdy.
27-nji fewralda Kazanda Oguz han adyndaky Inžener-tehnologiýalar uniwersitetiniň we Kazan milli barlag tehnologiýalar uniwersitetiniň rektorlarynyň arasynda duşuşyk boldy. Duşuşyk Türkmenistanyň Kazan şäherindäki Baş konsuly Güýç Garaýewiň gatnaşmagynda geçdi. Bu barada Türkmenistanyň Kazandaky Baş konsullygynyň saýtynda habar berilýär.
Türkmenistanly mekdep okuwçylary 18 – 25-nji fewral aralygynda Malaýziýanyň paýtagty Kuala-Lumpur şäherinde geçirilen «TeenEagle» atly iňlis dili boýunça halkara olimpiadasynda ýeňiji boldular.
27-28-nji fewralda Türkmenistanyň Daşary işler ministrliginiň Halkara gatnaşyklary institutynda žurnalistleriň ählumumy wehimler bilen baglanyşykly meseleler boýunça etiki hasabatlylygy boýunça okuw seminary geçirildi. Bu çäre Birleşen Milletler Guramasynyň Neşe serişdeleri we jenaýatçylyga garşy göreş Müdirligi (UNODC) we Amerikanyň Birleşen Ştatlarynyň Halkara ösüş agentliginiň (USAID) “Merkezi Aziýada howpsuz migrasiýa” taslamasy tarapyndan gurnaldy.
Türkmenistanyň Rumyniýadaky ilçihanasynyň binasynda ilçi A. Annaýew parlamentara türkmen-rumyn dostluk toparynyň rumyn böleginiň başlygy Anketil-Karoli Kolçar bilen duşuşdy.
Mejlisde Türkmenistanyň wekiliýetine Daşary işler ministriň orunbasary A.Gurbanow, Eýran Yslam Respublikasynyň wekiliýetine bolsa, Daşary işler ministriniň orunbasary Alireza Bikdeli ýolbaşçylyk etdiler.
Abu-Dabiniň «ADNOC» milli nebit kompaniýasynyň pes uglerodly çözgütler we halkara ösüş boýunça ýerine ýetiriji direktory Musabbeh Al Kaabi Türkmenistana geldi. Bu barada BAE-niň Türkmenistandaky ilçihanasy habar berýär.
Belarus Respublikasy Şanhaý Hyzmatdaşlyk Guramasynyň işine doly derejede gatnaşmaga we guramanyň işini täze mazmun bilen doldurmaga taýýar.
Sişenbe güni, 27-nji fewralda, Türkmenistanyň Döwlet haryt-çig mal biržasynyň söwdalarynda içerki bazarda ýurdumyzda öndürilýän nebithimiýa önümleri, gurluşyk serişdeleri hem-de türkmen halylary ýerlenildi.
Sişenbe güni Türkmenistanyň Daşary işler ministrliginiň Halkara gatnaşyklary institutynda talyp ýaşlaryň we mugallymlaryň gatnaşmagynda Ulag diplomatiýasynyň Halkara merkeziniň (ICTD) ýerine ýetiriji sekretary Igor Runow bilen duşuşyk geçirildi. Myhman blokçeýn (blockchain - iň täze tehnologiýalar) tehnologiýasyna esaslanýan ulaglaryň ähli görnüşleri üçin platforma döretmekde ählumumy taslamalar boýunça alnyp barylýan işler barada gürrüň berdi.
Lýuksemburgdaky öňdebaryjy maliýe gazeti bolan, “Agefi Luxembourg” sişenbe güni, 27-nji fewralda "Türkmenistanyň 2024-nji ýyldaky ileri tutýan ugurlary" atly makalany çap etdi. Neşir 12-nji fewralda Brýusseldäki Türkmenistanyň ilçihanasynda geçirilen brifingde diplomatik wekilhananyň ýolbaşçysynyň Ýewropanyň habar beriş serişdelerine we şeljeriş merkezleriniň wekillerine Türkmenistanyň daşary we içerki syýasatynyň ileri tutulýan we ÝB bilen hyzmatdaşlygyň esasy ugurlary barada beren maglumatlaryna salgylandy.
"Dragon Oil " kompaniýasy 2020-nji ýyldaky kynçylyklary ýeňip geçenden soň Türkmenistanda, Yrakda we Müsürde täze ösüşleri amala aşyrmagy umyt edýändigini aýtdy.
