«Türkmenaragatnaşyk» agentligi tarapyndan gurnalan şygryýet agşamy ýurdumyzda yglan edilen «Pähim-paýhas ummany Magtymguly Pyragy» atly şygara we beýik türkmen halkynyň akyldar şahyry Magtymguly Pyragynyň 300 ýyllygyna bagyşlandy.
Penşenbe güni, 9-njy maýda, Türkmenistanyň Döwlet haryt-çig mal biržasynyň söwdalarynda nebithimiýa önümleri ýerlenildi.
Emeli aň pudagyndaky taslamalar bilen meşgullanýan «OpenAI» amerikan kompaniýasy özüniň «ChatGPT» çat-boty üçin internet-gözleg aýratynlygynyň üstünde işleýär. Bu barada «Bloomberg» habarlar agentligi habar berýär.
Türkmenistanyň DIM-niň Halkara gatnaşyklary instituty tarapyndan Merkezi Aziýa ýurtlarynyň ýokary okuw mekdepleriniň talyplarynyň arasynda yglan edilen “Dünýäde parahatçylygy we howpsuzlygy üpjün etmekde halkara ynsanperwer hukugynyň ähmiýeti” temasy boýunça halkara esse bäsleşiginiň jemleri jemlenildi.
Türkmenistanyň Belarusdaky ilçisi Nazar Şagulyýew GDA gatnaşyjy döwletleriň Arkalaşygyň tertipnamalaýyn we beýleki edaralarynyň ýanyndaky hemişelik doly ygtyýarly wekilleriniň geňeşiniň beýleki agzalary bilen birlikde Minsk şäherindäki «Победа» muzeý-seýilgäh toplumyndaky “Dostluk” seýilbagynda gül goýmak dabarasyna gatnaşdy.
ÝUNESKO-nyň Pariž şäherindäki ştab-kwartirasynda Türkmenistanyň Medeniýet hepdeliginiň çäklerinde Magtymgulynyň doglan gününiň 300 ýyllygynyň baýram edilmegi iri onlaýn-neşirlerinde şöhlelendirildi. Hususan-da, Style of Eurasia ýörite taslamasynyň, moda baradaky FabUK žurnalynyň, her aý çykýan The Light britan gazetiniň sahypalarynda, Fransiýadaky türki halklarynyň Hodri Meydan maglumat portalynda makalalar çap edildi.
Türkmen edebiýatynyň görnükli nusgawy şahyry Magtymguly Pyragynyň doglan gününiň 300 ýyllygy mynasybetli Türkmenistanyň Gyrgyzystandaky Ilçihanasynyň ýardam bermeginde şahyryň goşgular ýygyndysy gyrgyz dilinde neşir edildi.
BMG-niň Azyk we oba hojalyk guramasynyň ştab-kwartirasynda Türkmenistanyň Italiýa Respublikasyndaky Adatdan daşary we Doly ygtyýarly ilçisi Toýly Kömekowyň FAO-nyň işgärler bölüminiň başlygy Serž Nakuzi bilen duşuşygy boldy.
Türkmenistanyň Döwlet gümrük gullugynyň hem-de Türkiýe Respublikasynyň Gümrük we söwda ministrliginiň wekilleriniň arasynda onlaýn-duşuşyk boldy diýlip, Türkmenistanyň Gümrük gullugynyň resmi saýtynda bellenilýär.
Çarşenbe güni, 8-njy maýda, Türkmenistanyň Döwlet haryt-çig mal biržasynyň söwdalarynda nebithimiýa pudagynyň önümleri uly islegden peýdalanyldy.
2024-nji ýylyň 7-9-njy maýy aralygynda Türkmenistanyň Döwlet daşary ykdysady iş bankynyň başlygy R.Jepbarowyň ýolbaşçylygyndaky Türkmenistanyň wekiliýeti Abu-Dabi şäherinde geçirilen XIII Halkara maýa goýum forumyna we sergisine gatnaşdy.
9-njy maýda Türkmenistanda Beýik Watançylyk urşunda gazanylan Ýeňiş güni mynasybetli dabaralar geçirildi. Däp bolşy ýaly, Aşgabatda “Halk hakydasy” ýadygärlikler toplumyna gül desselerini goýmak dabarasy boldy. Bu baýramçylygyň iň uly wakasy – diňe söweş meýdanynda wepat bolan esgerleri hatyralamak bilen çäklenmän, eýsem, nesilleriň, jemgyýetiň we dürli halklaryň jebisligini alamatlandyrýar.
Kabul şäherinde türkmen wekiliýetiniň Owganystanyň dag-magdan senagaty we nebit ministriniň wezipesini ýerine ýetiriji Şahabuddin Delawar bilen duşuşygy geçirildi. «TAPI Pipeline Company Ltd» kompaniýasynyň Baş ýerine ýetiriji direktory Muhammetmyrat Amanow we Kabuldaky ilçi Hoja Öwezow edaranyň ýolbaşçysy bilen TOPH gaz geçirijisiniň gurluşygynyň gidişi we durmuşa geçirilmegi bilen baglanyşykly dürli meseleler barada pikir alyşdylar.
Türkmenistanyň Prezidenti Serdar Berdimuhamedow Moskwanyň Gyzyl meýdanynda geçirilen Ýeňiş mynasybetli dabaraly harby ýörişe hormatly myhman hökmünde gatnaşdy.
Türkmenistanyň Fransiýadaky Adatdan daşary we Doly ygtyýarly ilçisi Maksat Çaryýew Parižiň Ýokary sazçylyk mekdebiniň (L’ecole Normale de Musique de Paris Alfred Cortot) professory Sergeý Markarow bilen duşuşdy. Bu barada Türkmenistanyň diplomatik wekilhansy habar berýär.
