Türkmenistanyň Oguz han adyndaky inžener-tehnologiýalar uniwersiteti Merkezi Aziýada ilkinji bolup, terjimede Oýlap tapyş - Döretmek - Durmuşa geçirmek - Dolandyrmak diýmegi aňladýan CDIO - Conceive - Design - Implement - Opera halkara birleşiginiň agzalygyna kabul edildi.
Gündogaryň meşhur folklor gahrymany Hoja Nasreddiniň hormatyna atlandyrylan täze animasion filmiň taslamasy Türkiýäniň, Özbegistanyň we Gazagystanyň studiýalary tarapyndan goldanyldy. Film rus kino režissýory Timur Bekmambetow tarapyndan surata düşüriler - diýip, TASS habar berýär.
Duşenbe güni Türkmenistanyň Prezidenti Serdar Berdimuhamedow Doha saparynyň çäklerinde Bilim, ylym we jemgyýetçilik ösüşi boýunça Katar gaznasynyň baş edarasyna bardy. Hormatly myhman we türkmen wekiliýetiniň beýleki agzalary Katar gaznasynyň taryhy , esasy wezipeleri we ýeten sepgitleri bilen tanyşdyryldy.
Şu gün Doha şäherinde Türkmenistanyň Katardaky ilçihanasy açyldy.
Prezident Serdar Berdimuhamedow soňky ýyllarda depginli ösüşe eýe bolan Türkmenistan bilen Katar Döwletiniň arasyndaky pugta gatnaşyklara ýokary baha berdi. "Häzirki döwürde türkmen-katar gatnaşyklaryny ýurtlarymyzyň eýe bolan düýpli ykdysady mümkinçiliklerine laýyk gelýän derejä çykarmak üçin ähli zerur şertler bar" - diýip, Türkmenistanyň Döwlet Baştutany “Sheraton Grand Doha Resort and Convention” myhmanhanasynda Kataryň öňdebaryjy kompaniýalarynyň we maýa goýum edaralarynyň ýolbaşçylary bilen geçirilen duşuşykda eden çykyşynda aýtdy.
Türkmenistanyň Prezidenti Serdar Berdimuhamedow we Kataryň emiri Şeýh Tamim bin Hamad Al Tani Doha şäherinde resmi gepleşikler geçirdi. Olar iki ýurduň arasyndaky ikitaraplaýyn gatnaşyklary we ähli ugurlarda, esasanam bilim, ykdysadyýet, maýa goýum, söwda, energetika, sport we jemgyýetçilik meselelerinde ösüş ýollaryny ara alyp maslahatlaşdylar we iň möhüm sebit we halkara meseleler boýunça pikir alyşdylar.
24-26-njy aprelde Daşkende "Innoprom. Merkezi Aziýa" Halkara senagat sergisi geçiriler. Çäräniň guramaçylyk komitetiniň habaryna görä, “Uzeksposenter” Milli sergi toplumynda ekspozisiýanyň guraljak meýdanynyň 80% golaýy eýýäm bronlandy.
Türkmenistanda howa maglumaty hünärmenleri tarapyndan şu hepdäniň ýagyşly boljagy habar berilýär. Bu geň zat däl, eýsem tebigatyň ýakyn günlerde türki, pars, kawkaz halklarynyň belleýän Nowruzdan öň ýyly, bahar ýagyşy bilen topragy «suwlamak» däpleri bar.
Türkmenistanyň Döwlet gümrük gullugynyň başlygynyň orunbasarynyň baştutanlygyndaky türkmen wekiliýeti gümrük gulluklarynyň ýolbaşçylarynyň «bir penjire» ýörelgesi boýunça «Gündogar-Günbataryň» ugrundaky Hazarüsti halkara Orta geçelgesiniň üstaşyr düzgünleriniň ýönekeýleşdirilmegi taslamasy boýunça Köptaraplaýyn duşuşygyna gatnaşdy.
Bişkekde thekwondo GTF boýunça dünýä çempionaty geçiriler – diýip, Gyrgyzystan Respublikasynyň Medeniýet, maglumatlar, sport we ýaşlar syýasaty ministrligi habar berýär.
Prezident Serdar Berdimuhamedow ýurduň milli parlamentiniň işini guramagy, onuň ygtyýarlyklaryny, işiniň tertibini we gurluşyny kesgitleýän «Türkmenistanyň Mejlisi hakynda» kanuna gol çekdi.
Türkmenistanyň Prezidenti Serdar Berdimuhamedowyň we Kataryň emiri şeýh Tamim bin Hamad Al Tani bilen gepleşikleriniň netijesi boýunça ikitaraplaýyn resminamalaryň toplumyna gol çekildi – diýip, TDH habar berýär.
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenaragatnaşyk» agentliginiň politehniki orta hünär mekdebinde Nowruz halkara baýramy mynasybetli dabaraly çäre geçirildi.
31-nji martda USAID guramasynyň we ÝB-niň Türkmenistandaky wekiliýeti Türkmenistanyň ÝUNESKO-nyň işleri baradaky Milli komissiýasynyň goldamagynda Handmade Exports startap—inkubator maksatnamasynyň çäklerinde Lebap Handmade Exports taslamasyna badalga bererler.
Migrasiýa baradaky halkara guramasynyň Türkmenistandaky wekilhanasy «Merkezi Aziýa döwletleriniň hökümetlerine migrasiýa baradaky Bütindünýä şertnamasyny ýerine ýetirmekde ýardam etmek» atly sebitleýin taslamasyna badalga berdi.
