Hytaý pes orbitaly aragatnaşyk megatoparynyň ilkinji bölegi üstünlikli işe girizdi. Bu barada ýurduň öňdebaryjy kosmos potratçysy bolan Hytaýyň Howa kosmos ylmy-tehnologiýa korporasiýasy CASC (China Aerospace Science and Technology Corporation) mälim etdi.
Penşenbe güni, 8-nji awgustda, Türkmenistanyň Döwlet haryt çig mal biržasynda geçirilen söwdalaşyklarda nebithimiýa, oba hojalyk hem-de ýeňil senagatyň önümleri satyldy.
Bütindünýä saglygy goraýyş guramasynyň (BSGG) Türkmenistandaky ýurt boýunça edarasy saglygy goraýyş we weterinariýa gullugynyň wekilleri üçin biohowpsuzlygy we biogoraglylygy üpjün etmek boýunça okuw sapagyny geçirdi.
Nagt däl töleglere gönükdirilen ählumumy işleriň döwründe, nagt ulanmak däbine wepaly bolup galýan Ýaponiýa soňky 20 ýylda ilkinji gezek üç sany täze banknot çykardy.
Gazagystan ekologiýa taýdan arassa awia ýangyjyny (SAF – Sustainable aviation fuel) öndürmegi meýilleşdirýär. Bu mesele “KazMunaýGaz” milli kompaniýasy paýdarlar jemgyýetiniň müdiriýetiniň başlygy Ashat Hasenow bilen Amerikanyň “LanzaJet” tehnologiýa kompaniýasynyň baş müdiri Jimmi Samarsisiň arasynda geçirilen duşuşykda ara alnyp maslahatlaşyldy.
Hazar deňzinde losos balygynyň seýrek görnüşi tapyldy. Ony ylmy-gözleg ekspedisiýa toparynyň agzalary gözleg wagtynda ýüze çykardylar. Bu barada Gazagystanyň “Balykçylyk hojalygynyň ylmy-önümçilik merkezi” ÇJH-na salgylanyp, Gazagystanyň halkara habarlar gullugy “Kazinform” habar berýär.
Astanada geçirilýän Merkezi Aziýa döwletleriniň baştutanlarynyň VI Konsultatiw duşuşygynyň öňüsyrasynda Gazagystanyň köpçülikleýin habar beriş serişdeleriniň birnäçesinde “Merkezi Aziýanyň täzeden galkynyşy: durnukly ösüşiň we gülläp ösmegiň ýolunda” ady bilen Gazagystan Respublikasynyň Prezidenti Kasym-Žomart Tokaýewiň makalasy çap edildi.
L.Gumilýow adyndaky Ýewraziýa milli uniwersitetinde "Merkezi Aziýanyñ taryhy: halklaryñ we medeniýetleriñ dialogy" atly Merkezi Aziýa ýurtlarynyñ I taryhçylar Forumy geçirildi. Bu çäre Merkezi Aziýa döwletleriniñ Baştutanlarynyñ VI Konsultatiw duşuşygynyñ çäklerinde bolup geçdi.
A.M.Gorçakow adyndaky Jemgyýetçilik diplomatiýasyny goldamagyň Gaznasy türkmen hünärmenlerini diplomatiýa, lukmançylyk, žurnalistika, inženerçilik, IT we beýleki dürli ugurlar boýunça tejribe okuw maksatnamalaryna gatnaşmaga çagyrýar.
Astanada Merkezi Aziýa sebitiniň Köpçülikleýin habar beriş serişdeleriniň meseleleri boýunça wekilçilikli edaralarynyň Konsultatiw duşuşygy geçirildi.
Russiýa Federasiýasynyň premýer-ministri Mihail Mişustin Andreý Hripunowy Türkmenistanda Russiýanyň täze söwda wekili wezipesine belledi.
"China National Offshore Oil Corporation" (CNOOC) Günorta-Hytaý deňzinde möçberi 100 mlrd m3 barabar bolan tebigy gazyň ýataklarynyň üstüni açdy. TASS gullugynyň habar bermegine görä, bu barada "South China Morning Post" gazeti habar berdi.
Belgiýanyň Jan De Nul kompaniýasynyň topary Gruziýanyň Anakliýasynda täze çuň suwly portunyň gurluşygy hem-de Gazagystanyň Hazar deňziniň kenarýakasyndaky Kuryk portunyň giňeldilmegi barada şertnama ylalaşdylar.
8-nji awgust, Penşenbe güni Türkmenistanyň Tele we radio gepleşikleriniň berýän maglumatlaryna görä, Prezident Serdar Berdimuhamedow Türkmenistanyň bedentebiýe we sport baradaky döwlet komitetiniň başlygyna berk käýinç yglan etdi.
Häzirki wagtda dowam edýän Türkmenistanyň medeniýet günleriniň çäginde Wengriýada bolýan türkmen wekiliýeti guramaçylaryň çakylygy boýunça awgust aýynyň 9-11 aralygynda Kurultaý – umumy türki festiwalyna gatnaşar.
