Tokioda Türkmenistanyň ilçisi Ýaponiýanyň Daşary işler ministriniň orunbasary bilen duşuşdy
Iýun 22, 2023 | 20:31 |5386
Türkmenistanyň Tokiodaky ilçisi Atadurdy Baýramow Ýaponiýanyň Daşary işler ministrliginde ministriň parlament işleri boýunça orunbasary Ýuumi Yoşikawa bilen duşuşdy.
Ikitaraplaýyn hyzmatdaşlygyň möhüm meselelerine seredip, diplomatlar Türkmenistan bilen Ýaponiýanyň Daşary işler ministrlikleriniň arasynda 2023-nji ýylda geçiriljek syýasy geňeşmeleriň gün tertibini ara alyp maslahatlaşdylar.
Baýramow türkmen tarapynyň wise-ministr Ýuumi Yoşikawanyň Türkmenistana saparyny gurnamaga taýýardygyny mälim etdi, Yoşikawa öz gezeginde Türkmenistany 29-njy iýunda täze Arkadag şäheriniň açylmagy bilen gutlady – diýip, Ýaponiýanyň DIM-i habar berýär.
ORIENT news
