Döwlet tölegleriniň we kömek pullarynyň möçberi2008-nji ýyldan 2022-nji ýyla çenli 1225,2%, edil şunuň ýaly döwür üçin aýlyk haklary – 394,4% ýokarlandy. Şu hili sanlary ykdysady ylymlaryň kandidaty Maýagözel Babaýewa “Türkmenistan” gazetine beren synynda getirýär.
Türkmenistanyň Oba hojalyk we daşky gurşawy goramak ministrliginiň wekilleri agrar pudagynda hyzmatdaşygy giňeltmek üçin Özbegistana baryp gördüler – diýip, ÖR-nyň Oba hojalyk ministrliginiň saýtynda habar berilýär.
Türkmenistanda Mejlisiň deputatlarynyň we ýerli öz-özüňi dolandyryşyň wekilçilikli edaralaryna agzalaryň saýlawlary 26-njy marta bellenildi. Türkmen parlamentiniň degişli kararyny şu gün resmi türkmen metbugatynda çap edildi.
Samsung resmi taýdan Galaxy Unpacked bilentanyşdyryşy yglan etdi – ol 1-nji fewralda bolar – diýip, Engadget habar berýär.
Owganystanyň wagtlaýyn hökümetiniň Daşary işler ministri Amir Han Mutaki Kabulda Russiýanyň prezidentiniň Owganystan boýunça ýörite wekili Zamir Kabulow bilen duşuşygynda Russiýadaky diplomatik wekilligiň çäklerini giňeltmek niýeti barada aýtdy. Bu barada Owganystanyň Daşary işler ministrligine salgylanyp, RIA Nowosti habar berýär.
23-24-nji ýanwarda Daşkentde Ykdysady hyzmatdaşlyk guramasynyň Daşary işler ministrleriniň geňeşiniň (YHG DIMG) mejlisi geçiriler.
Türkmenistanyň Daşkentdäki ilçisi Ýazguly Mämmedow penşenbe güni Özbegistan Respublikasynyň Daşary işler ministriniň wezipesini ýerine ýetiriji Bahtiýor Saidow bilen duşuşdy.
Türkmenistanyň Demokratik partiýasynyň Mary bölümi "Mary-Şahu Jahan" welaýat gazetiniň redaksiýasy bilen bilelikde döredijilik bäsleşigini yglan etdi.
Şu ýylyň mart aýynda Russiýanyň Demir ýollary tarapyndan syýahatçylar üçin Lew Tolstoýyň we Iwan Buniniň taryhy ýerlerine edebi otly ýola goýlar. Syýahatyň bu görnüşi "tigir üstünde myhmanhana" bolmak bilen, gündiz - gezelençler, gije bolsa – ýokary amatlyklary bolan SV we kupe wagonlarda ýol aşmakdyr. Otlynyň düzüminde restoran-wagon hem bar" – diýip, Russiýanyň Demir ýollary habar berýär.
Penşenbe güni Aşgabatda geçirilen maslahatlaşmalarda Türkmenistanda Global GAP boýunça Milli tehniki iş toparyny döretmegiň mümkinçilikleri, şeýle hem onuň ýurduň oba hojalyk öndürijilerine we ykdysadyýetine getirip biljek peýdasy ara alnyp maslahatlaşyldy. Çäre “Merkezi Aziýada howpsuz migrasiýa” atly ABŞ-nyň halkara ösüş boýunça agentliginiň (USAID) maksatnamasy tarapyndan Türkmenistanyň Senagatçylar we telekeçiler birleşmesi hem-de Germaniýanyň Global GAP oba hojalyk önümleriniň hil standartyny sertifikatlaşdyrmak boýunça kompaniýasy bilen bilelikde Türkmenistanyň ykdysatçylar birleşiginiň gatnaşmagyna geçirildi.
Çarşenbe güni Parižde Türkmenistanyň we Fransiýanyň işewür toparlarynyň wekilleriniň işewür duşuşygy geçirildi. Gepleşikler business lunch görnüşde geçirilip, oňa VINCI Construction, CARPI Tech, MEDEF International, SAFRAN, PMJC, CIS Energy, IN Groupe, Thomson Broadcast, Oberthur, Airbus D&S, Saberatours fransuz kompaniýalarynyň we ýene-de birnäçe beýlekileriň wekilleri gatnaşdylar.
Türkmenistanyň Prezidenti Serdar Berdimuhamedowyň adyna Täze, 2023-nji ýyl mynasybetli Wengriýanyň Prezidenti Katalin Nowakdan,Moldowa Respublikasynyň Prezidenti Maýýa Sandudan, Alžir Halk Demokratik Respublikasynyň Prezidenti Abdelmajid Tebbundan, Mongoliýanyň Prezidenti Uhnaagiýn Hurelsuhdan, Kuweýt Döwletiniň Emiri Nawaf Al-Ahmed Al-Jaber Al-Sabahdan,Marokkonyň Patyşasy Mohammed VI-dan gutlag hatlary gelip gowuşdy. Gutlaglarda Hormatly Prezidentimize berk jan saglyk, bagtyýarlyk, Türkmenistanyň dostlukly halkyna bolsa parahatçylyk we gülläp ösüş arzuw edilýär.
Şu günler Türkmenistany adatdan daşary aýazly howa gurşap aldy, ýurduň käbir sebitlerinde bolsa noldan aşak derejedäki rekord görkezijiler bellige alyndy. Mysal üçin, şu gün irden paýtagtyň “Täze Zaman” ýaşaýyş toplumynda howanyň derejesini ölçeýjiniň görkezijisi -20 gradusy görkezdi, Aşgabadyň etegindäki Ýanbaşyň ýaşaýjylary bolsa -18 gradusy bellige aldylar.
Türkmenistanyň Döwlet gümrük gullugy ýurduň serhetýaka gümrük nokatlarynda HÝD kitapçasyny – araçäkden geçmegi ýeňilleşdirýän we tizleşdirýän ulag resminamasyny ulanýanlar üçin “Ýaşyl geçelgeleri” kesgitledi.
Türkmenistanyň ýaşlary Non-Violence Cup halkara taslamasynyň çäklerinde çekişmebäsleşigine gatnaşar, ol häzirki döwrüň wajypmeselelerini konstruktiw görnüşde ara alyp maslahatlaşmaga mümkinçilik berýär.
