Gazagystan we Hytaý ýük terminalynyň gurluşygyny şu ýylyň ahyryna çenli tamamlarlar
Gazagystan we Hytaý Sian gury ýer portynyň çägindäki Gazagystanyň ýük terminalynyň gurluşygyny tizleşdirmegi we ony şu ýylyň ahyrynda ulanyşa tabşyrmagy ylalaşdylar – diýip, Trend habar berýär.
Ylalaşyk «Казахстан Темир жолы» (Gazagystan demir ýollary), «Кедентранссервис» PJ-niň we Xi'an Free Trade Port Construction and Operation Co., Ltd. Hytaý kompaniýasynyň arasynda gazanyldy.
«Казахстан Темир Жолы»-nyň metbugat gullugynyň haba bermegine görä, duşuşygyň barşynda resminamalary düzmegi-baha bermegi işläp düzmegi tizleşdirmegiň we ýük terminaly üçin Sianyň gury ýer portynda ýer uçastogyny resmileşdirmegiň meselelerine hem seredildi.
Hytaýyň wekilleri şeýle hem Aktaunyň portynda konteýner habyny döretmek boýunça taslama gyzyklanma bildirdiler. Wekiliýetler «Казахстан Темир жолы»-nyň infrastruktura taslamalaryna gelejekde gatnaşmak meselesini öwrenip, Altynköl, Almaty terminallaryna we Aktau portyna baryp gördüler.
ORIENT habarlar
