Şu gün ýurdumyzda Mejlisiň deputatlygyna, welaýat, etrap we şäher halk maslahatlarynyň we Geňeşleriň agzalygyna saýlaw möwsüminiň çäklerinde, dalaşgärleri hödürlemek işi tamamlandy. Häzirki wagtda dalaşgärleri bellige almak işleri dowam edýär, ýakyn günlerde bolsa olaryň saýlawçylar bilen duşuşyklary başlanar.
Şu gün hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzy durmuş-ykdysady taýdan mundan beýläk-de ösdürmek bilen bagly käbir meseleler ara alnyp maslahatlaşyldy, şeýle hem milli ykdysadyýetiň pudaklaryny ösdürmäge gönükdirilen resminamalaryň taslamalaryna garaldy.
Striming hyzmaty Netflix beýleki striming-hyzmatlary bilen güýçli bäsdeşligiň netijesinde ýazylýanlaryň kemelip barýan sanynyň artmagyny saklap galmak üçin käbir ýurtlarda ýazylyşygyň bahasyny arzanlatdy – diýip, Reuters habar berýär.
Golaýda ýurtda ilkinji gezek grippiň wirusynyň üstünlikli sekwenirleme tejribesini geçiren türkmen alymlary, möwsümleýin A grippiň patogenleriniň (Р3N2) Türkmenistana Russiýadan, Gazagystandan ýa-da Gyrgyzstandan düşendigini ýüze çykardylar.
Türkmenistan bilen Ýewropa Birleşiginiň arasynda diplomatik gatnaşyklaryň ýola goýulmagynyň 30 ýyllygy mynasybetli ÝB-niň Türkmenistandaky wekilhanasy foto işleriň bäsleşigine badalga berýär.
Halkara awtoulag daşamalaryny mundan beýläk-de artdyrmagyň we ösdürmegiň meseleleri awtoulag ulagy boýunça türkmen-gazak Bilelikdäki komsissiýasynyň nobatdaky mejlisiniň barşynda ara alnyp maslahatlaşyldy. Bu barada Türkmenistanyň Ministrler Kabinetiniň ýanyndaky Ulag we kommunikasiýa agentliginiň «Türkmenawtoulaglary» agentliginiň resmi saýty habar berýär.
Balkan welaýatynyň Magtymguly etraby 2022-nji ýylyň jemleri boýunça ýurtda iň öňdebaryjysy bolmak bilen, $1 mln möçberdäki sylagy çagalar dynç alyş merkeziniň gurluşygyna we ýanaşýan ýerlerini abadanlaşdyrmaga sarp eder.
Öz türgenleriniň Hytaýda boljak tomusky Aziýa oýunlaryna gatnaşmaklaryny meýilleşdirýän Milli Olimpiýa Komitetleri (MOK) ýaryşlaryň guramaçylyk komitetine 15-nji marta çenli ýüz tutmalary ugratmalydyrlar. Bu barada Aziýanyň Olimpiýa Komitetiniň metbugat gullugynda habar berdiler.
ABŞ-nyň prezidenti Jo Baýden Mastercardyň öňki baş direktory Adžaý Banguny Bütindünýä bankynyň baştutany wezipesine dalaşgär hökmünde hödürledi, ol asly hindistanly bolan Bangunyň hususy pudakdaky we ösýän bazarlar bilen tejribesiniň bu guramanyň düýpli täzelenmegini tizleşdirjekdigine bil baglady.
ABŞ-nyň demirgazyk-gündogarynda 900 müňe golaý ýaşaýjy ýurtda emele gelen güýçli garly tupan sebäpli yşyksyz galdy. Bu barada dünýäniň KHBS-i Amerikanyň elektrik energiýasynyň berlişini yzarlaýan Power Outage portalynyň maglumatlaryna salgylanyp habar berýärler.
Hindistanyň Olimpiýa birleşmesi bu ýurt üçin ençeme medallary gazanan häzirki we ozalky türgenlere muzdsyz saglyk ätiýaçlandyrmasyny berer – diýip, Insidethegames habar berýär.
Russiýanyň «Матч ТВ» teleýaýlymy göni ýaýlymda Kemerowo oblastynda (Russiýa) 23-nji fewraldan 5-nji marta çenli geçiriljek II gyşky Halkara sport oýunlarynyň - «Aziýanyň çagalarynyň» açylyş dabarasyny görkezer.
23-nji fewralda USAID tarapyndan Türkmenistanda telekeçiligi we işewürlik-gurşawy ösdürmek baradaky taslamasy bolan Türkmenistandaky ilkinji DigiWomen Camp maksatnamasyna badalga berildi, ol maglumatlar-kommunikasiýa tehnologiýalary boýunça gyzlar we zenanlar üçin işe ýerleşmegiň täze mümkinçiliklerini döretmäge niýetlenendir.
Penşenbe güni, 23-nji fewralda Türkmenistanyň Döwlet haryt-çig mal biržasyndaky söwdalaşyklarda jemi bahasy $360 müň amerikan dollaryna barabar bolan we 2,5 mln türkmen manadyna deň bolan 2 geleşik baglaşyldy.
ABŞ-nyň döwlet sekretary Entoni Blinken 28-nji fewraldan 3-nji mart aralygynda Gazagystana, Özbegistana we Hindistana sapar bilen barar. Bu barada Döwlet departamentiniň metbugat gullugynyň ýolbaşçysy tarapyndan penşenbe güni ýaýradylanýazmaça beýanatynda aýdylýar – diýip, TASS habar berýär.
