Maliýe we ykdysadyýet ministri Serdar Joraýew BB-nyň wekiliýetiniň baştutany bolup Aşgabada gelen Bütindünýä bankynyň (BB) Türkmenistandaky we Gazagystandaky täze hemişelik wekili bilen duşuşyk geçirdi.
Türkmen küştçüleri Merkezi Aziýa ýurtlarynyň arasynda küşt boýunça dünýä Kubogynyň final tapgyryna çykmak üçin zonal ýaryşa gatnaşýarlar.
Özbegistanyň Fergana welaýatynyň Margilan şäherinde «Beýik Ýüpek ýoly» atly halkara saz festiwaly başlandy – diýip, Özbegistanyň Milli maglumatlar agentligi habar berýär.
Türkmenistan bilen Azerbaýjanyň arasyndaky özara haryt dolanyşygy, 2021-nji ýyla garanyňda, 2022-nji ýylda 5 esse artdy we şu ýylyň başyndan bäri, geçen ýylyň degişli döwri bilen deňeşdirilende, takmynan 2 esse ýokarlandy. Bu barada wise- premýer Batyr Atdaew Azerbaýjan Respublikasynyň Garaşsyzlyk güni mynasybetli geçirilen dabaraly kabul edişlikde eden çykyşynda aýtdy.
Mejlisiň başlygy Dünýägözel Gulmanowa Polşa Respublikasynyň Türkmenistandaky täze ilçisi Rafal Poborskiden ynanç hatyny kabul etdi.
Özbegistanyň, Russiýanyň we Hindistanyň kinematograflary 1979-njy ýylda öndürilen “Ali Baba we kyrk garakçy” atly filmiň “gaýtadan işlenen” görnüşini düşürmek barada söhbet etdiler. Şol döwürde kino lentasy meşhur režissýorlar – russiýaly Latif Faýziýew we hindistanly Umeş Mehra tarapyndan düşürilipdi.
Prezident Serdar Berdimuhamedow Günorta Koreýanyň “Daewoo Engineering & Construction” kompaniýasynyň müdiriýetiniň başlygy Jong Won Joony kabul etdi.
Türkmenistanyň Bütindünýä Söwda Guramasyna goşulmagy bilen baglanyşykly hyzmatdaşlygyň güýçlendirilmegi meselesi duşenbe güni Aşgabatda Türkmenistanyň Daşary işler ministriniň wezipesini wagtlaýyn ýerine ýetiriji Wepa Hajyýew we BSG-e goşulmak boýunça bölüminiň müdiri Maýka Oşikawa bilen ara alnyp maslahatlaşyldy. Bilermen, Türkmen paýtagtyna iş sapary bilen geldi diýip, Türkmenistanyň Daşary işler ministrliginiň saýty habar berýär.
Türkmenistanyň Prezidenti Serdar Berdimuhamedowyň Amerikanyň Birleşen Ştatlarynyň Prezidentiniň howanyň üýtgemegi meseleleri boýunça ýörite wekili Jon Kerri bilen telefon arkaly söhbetdeşliginiň esasy mowzugy halkara daşky gurşaw gün tertibiniň möhüm meseleleri boldy.
Duşenbe güni Aşgabatda «Döwlet işgärleri üçin gender-ugry kesgitleme boýunça ýörite okuwlary işläp taýýarlamak» atly iki günlük seminar başlandy. Taslamanyň guramaçylary hökmünde Türkmenistan hökümeti bilen bilelikde BMGÖM we UNFPA çykyş etdi.
Gazagystanyň prezidenti Kasym-Žomart Tokaýew Moskwada ýakynda geçirilen Ýokary Ýewraziýa ykdysady geňeşiniň mejlisinde ÝAYG ýurtlaryna Türkmenistanyň we Eýranyň deňizde we gury portlarynda infrastrukturany gurmak üçin bilelikdäki maýa goýumlarynyň mümkinçiligine garamaga çagyrdy. Onuň pikiriçe, bu bileleşige agza döwletleriň eksportynyň geografiýasyny ep-esli giňelder we maddy-tehniki mümkinçiliklerini güýçlendirer.
Bu ýyl 500 türkmen raýaty Russiýanyň iň gowy ýokary okuw mekdeplerinde mugt okamaga mümkinçilik alar. Olardan bakalawr we hünärmen maksatnamalary boýunça - 355, magistr - 79, aspirantura we ordinatura - 33 ýerden, diýip Türkmenistandaky Rossotrudniçestwonyň metbugat gullugy habar berýär.
Türkmenistanyň tennis boýunça ýetginjekler ýygyndysynyň topary 12 ýaşa çenli türgenleriň arasynda Merkezi Aziýanyň birinjiligine taýýarlanmak maksady bilen Daşkentde okuw-türgenleşik ýygnanyşyklaryny geçirdi.
«Bir guşak, bir ýol» başlangyjynyň çäklerinde hyzmatdaşlygy giňeltmek üçin Şanhaý hyzmatdaşlyk guramasy KHBS-niň wekilleri üçin Hytaýyň gündogaryndaky Sýansu welaýatynyň Lýanýungan şäherine media-syýahat gurady.
Astrahan oblastynda ýaşaýan türkmen diasporasy Türkmenistanyň Baş konsullygynyň goldamagynda XIII Bütinrussiýa oba sabantuý çäresine gatnaşdy, ol Astrahan oblastynyň Priwolžýe raýonynyň Üç ýap obasynda geçirildi.
