Sony taslamasy islendik adama älemden Ýeriň ajaýyp suratyny uzak aralykdan almaga mümkinçilik berer
Ýaponiýanyň Sony kompaniýasy Star Sphere taslamasyny taýýarlaýar, onuň üsti bilen islendik adam aralykdan dolandyrylýan orbital hemra-kameralaryny ulanyp, älemden Ýeriň suratyny alyp biler – diýip, Universe Magazine habar berýär.
Star Sphere adamlara smartfonda (akylly telefonda) ýa-da kompýuterde seredip boljak diňe bir älemden surat almaga mümkinçilik bermän, islendik adama kiçijik hemrany dolandyrmaga, rakursyny düzmäge we suratlary çekmäge mümkinçilik berer.
“Siz adaty däl görüş burçundan eksklýuziw kameranyň kömegi bilen öz älem suratyňyzy ýa-da wideo şekiliňizi ýerine ýetirip bilersiňiz” – diýip Sony öz taslamasyna teswir berdi.
Ulanyjy hakyky wagtda giňişlikde ugur tapmak bilen dolandyryp biler we obýektiwe düşen ähli zatlary görüp biler. Kompaniýa bu hyzmaty şu ýylda işe girizmek isleýär, ýöne ilki ol diňe ABŞ-da we Ýaponiýada elýeter bolar. Isleg bildirýänler eýýäm Star Sphere saýtynda hasaba alnyp bilerler.
ORIENT news
Surat: Universe Magazine
