Ýaponiýanyň premýer-ministriniň Gazagystan Respublikasyna resmi saparynyň wagty yza süýşürildi
Ýaponiýanyň premýer-ministri Fumio Kisida telefon arkaly Kasym-Žomart Tokaýewe Gazagystan Respublikasyna resmi saparynyň şeýle-de “Merkezi Aziýa-Ýaponiýa” Dialogynyň ilkinji Sammitiniň wagtyny yza süýşürmäge mejbur bolandygyny gynanç bilen habar berdi.
Gazagystan Respublikasynyň Prezidenti Ýaponiýada bolup geçen ýertitreme zerarly ýapon halkyna gynanç bildirip, bu töwekgelçilik has agyr netijelere getirmez diýip umyt bildirdi.
“Akordy” saýtynyň maglumatyna görä, taraplar emele gelen ýagdaýy hem-de gazak-ýapon gatnaşyklaryny ösdürmek mümkinçiliklerini ara alyp maslahatlaşyp, sebitara hyzmatdaşlyk meseleleri boýunça pikir alyşdylar.
8-nji awgustda Ýaponiýanyň günorta-günbataryndaky Miýadzaki prefekturasynda 7.1 derejede ýertitreme bolup geçdi. Ýaponiýanyň meterologiýa agentliginiň (JMA) berýän maglumatlaryna laýyklykda ýerasty yranmalar ýerli wagt boýunça sagat 16:43 30 km çuňlukda bolup geçendigi bellige alyndy.
Şeýle-de ýapon hökümeti Koti we Miýadzaki prefekturalarynda sunami barada hem duýdurdylar.
ORIENT news
