Aziýa Futbol konfederasiýasynyň Çempionlar ligasynda "A" toparçada çykyş edýän Saud Arabystanyň ýygyndysy ýurdumyzyň "Ahal" topary bilen duşuşmak üçin Türkmenistana geldi. El-Ajama şäheriniň topary paýtagtymyza gelen dessine "Aşgabat" stadionynda türgenleşik geçmäge başlady.
Wengriýa nebiti we tebigy gazy import etmegiň täze ýollaryny gözleýär. Ýurduň daşary işler ministri Peter Siýýartonyň mälim etmegine görä, Türkiýe, Zakawkaziýe we Merkezi Aziýa döwletleri bilen hyzmatdaşlykda bu babatda oňat mümkinçilikler döreýär diýip, "TASS" habarlar agentligi mälim edýär.
"Türkmenaragatnaşyk" agentligi tarapyndan işlenip taýýarlanan we işe girizilen "Milli One" atly antiwirus programmasyna daşary ýurtlarda uly isleg bildirilýär. Agentligiň mälim etmegine görä, bu programmany ulanmak üçin daşary ýurtlardan sargytlar yzygiderli gelýär.
"Google" öz gözleg meýdançasynda "Emoji Kitchen" atly hyzmaty işe girizdi. Onuň kömegi bilen ulanyjylar ozal bar bolan emojileri garyşdyryp, täze öz emojilerini döredip bilerler.
100 ýaşdan geçýän raýatlaryň sany boýunça Ýaponiýa dünýäde ýene birinji orny eýeledi. Ýurtda olaryň sany ýene bir ýarym müň köpelip, jemi 92 müň 192-ä deň boldy.
Türkmenistanda dört sany demir ýol menziliniň täze binalary gurlar. Olar Mary welaýatyndaky Baýramaly şäheriniň demir ýol menzillerinde, Ahalyň Kaka we Baherden etraplarynda we kenarýaka sebitinde Balkanabat şäherinde gurlar. Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýew şenbe güni geçirilen Hökümet mejlisinde bu barada habar berdi.
Prezident Serdar Berdimuhamedow çagyryş boýunça harby gullugyny geçýän harby gullukçylary Türkmenistanyň Ýaragly Güýçlerinden, beýleki goşunlaryndan we harby edaralaryndan harby gullukdan boşatmak we ýurdumyzyň raýatlarynyň harby gulluga nobatdaky çagyrylyşy baradaky Permana gol çekdi.
Türkmenistanyň Prezidenti Serdar Berdimuhamedow BMG-niň Baş Assambleýasynyň 78-nji mejlisine gatnaşmak üçin iş sapary bilen Nýu-Ýorka gitdi.
Türkmenistanyň Garaşsyzlygynyň 32 ýyllygyna bagyşlanan Türkmenistanyň ykdysady üstünlikleriniň sergisi 20-21-nji sentýabr aralygynda Aşgabatda geçiriler.
«Senagat-innowasiýa modeli - ýurduň esasy strategiki ugry» atly ylmy-amaly konferensiýa 21-nji sentýabrda geçiriler. Forum Türkmenistanyň Garaşsyzlygynyň 32 ýyllygyna bagyşlanyp, Maliýe we ykdysadyýet ministrligi tarapyndan guralar. Oňa gatnaşmak üçin dürli ministrlikleriň we pudak gurluşlarynyň, bank ulgamynyň we ýokary okuw jaýlarynyň wekilleri çagyrylýar.
Hususy awiakompaniýa K9 Jets, Dubaýdan Londona saýahat edýän öý haýwanlary we eýeleri üçin täze hyzmaty ýola goýdy. Kaşaň uçarda dört aýakly «syýahatçylar» eýeleri bilen syýahat ederler. Petegiň bahasy takmynan 10 müň dollar bolup, bir ýolagçy we umumy agramy 45 kg bolan iki ýa-da agramy 23 kg bolan bir öý haýwanlary üçin ýeri öz içine alýar diýip, K9 Jets howa gatnawynyň metbugat gullugy habar berýär.
Real Madrid, maşgala agzalarynyň janyny alan aýylganç ýer titremesinden soň ýetim galan Marokkoly 14 ýaşly janköýeri Abdul Rahim Auhidi öz akademiýasyna kabul eder.
Hytaýyň Hançžou şäherinde 23-nji sentýabrdan 8-nji oktýabr aralygynda geçiriljek Aziýa oýunlaryna gatnaşjak Türkmenistanyň milli ýygyndysynyň düzümi belli boldy.
Türkmen söweşijisi Döwletjan Ýagşymyradow 8-nji oktýabrda polýak garşydaşy Maseý Ružanski bilen söweşer.
Çişlik – köpleriň halaýan tagamy bolup, hiç hili dabara ýa-da baýramçylyk bu ýakymly ysly lezzetsiz geçmeýär. Gündogar, Merkezi Aziýa, Kawkaz we Gündogar Ýewropa ýurtlary çişligiň mekany hasaplanýar. Aslynda başda çişlik diňe inçe dogralan goýun etinden edilýän hem bolsa, wagtyň geçmegi bilen maňňalda et bişirmegiň dürli görnüşleri peýda boldy. Häzirki wagtda adamlar towukdan, balykdan, göle etinden, doňuz etinden we hatda gök önümlerden hem çişlik edýärler.
