Pesuglerodly ösüşe geçiş şertlerinde geljegiň durnukly energiýa ulgamyny döretmek dünýä bazaryna gatnaşýanlaryň ählisiniň – döwlet, işewürler we akademiki toparlaryň hyzmatdaşlygyny we bilelikdäki hereketini talap edýär.
Ulanyşdan galdyrylan elektrik we elektron enjamlary halkara forumynyň habar bermegine görä, köp adam köne telefonlary gaýtadan işlemeýänligi sebäpli 2022-nji ýylda 5,3 milliard jübi telefony taşlanar.
Aşgabat we Astana ýaşyl maýa bazary pudagyndaky hyzmatdaşlyk barada ylalaşdylar. Bu mesele Türkmenistanyň Prezidenti Serdar Berdimuhamedowyň ýolbaşçylygyndaky türkmen hökümet wekiliýetiniň şenbe güni “Astana” Halkara maliýe merkezine (AHMM) saparynyň çäklerinde ara alnyp maslahatlaşyldy.
Prezident Serdar Berdimuhamedow GDA-nyň Astanada geçirilen sammitiniň barşynda GDA ýurtlarynyň Türkmenistanyň başlangyjy bilen günorta ugur boýunça öňe sürlen energetika, ulag we kommunikasiýa taslamalaryna birigip biljekdiklerini beýan etdi.
Türkmenistanyň Prezidenti Serdar Berdimuhamedow, Astanada GDA-nyň sammitinde çykyş etmek bilen, mundan beýläkki özara hyzmatdaşlyk gatnaşyklaryny ýola goýmak, söwdany we dürli pudaklaryň gatnaşyklaryny dikeltmek üçin meýdança boljak GDA ýurtlarynyň köpugurly ykdysady sergi-ýarmarkasyny geçirmegi teklip etdi. Bu barada TDH habar berýär.
Ýekşenbe güni Türkmenistanyň hökümetiniň giňişleýin mejlisinde türkmen-özbek serhetýaka söwda zolagyny – bilelikdäki söwda merkezini döretmek baradaky taslamany öňe ilerletmek wise-premýer Batyr Atdaýewiň hasabatynyň esasy meselesi boldy.
Ýer titremesi özüniň giň ýaýraýyş gerimi we möçberi bilen gorky döredýän iň «ähtiýalan» hem aýylganç tebigy betbagtçylykdyr. Sunamiler, suw joşmalary, ýer süýşmeleri, taýfunlar belli bir derejede çak edilip bilinýän bolsa, ýer titremeleriniň weýran ediji we ölüm howply netijeleriniň öňüni almak diňe ýer gabynyň duýdansyz sarsgynlary wagtynda özüni alyp barmagyň düzgünlerine eýermeklige bagly bolup durýar.
«Neýtralnyý Turkmenistan» gazetiniň berýän habaryna görä, Türkmenistan Hytaýa eksport edýän gazynyň möçberini iki esse artdyrmagy we Türkmenistan-Hytaý gazgeçirijisiniň dördünji ugruny çekmek bilen ony ýylda 65 milliard kubometre ýetirmegi niýet edýär.
Özbegistanyň Prezidenti Şawkat Mirziýoýewiň Türkmenistana resmi sapary 20-21-nji oktýabr aralygynda bolar. Sapara görülýän taýýarlyk barada Türkmenistanyň Prezidenti Serdar Berdimuhamedowa wise-premýer, Daşary işler ministri Raşid Meredow hasabat berdi.
Türkmenistanyň Milli Geneşiniň Halk Maslahatynyň Başlygy Gurbanguly Berdimuhamedow şenbe güni Ahal welaýatynyň täze edara ediş merkezindäki binalaryň gurluşygy we köpçülikleýin bag nahallaryny oturtmagyň güýzki möwsümine taýýarlyk işleri bilen tanyşdy. Bu barada "Türkmenistan şu gün" saýty habar berdi.
CNPC kompaniýasy 26-28-nji oktýabr aralygynda Aşgabatda geçiriljek "Türkmenistanyň nebiti we gazy" halkara maslahatynyň esasy hyzmatdaşy hökmünde çykyş eder.
Astanadaky türkmen-gazak gepleşiklerinde ulag-üstaşyr pudagyndaky hyzmatdaşlyga aýratyn üns berildi. Gazagystan Respublikasynyň Prezidentiniň saýtynda berilýän habara görä, taraplar Gazagystan-Türkmenistan-Eýran demir ýolunyň doly güýjünde ulanylmagy üçin bilelikdäki çäreleri görmek barada ylalaşdylar.
Astanada Gazagystanyň we Türkmenistanyň resmi wekiliýetleriniň agzalarynyň gatnaşmagynda iki ýurduň liderleriniň arasyndaky gepleşikler tamamlandy. Taraplar ikitaraplaýyn gün tertibinde derwaýys meseleleriň birnäçesini jikme-jik ara alyp maslahatlaşdylar we mundan beýläkki hyzmatdaşlygyň esasy ugurlaryny kesgitlediler.
Türkmenistanyň Prezidenti Serdar Berdimuhamedow Akordada giňeldilen türkmen-gazak gepleşiklerinde çykyş etdi. Ol Gazagystanyň ýolbaşçysyna mähirli garşylanandygy we bilelikdäki iş üçin ajaýyp şertleriň döredilendigi üçin minnetdarlyk bildirdi.
Gazagystan türkmen gazyny import etmegiň möçberini ýylda bir ýarym milliard kub metre çenli artdyrmaga taýýar. Bu barada Kasym-Žomart Tokaýew şenbe güni Akordada geçirilen gepleşikler tamamlanandan soň, KHBS-niň wekilleri üçin brifingde aýtdy.
