Türkmenistan Hytaýa turba geçiriji arkaly gaz ugratmakda öňdebaryjy orny eýelemegini dowam edýär. Ýanwar-maý aýlarynda Hytaýa 4,25 mlrd dollarlyk türkmen «mawy ýangyjy» iberildi (ösüş 13,5%-e golaý). Bu barada HHR-iň Baş gümrük müdirligi habar berdi.
Prezident Serdar Berdimuhamedowyň Karary bilen Türkmenistanda çagalaryň hukuklaryny durmuşa geçirmek boýunça 2023-2028-nji ýyllar üçin Hereketleriň Milli Meýilnamasy tassyklanyldy. Täze meýilnama 2022-2028-nji ýyllar üçin ýurduň durmuş-ykdysady ösüş maksatnamasynda göz öňünde tutulan milli ugurlar, şeýle hem ozalky Milli Hereket meýilnamasyna baha bermekde ýüze çykýan esasy teklipler we öňdebaryjy tejribe esasynda taýýarlanyldy.
Penşenbe güni Türkmenistanyň Minskdäki diplomatik missiýasy iki möhüm waka - indiki hepde türkmeniň täze Arkadag şäheriniň açylmagyna we Magtymguly Pyragynyň doglan gününiň 300 ýyllygyna bagyşlanan brifing berdi.
2023-nji ýylyň oktýabr aýynda Özbegistanyň Samarkand şäherinde ýabany haýwanlaryň göçüp-gonup ýören görnüşlerini gorap saklamak baradaky konwensiýa (CMS COP14) gatnaşýan döwletleriň 14-nji maslahaty geçiriler. Türkmenistan, Gazagystan we Özbegistan Üstýurt serhet üçburçlugynda tebigaty goramak pudagynda serhetaşa hyzmatdaşlygy güýçlendirmegi maksat edinýärler. Taraplaryň wekilleri Nöküsde tejribe alyşmak üçin duşuşdylar. Türkmenistandan Gaplaňňyr goraghanasynyň işgärleri gatnaşdylar.
Türkmenistanyň Tokiodaky ilçisi Atadurdy Baýramow Ýaponiýanyň Daşary işler ministrliginde ministriň parlament işleri boýunça orunbasary Ýuumi Yoşikawa bilen duşuşdy.
Türkmenistanyň maliýe we ykdysadyýet ministri Serdar Joraýew paýtagtymyzda iş saparynda bolýan Ýewropa parlamentiniň Merkezi Aziýa ýurtlary we Mongoliýa boýunça wekiliýeti bilen ýurdumyzyň hem-de Ýewropa Bileleşiginiň ýurtlarynyň arasyndaky ykdysady hyzmatdaşlygy berkitmek meselelerini ara alyp maslahatlaşdy.
Özbegistanda GDA agza-döwletleriň «Arkalaşygyň Çagalary» atly sekizinji halkara medeni-bilim forumy geçýär – diýip, Arkalaşygyň Ýerine ýetiriji komitetiniň metbugat-gullugy habar berýär.
Harytlary klassifikasiýa etmek babatynda tejribe alyşmak Türkmenistanyň Döwlet gümrük gullugynyň wekilleriniň we Russiýanyň Federal gümrük gullugynyň wekilleriniň onlaýn-duşuşygynyň maksatlarynyň biri boldy. Bu barada Türkmenistanyň gümrük edarasynyň saýty habar berýär.
Arkadag şäherinde Türkmenistanyň senagatçylar we telekeçiler Birleşmesi tarapyndan gurnalan “Arkadag-akylly şäher” ady bilen onuň taryhyndaky ilkinji maýa goýum forumy geçer.
Çarşenbe güni, 21-nji iýunda Türkmensitanyň Döwlet haryt-çig mal biržasyndaky söwdalaşyklarda jemi bahasy $21,3 mln amerikan dollaryna deň bolan 6 geleşik baglaşyldy- diýip, ORIENT-iň habarçysy habar berýär.
Iňlis dili mugallymlary üçin Online Professional English Network (OPEN) maksatnamasynyň güýzki sessiýasyna gatnaşmak üçin ýüz tutmalaryň kabul edişligi başlandy. Ol 2023-nji ýylyň sentýabr aýyndan iýun aýyna çenli geçer.
RBK beren söhbetdeşliginde Moskwanyň «Kommunarka» hassahanasynyň baş lukmany Denis Prosenko dünýä pändemiýalarynyň döwürleýin döreýändigi barada beýan etdi. Ol pandemiýalaryň her 50 ýyldan döreýändigini sübhesiz aýdýar.
Pakistanyň döwlet nebit ministri Musadik Mäligiň mälim etemegine görä, Türkmenistan ägirt uly gaz gorlaryna eýe bolup, ony turbageçirijiler arkaly Pakistana import etmek meselesi eýýäm ylalaşyldy. Pakistan turbageçirijiler arkaly import edilen tebigy gazy suwuklandyrylan görnüşe öwürýän zawodlary gurmagy Hytaýa we Ýewropa döwletlerine teklip edýär. Şeýlelikde, Pakistan türkmen gazyny başga ýurtlara hem eskport edip biler.
Şu gün paýtagtymyzda Medeniýet hepdeliginiň dabaraly açylyşy boldy. Paýtagtymyzda geçirilýän Medeniýet hepdeligine gatnaşmak üçin ýurdumyzyň sebitlerinden meşhur teatr artistleri, estrada we halk aýdymlaryny ýerine ýetirijiler, muzeý we kitaphana işiniň hünärmenleri, suratkeşler, şahyrlar, meşhur ansambl we folklor-etnografik toparlary geldiler.
Abu-Dabiniň Welosiped klubynyň ýerine ýetiriji direktory Al Nahir Al Haýliniň ýolaşçylygyndaky arap wekiliýeti sapar bilen Aşgabada geldi. Onuň barşynda wekiliýet topary paýtagtymyzyň Olimpiýa şäherçesine baryp görüp, türkmen kärdeşleri bilen bu sport görnüşini ösdürmek boýunça hyzmatdaşlyk meselelerini ara alyp maslahatlaşdylar.
