Aşgabatda Türkmenistanyň hökümeti bilen hususy pudagyň we raýat jemgyýetiniň wekilleriniň arasynda howanyň üýtgemegine uýgunlaşmak boýunça ilkinji çärýekleýin gepleşikler geçirildi.
Türkmenistanda maglumat we aragatnaşyk tehnologiýalary pudagynda ilkinji ykjam goşundy sözlügi – IT sözlük elýeterli boldy.
2022-nji ýylyň 9 aýynda Türkmenistan bilen Rumyniýanyň arasyndaky haryt dolanyşygy 2021-nji ýylyň degişli döwri bilen deňeşdirilende, 7,3 esse artdy. Şol bir wagtyň özünde, rumyn önümleriniň türkmen bazaryna importy 6,4 esse, türkmen harytlarynyň Rumyniýa eksporty 8,2 esse artdy. Şeýle maglumatlar 1-nji dekabr, penşenbe güni Rumyniýanyň Milli güni mynasybetli geçirilen kabul edişlikde eden çykyşynda Türkmenistanyň Ministrler Kabinetiniň ýanyndaky Transport we kommunikasiýa agentliginiň baş direktory Mämmethan Çakyýew tarapyndan berildi.
GDA ýurtlarynda sanlylaşdyrmagy döwletleriň ykdysady we syýasy ösüşiniň esasyny düzýän hukuk namalaryny kadalaşdyrmakdan başlamaly. Bu mowzuk 2-nji dekabrda Sankt-Peterburgda Arkalaşygyň ýurtlarynyň parlamentara assambleýasynyň ştab-kwartirasynda geçirilen halkara maslahata gatnaşyjylar tarapyndan ara alnyp maslahatlaşyldy – diýlip, GDA-nyň ýerine ýetiriji komitetiniň internet saýtynda habar berilýär.
Türkmenistanyň Ministrler Kabinetiniň anna güni geçirilen mejlisinde Ministrler Kabinetiniň ýanyndaky Ulag we kommunikasiýa agentliginiň baş direktory Mämmethan Çakyýew ulag, üstaşyr we logistika boýunça türkmen-russiýa bilelikdäki topary döretmek we onuň türkmen bölegini guramak meýilnamalary barada Prezident Serdar Berdimuhamedowa hasabat berdi.
Çogdumlarynda dänesi bişende, ýygym başlanýar – onda ýetişen sümmülleriň 85-90% jemlenmelidir. Bu bolsa däne gabaklarynyň reňkinden görünýär. Türkmenistanda şaly hasylynyň ýygymy tamamlanyp barýar, häzir eýýäm tüwniň 82,5 müň tonna golaýy ýygnaldy diýip, ýurduň Oba hojalyk ministrliginde habar berdiler.
Türkmenistan we Russiýa demir ýol düzümlerini ösdürmegiň üstünde işleýärler, rus kompaniýalarynyň bolsa türkmen demir ýol pudagyny döwrebaplaşdyrmaga gatnaşmagy üçin uly mümkinçiligi bar diýip, anna güni RF-niň Türkmenistandaky söwda wekili Aleksandr Ýelizarow TASS-yň habarçysy bilen bolan söhbetdeşliginde aýtdy.
Türkmenistan halkara gatnawlarynda konteýnerli otlularyň düzüminde konteýnerleri daşamak hakynda ylalaşyga goşulmagy maksat edinýär. Bu barada Ministrler Kabinetiniň ýanyndaky Ulag we kommunikasiýalar agentliginiň baş direktory Mämmethan Çakyýew anna güni hökümetiň sanly ulgam arkaly geçirilen mejlisinde habar berdi.
Russiýada yslam bank ölçegleri boýunça Sberbankyň ilkinji edarasy 1-nji dekabrda Tatarystanyň Kazan şäherinde açyldy. Bu ýerde respublikanyň musulmanlary şerigatyň kadalaryna hem-de RF-niň kanunçylygynyň talaplaryna laýyk gelýän bank hyzmatlaryny alyp bilerler diýip, RT habarlar agentligi habar berýär.
Ýedi emirligiň jebisliginiň hormatyna baýram edilýän BAE-niň Milli gününiň 51 ýyllygy mynasybetli bu ýurduň Aşgabatdaky ilçihanasy dabaraly kabul edişlik gurady.
Bütindünýä mirasy goramak baradaky Konwensiýanyň uly şanly senesine bagyşlanan ÝUNESKO-nyň halkara forumy 4-9-njy dekabrda Kazan şäherinde geçiriler. 50 ýyl mundan ozal – 1972-nji ýylda ÝUNESKO-nyň howandarlygynda iň netijeli hem-de giňden ykrar edilýän halkara namalarynyň biri işlenilip taýýarlanyldy we kabul edildi.
Sekiz ýyl mundan ozal, 2014-nji ýylyň 3-nji dekabrynda Gazagystan-Türkmenistan-Eýran transmilli demir ýolunyň açylyşy boldy. Bu waka dünýä ähmiýetli bu özboluşly taslamany durmuşa geçiren döwletleriň baştutanlarynyň – Türkmenistanyň prezidenti Gurbanguly Berdimuhamedowyň, Gazagystanyň prezidenti Nursultan Nazarbaýewiň we Eýranyň prezidenti Hasan Ruhanynyň gatnaşmagynda geçirildi.
Türkmenistanyň Prezidenti Serdar Berdimuhamedowyň, Azerbaýjanyň Prezidenti Ilham Alyýewiň we Türkiýäniň Prezidenti Rejep Taýyp Ärdoganyň duşuşygy Hazaryň türkmen kenaryndaky Awazada 13-14-nji dekabrda geçiriler.
Şenbe güni, 3-nji dekabrda Daşkendiň demirýol menzilinde Türkiýäniň Izmir şäherinden ugran, Eýranyň we Türkmenistanyň çäklerinden geçip, Özbegistana gelen ilkinji ýük otlusynyň dabaraly garşylanylyşy boldy.
"Pele, tizara gutul!" - şular ýaly ýazgy şenbe güni Katarda Dünýä çempionatynyň oýunlary geçirilýän Halifa stadionynyň gapdalynda ýerleşen Aspire diňinde peýda boldy. Bu ýerde 3-nji dekabrda ABŞ bilen Niderlandlaryň ýygyndy toparlarynyň arasynda dünýä çempionatynyň 1/8 finalynyň ilkinji oýny geçirilýär – diýip, TASS habar berýär.
