Türkmenistanyň Prezidentiniň Karary bilen, Gadyrgeldi Müşşikowiç Müşşikowy başga işe geçmegi sebäpli, “Senagat” paýdarlar täjirçilik bankynyň müdiriýetiniň başlygy wezipesinden boşatmak hakynda “Senagat” paýdarlar täjirçilik bankynyň paýdarlarynyň umumy ýygnagynyň 2023-nji ýylyň 10-njy fewralynda çykaran 1-nji karary tassyklanyldy.
11-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Birleşen Arap Emirliklerine resmi sapara ugramak üçin paýtagtymyzyň halkara howa menziline geldi. Howa menzilinde Gahryman Arkadagymyz BAE-niň Türkmenistandaky ilçihanasynyň wekili bilen söhbetdeş boldy. Hormatly Arkadagymyz BAE-niň ýurdumyzdaky ilçihanasynyň wekiline bu resmi saparyň iki ýurduň arasyndaky däp bolan dostlukly gatnaşyklaryň mundan beýläk-de pugtalandyrylmagyna ýardam berjekdigini belledi.
Şenbe güni, 11-nji fewralda iş sapary bilen Abu-Dabi şäherine gelen Türkmenistanyň Halk Maslahatynyň Başlygy Gurbanguly Berdimuhamedow BAE-niň prezidenti şeýh Mohammed ben Zaid Al Nahaýýan bilen duşuşdy. Duşuşyk Al-Şati köşgünde geçdi.
13-15-nji oktýabrda geçiriljek ýetginjekler we ýaşlar dünýä çempionatynyň geçiriljek ýeri hökmünde Gyrgyzystanyň paýtagty Bişkek şäheri saýlandy. Degişli karar Halkara sambo federasiýasynyň ýerine ýetiriji komitetiniň agzalary tarapyndan kabul edildi - diýlip, guramanyň resmi saýtynda habar berilýär.
FIFA 2022-nji ýylyň (2021/22 möwsümi we 2022-nji ýylyň dünýä çempionaty boýunça) iň gowy oýunçysynyň baýragyna mynasyp üç dalaşgäri yglan etdi. Olar – Lionel Messi (“PSŽ”, Argentina), Kilian Mbappe (“PSŽ”, Fransiýa) we Karim Benzema (“Real”, Fransiýa).
5-9-njy sentýabr aralygynda Tatarystan Respublikasynyň paýtagtynda musulman kinosynyň XIX Kazan halkara festiwaly geçiriler. Her ýyl kinoforumyna Russiýadan, şeýle hem ýakyn we uzak daşary ýurtlardan onlarça filmler gatnaşýarlar. Kino festiwalyň guramaçylyk topary bäsleşige öz işlerini hödürlemäge taýýar bolan kinostudiýalardan haýyştnamalary kabul edilendigi barada yglan etdi. Bellige alyş 2023-nji ýylyň 1-nji iýunyna çenli dowam eder diýip, festiwalyň metbugat gullugy habar berýär.
Türkmen fotosuratçysy Ahmet Hallyýewiň işleri 7-nji Halkara fotopremiýasy 35AWARDS jemleri boýunça gowularyň biri diýlip ykrar edildi, oňa dünýäniň 174 ýurdundan 125 müň adam gatnaşdy.
― Mugallymçylyk käriniň abraýly we ýaşlary özüne çekiji bolmagy üçin olaryň zähmet hakyny ýokary derejede bellemek gerek - diýip, Türkmenistanyň Prezidenti Serdar Berdimuhamedow anna güni ýurduň Ministrler Kabinetiniň mejlisinde aýtdy. Bu barada Türkmenistanyň Döwlet habarlar agentligi (TDH) habar berýär.
Aşgabatda Türkiýäniň “Gap Inşaat” kompaniýasy tarapyndan üç sany lukmançylyk merkezi gurlar. Degişli resminamalara anna güni Türkmenistanyň Prezidenti Serdar Berdimuhamedow Ministrler Kabinetiniň mejlisinde gol çekdi – diýip, Türkmenistanyň Döwlet habarlar agentligi (TDH) habar berýär.
Google kompaniýasynyň emeli intellektli täze çat-boty Bard reklama roliginde nädogry maglumaty paýlaşandan soň, onuň bazardaky bahasy $100 mlrd aşaklady – diýip, Reuters habar berýär.
12-nji fewralda bellenip geçilýän zorlukly ekstremizmiň öňüni almaklygyň Halkara güni mynasybetli BMGÖM tarapyndan Halkaraynsanperwer ylymlary we ösüş uniwersitetinde ZEÖA-ga jemgyýetler derejesinde psihologiki goldawy bermek arkaly ýaşlaryň durnuklylygyny pugtalandyrmak boýunça seminar geçirdi. Bu barada guramanyň metbugat beýanatynda habar berilýär.
Amerikan reýting agentligi Fitch Ratings Türkmenistanyň defolt emitentiniň uzakmöhletleýin reýtingi (РДЭ) boýunça daşary ýurt pulundaky çaklamany “Durnuklydan” “Oňyna” üýtgetdi we ony «B+» derejede tassyklady.
Täze döredilen Aba Annaýew adyndaky Halkara atçylyk akademiýasynyň rektory wezipesineTürkmenistanyň sungatda at gazanan işgäri, «Galkynyş» milli atçylyk-sport toparynyň ýolbaşçysy Pygy Baýramdurdyýew bellendi.
GlobalPetrolPrices portaly tarapyndan düzülen awtoulag ýangyjynyň bahalarynyň täzelenen reýtingine laýyklykda Türkmenistanda Merkezi Aziýa sebitindäki we GDA-daky benziniň iň arzan bahasy saklanyp galýar.
Olimpiýa hereketi Türkiýede we goňşy Siriýada bolup geçen ýer titremesinden ejir çekenlere kömek bermek üçin adatdan daşary gaznanyň döredilýändigini yglan etdi.
