Russiýanyň prezidenti Wladimir Putin Ýewraziýa ykdysady birleşiginiň ýurtlaryna «ÝAYB-de öndürildi» nyşany bilen bilelikdäki önümçilikleri döredip, senagat kooperasiýasyny ösdürmegi teklip etdi – diýip, guramanyň agza-döwletleriniň baştutanlarynyň duşuşygynyň jemleri boýunça «Wedomosti» habar berýär.
Ýüklenen tekstleriň hiç ýerden alynmandygyny barlaýan Russiýanyň «Antiplagiat» programmasy indi dünýäniň 100 dilinde elýeterlidir. Mundan başga-da, Milli tehnologiki başlangyçlar taslamalaryna goldaw bermek Gaznasynda belleýişleri ýaly, indi programma diňe bir tekstleri işlemän, eýsem onuň manysyny hem işlär - diýip, TASS habar berýär.
Aşgabat Merkezi Aziýa ýurtlarynyň we Ýewropa Bileleşiginiň Owganystan üçin ýörite wekilleriniň ýygnanýan ýerine öwrüldi. Oňa gatnaşmak üçin ÝB-ň, Gazagystanyň, Gyrgyzystanyň, Täjigistanyň we Özbegistanyň wekilleri türkmen paýtagtyna geldiler.
Hytaý söwda we ykdysady hyzmatdaşlygy güýçlendirmek ugrundaky tagallalaryň arasynda Merkezi Aziýadan has ýokary hilli önümleriň öz bazaryna girmegini makullaýar diýip, penşenbe güni Hytaýyň Söwda ministrligi beýan edendigini Sinhua agentligi habar berýär.
Türkmenistan 2022-nji ýylda Azerbaýjana uçar kerosininiň 36,3 müň tonnasyny ABŞ-nyň 39,2 mln dollaryna eksport etdi, bu bolsa 2021-nji ýyldaka garanyňda, 4,2 esse köpdür. Bu barada Azerbaýjanyň Trend agentligi habar berýär.
Saglygy goraýyşyň meseleleri jähtinde serhetleri utgaşdyrylan ýagdaýda dolandyrmak Türkmenistanyň Döwlet migrasiýa gullugynyň wekilleriniň Migrasiýa baradaky halkara guramasynyň (MHG) sebitleýin edarasynyň baş hünärmeni bilen duşuşygynda esasy tema boldy. Bu barada Türkmenistanyň Döwlet migrasiýa gullugynyň saýty habar berýär.
«Gazpromneft— çalgy ýaglary» üçin täze awtoulag ýaglaryny indi emeli intellekt oýlap tapýar.
Balkan welaýatynyň kärhanalarynda elektrik energiýasynyň öndürilişi, hususan-da, — welaýat döwlet elektrik stansiýasynda 2023-nji ýylyň ýanwar-aprel aýlarynda 829 mln kWt/s geçdi, bu bolsa geçen ýylyň degişli döwri bilen deňeşdireniňde 99 mln kWt/s köpdür.
2022-nji ýylyň jemleri boýunça Türkmenistan bilen Gazagystanyň arasyndaky haryt dolanyşygy $438 mln-dan gowrak boldy, ösüş 72% derejesinde bellenildi. Bu barada gazak hökümetiniň baştutanynyň birinji orunbasary Roman Sklýar beýan etdi – diýip, respublikanyň Ykdysadyýet ministrligi habar berýär.
Ýewropa Birleşiginiň Türkmenistandaky wekilhanasy taraplaryň arasynda diplomatiki gatnaşyklaryň ýola goýulmagynyň 30 ýyllygyna bagyşlanan sport çäreleriniň birnäçesini geçirdi.
Azerbaýjanyň Türkmenistandaky ilçihanasy Aşgabatda agaçlary oturtmak boýunça ekologiki çäre geçirdi. Çäre Azerbaýjan döwletini esaslandyryjy Geýdar Aliýewiň doglan gününiň 100 ýyllygyna bagyşlandy.
Türkmenistanyň Awstriýadaky ilçihanasy BMG-niň Neşeler we Jenaýaçylyk baradaky Müdirliginiň Merkezi Aziýa boýunça Sebitleýin edarasy bilen bilelikde BMG-niň jenaýatçylygyň öňüni almak wejenaýat adalaty boýunça Wenada bolan 32-nji komissiýasynyň çäklerinde «Jenaýatçylygyň öňüni almak boýunça işlerde ikitaraplaýyn dialogyň we köptaraplaýyn resminamalaryň ähmiýeti» atly ugurdaş çäräni gurady.
Penşenbe güni, Aşgabatda aprel-maý aýlarynda halkara ýaryşlarynda ýeňiji bolan Türkmenistanyň türgenlerini dabaraly gutlamak geçirildi. Şäher gününe gabat gelýän bu dabara paýtagtyň Olimpiýa şäherçesinde geçirildi we türgenlere gutlaglaryny iberen Prezidentimiz Serdar Berdimuhamedowyň tabşyrygy boýunça guraldy.
Kuala-Lumpurda Ýaşlar Aziýa-2024 kubogynyň saýlama tapgyry üçin bije atyldy. Türkmenistanyň Olimpiýa topary (U-23) Indoneziýa bilen Taýwanyň bäsdeşi boljak K toparyna girdi diýip, ýurdumyzyň Futbol federasiýasynyň resmi saýty habar berýär.
Erkin we grek-rim görnüşi boýunça türkmen pälwanlary 25-30-njy maý aralygynda Buharestde (Rumyniýa) geçiriljek «Dumitru Pirvulescu & Vasile Iorga-2023» halkara ýaşlar ýaryşyna gatnaşarlar.
