Sişenbe güni geçirilen telefon arkaly söhbetdeşlikde Türkmenistanyň Daşary işler ministri Raşid Meredow Ysraýylyň Daşary işler ministri Eli Koen bilen ikitaraplaýyn hyzmatdaşlygyň birnäçe meselesini ara alyp maslahatlaşdy.
Owganystanyň Hyrat welaýatyndaky hususy kompaniýa günde 300-e golaý gün panelini öndürýär, olaryň her biri 650 wata çenli elektrik bilen üpjün etmäge ukyply. Bu barada"Ariana News" habar berýär.
Özbegistan we Eýran Türkmenistanyň üsti bilen multimodal geçelgäni ösdürmek we özbek ýük daşaýjylary üçin tölegleri azaltmak barada ylalaşdylar. Ylalaşyklar Özbegistanyň Ulag ministri Ilhom Mahkamow bilen Eýranyň Ýol hojalygy we şäher gurluşygy ministri Mehrdod Bazrpoşyň arasynda geçirilen gepleşikleriň çäginde gazanyldy.
BMG-nyň Terrorizme garşy komitetiniň missiýasynyň 2024-nji ýylda Türkmenistana saparyny gurnamak meseleleri Türkmenistanyň daşary işler ministriniň orunbasary Wepa Hajyýewiň BMG-nyň Baş sekretarynyň kömekçisi, BMG-nyň Terrorizme garşy komitetiniň Ýerine ýetiriji müdirliginiň Ýerine ýetiriji müdiri Natalýa German bilen duşuşygynyň barşynda ara alnyp maslahatlaşyldy.
Fransiýa emeli intellektiň ýewropa paýtagty bolmagy niýet edinýär. Bu hakda prezident Emmanuel Makron özüniň CNBC amerikan telekanalyna interwýusynda beýan etdi.
2023-nji ýylyň ýanwar aýyndan maý aýyna çenli Azerbaýjan bilen Türkmenistanyň arasyndaky haryt dolanyşygy 392,74 million dollara deň boldy- diýip, Trend habar berýär. Bu geçen ýylyň degişli döwri bilen deňeşdireniňde 3,6 esse köpdür.
Gazagystan we Hytaý Sian gury ýer portynyň çägindäki Gazagystanyň ýük terminalynyň gurluşygyny tizleşdirmegi we ony şu ýylyň ahyrynda ulanyşa tabşyrmagy ylalaşdylar – diýip, Trend habar berýär.
Duşenbe güni, 19-njy iýunda Türkmenistanyň Döwlet haryt-çig mal biržasyndaky söwdalaşyklarda jemi bahasy $27,7 mln amerikan dollaryna deň bolan 16 geleşik baglaşyldy- diýip, ORIENT-iň habarçysy habar berýär.
Özbegistanyň ilkinji hususy uçar kompaniýasy Centrum Air şu gün Ürgençden Moskwa uçuş maksatnamasyna badalga berdi – diýip, RIA Nowosti habar berýär.
Russiýanyň «Яндекс» IT kompaniýasy işewürlere täze görnüşli “YandexGPT” neýrosteini hödürleýär. Onuň kömegi bilen çat-botlary we “akylly” kömekçileri döredip, maglumatly tekstleri ýazyp we birnäçe işewürlik ýumuşlary çözüp bolýar.
Şu ýylyň 4 aýynda Türkmenistan 398,8 million kub metr tebigy gazy Azerbaýjan Respublikasyna eksport etdi.
Ýaý atmak sporty boýunça jemi 10 türgenden ybarat türkmen ýygyndysy Gazagystan Respublikasynyň paýtagty Astanada geçirilen halkara ýaryşynda çykyş etdiler. “Gran-pri Astana” ady bilen geçirilen ýaryşda türgenlerimiz jemi 3 medal: 1 altyn, 1 kümüş we 1 bürünç medala eýe boldular.
4 müň 518 — 4 müň 333 metr aralyklardaky gatlaklarda geçirilen partladyş işleriniň netijesinde tebigy gazyň ýokary basyşly, senagat ähmiýetli akymy alyndy.
“Türkmengaz” döwlet konserni “Gündogar – Günbatar” gazgeçirijisiniň Şatlyk böleginde täze gas gysyjy desgasyny gurar. Degişli desgany gurmak we gerekli enjamlary daşary ýurtlardan getirmek boýunça halkara bäsleşigi yglan edildi.
Türkmenistanyň Awstriýa Respublikasyndaky ilçisi “Ylym we tehnika – 2023” ady bilen geçirilýän halkara maslahatyň açylyş dabarasyna gatnaşdy. Oňa Türkmenistanyň Ylymlar akademiýasynyň Seýsmologiýa we atmosferanyň fizikasy institynyň alymlary hem sanly ulgam arkaly gatnaşdylar.
