Owganystanyň goňşy ýurtlarynyň ýörite wekilleriniň ilkinji ýygnagyna gatnaşanlar ýurduň maliýe serişdeleriniň daşary ýurt banklarynda doňunyň aýrylmagy barada gürrüň etdiler. Bu barada sişenbe güni Özbegistanyň prezidentiniň Owganystan boýunça ýörite wekili Ysmatulla Irgaşew aýtdy.
Türkmenistanyň Gazagystandaky Adatdan daşary we Doly ygtyýarly ilçisi Batyr Berdiýew Astanadaky L.N.Gumilýow adyndaky Ýewraziýa milli uniwersitetinde talyplaryň öňünde leksiýa bilen çykyş etdi.
Turkmenistanyň «Pearl of Asia» syýahatçylyk kompaniýasy Berlinde geçirilýän “ITB Berlin” atly dünýäniň iň uly syýahatçylyk sergisine gatnaşýar.
Elbetde, ol eýýäm bir million bägül ösdürip ýetişdirdi, belki-de bir milliondan hem köpräkdir. Üstesine-de onuň iň gowy görýäni iň owadan we iň uzyn Gollandiýaly bägüllerdir we elbetde bu görnüşe gül bazarynda köp isleg bildirilýär. Güljahan Ýagmyrowa – ýerli gül satyjylary oňa bägülleriň şa zenany diýip at berdiler.
Innowatorlar 35 ýaşdan uly bolmadyklary «Ýokary tehnologiýalar we innowasiýa işläp taýýarlamalar» atly halkara bäsleşige gatnaşmaga çagyrylýar.
BAE-niň Ministrler Kabineti sişenbe güni Türkmenistan bilen gümrük meselelerinde hyzmatdaşlyk we özara kömek bermek baradaky ylalaşygy tassyklady we ýurtda Aziýa infrastruktura maýa goýum bankynyň (AIMGB) ofisiniň döredilmegini makullady.
Pekinde 14-nji Milli Halk Gurultaýynyň (NPC) 1-nji sessiýasy açyldy – diýip, Sinhua habar berýär. Öňümizdäki günlerde Hytaýyň deputatlary durmuş-ykdysady üstünlikleri ara alyp maslahatlaşarlar we ýurduň mundan beýläk hem giňişleýin ösüşiniň geljegini meýilleşdirerler.
Ulag meselesi, aýry iş ugry hökmünde Birleşen Milletler Guramasynyň gün tertibiniň merkezinde bolmalydyr diýip, Türkmenistan Ministrler Kabinetiniň Başlygynyň Orunbasary Hojamyrat Geldimyradow duşenbe güni BMG-nyň iň pes ösen ýurtlar boýunça 5-nji konferensiýasynda eden çykyşynda aýtdy.
Takyk aýdylanda, Aral deňzindäki suwuň derejesi 48 sm ýokarlandy – diýip, Gazagystanyň Gyzylorda oblastynyň akimatynyň resmi saýty habar berýär.
7-nji martda sişenbe güni Nýu-Delide "Hindistan-Merkezi Aziýa" bilelikdäki iş toparynyň Owganystan boýunça ilkinji duşuşygy geçirildi. Duşuşyga Hindistanyň, Gazagystanyň, Gyrgyzystanyň, Täjigistanyň, Türkmenistanyň we Özbegistanyň ýokary wezipeli ýörite wekilleri gatnaşdylar.
Türkmenistanda 26-njy martda geçiriljek Mejlisiň deputatlarynyň, welaýat, etrap we şäher halk maslahatlarynyň we Geňeşleriň agzalarynyň saýlawlaryna taýýarlyk görmek möwsümi işjeň dowam edýär. Mälim bolşy ýaly, şu gezekki saýlawlar türkmen jemgyýetinde gadymy milli demokratik ýörelgeleri mundan beýläk-de berkitmegiň üýtgewsiz şerti bolan giň bäsdeşlik esasynda geçirilmegi baş maksat bolup durýar.
Şu gün hormatly Prezidentimiz Serdar Berdimuhamedow Ministrler Kabinetiniň Başlygynyň obasenagat toplumyna gözegçilik edýän orunbasary A.Ýazmyradowyň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi. Iş maslahatynda ýurdumyzyň welaýatlarynda alnyp barylýan möwsümleýin oba hojalyk işleri, şeýle hem Oba milli maksatnamasyndan gelip çykýan wezipeleriň ýerine ýetirilişi bilen bagly meselelere seredildi.
Berkarar döwletiň täze eýýamynyň Galkynyşy döwründe “Türkmenhimiýa” döwlet konserniniň işini has-da kämilleşdirmek maksady bilen, Türkmenistanyň Prezidenti Karara gol çekdi.
Merdana ata-babalarymyzyň türkmen jemgyýetiniň sagdyn ösüşini esaslandyrýan maşgala ojagynda ene mähremligine aýratyn hormat goýup, ony mukaddeslige deňemek ýaly ajaýyp ýörelgelerinden ugur alyp, berkarar Watanymyzyň bagtyýar geljegini kepillendirýän mynasyp nesli ösdürip we terbiýeläp ýetişdirmekde belent başly enelerimiziň bitirýän ägirt uly hyzmatlaryny nazara almak bilen, Türkmenistanyň Prezidenti Permana gol çekdi.
Türkmen mekdep okuwçylary, Singapurda geçirilen tebigy bilim, tehnologiýa, inženerçilik we matematika boýunça Halkara bilim olimpiadasynda (SteamCO) dürli gymmatlykdaky 41 medallara eýe boldular.
