Türkmenistan — Azerbaýjan bilen haryt dolanyşygynyň möçberi boýunça iň öňdäki 15 ýurduň sanawynda
Iýun 20, 2023 | 16:51 |7179
2023-nji ýylyň ýanwar aýyndan maý aýyna çenli Azerbaýjan bilen Türkmenistanyň arasyndaky haryt dolanyşygy 392,74 million dollara deň boldy — diýip, Trend habar berýär. Bu geçen ýylyň degişli döwri bilen deňeşdireniňde 3,6 esse köpdür.
Şeýlelik bilen, Azerbaýjanyň Döwlet gümrük komitetiniň maglumatlaryna görä, Türkmenistan Azerbaýjan bilen haryt dolanyşygynyň möçberi boýunça öňdäki 15 ýurduň sanawyna girdi.
Türkmenistanyň görkezilen döwürde Azerbaýjana eksporty geçen ýyldakydan 3,6 esse artyp, 354,42 million dollara deň boldy. Geçen ýyly bu görkeziji 96,34 million dollara deňdi.
Şeýle hem Azerbaýjanyň importyndaky Türkmenistanyň paýy 5,18 % çenli artdy.
ORIENT habarlar
