Türkmen wekiliýeti Merkezi Aziýada söwda amallaryny ýönekeýleşdirmek boýunça Milli komitetleriň Daşkentde geçen 9-njy sebitleýin duşuşygyna gatnaşdy. Bu barada Türkmenistanyň Döwlet gümrük gullugynyň saýty habar berýär.
Her ýylda 1-nji maýda bellenip geçilýän Zähmetkeşleriň Halkara raýdaşlyk güni mynasybetli Türkmenistanyň Hytaýdaky ilçihanasynyň işgärleri Pekiniň gadymy bölegi boýunça agşamky welosiped gezelenjine çykdylar. Bu barada ORIENT-e türkmen diplomatik wekilhanasynda gürrüň berdiler.
Her ýylyň 31-nji maýynda bellenip geçilýän Bütindünýä temmäkisiz gününe bagyşlanyp, Türkmenistanyň Saglygy goraýyş we derman senagaty ministrligi BSGG-nyň Ýurt edarasy bilen bilelikde çäreleriň bir aýlygyna badalga berdiler.
BMG-niň Aziýa we Ýuwaş ummany üçin Ykdysady we sosial komissiýasynyň hünärmenleri türkmen tarapy üçin «Hiç kimi yzda galdyrmaly däl» (LNOB) platformasynyň seljermesi boýunça okuw geçirdiler. Bu barada BMG-niň Türkmenistandaky hemişelik utgaşdyryjysynyň Edarasynyň saýtynda habar berilýär.
Türkmen bedewiniň milli baýramy mynasybetli esasy dabaralar ýekşenbe güni Halkara ahalteke atçylyk sport toplumynda geçirildi. Oňa Prezidentimiz Serdar Berdimuhamedow, Mejlisiň Başlygy, hökümet agzalary, daşary ýurtlaryň we halkara guramalaryň Türkmenistanda işleýän diplomatik wekilhanalarynyň wekilleri gatnaşdylar.
Halkara älem stansiýasynyň modulyndan ilkinji gezek açyk äleme BAE-den arap astronawty Sultan Al-Neýýadi çykdy, oňa eýäm «Älemiň soltany» diýip at berdiler – diýip, Euronews habar berýär.
Türkmenistanyň Ermenistandaky ilçihanasy diplomatlaryň arasynda küşt boýunça ýaryş gurnady – diýlip, bu diplomatik wekilhananyň Instagramdaky sahypasynda habar berilýär.
Türkmenistanyň Statistika baradaky döwlet komitetiniň işgärleri statistiki biznes-registr üçin programma üpjünçiligniň tehniki talaplara gabat gelýänliginiň başlangyç synagyny geçirdiler. Munda olara Türkmenistanda sapar bilen bolan BMGÖM-nyň halkara bilermeni Sergeý Kuzin kömek etdi.
Türkmenistanyň DIM-niň Halkara gatnaşyklary institutynda açyk gapylar güni geçirildi, onuň barşynda ol ýere baryp görenler okuw prosessi barada we ýokary okuw mekdebindäki bilimiň aýratynlyklary barada köp täze zatlary öwrendiler.
Brýusselde Türkmenistanyň Belgiýa patyşalygyndaky ilçisi Sapar Pälwanowyň Türkmenistanyň Ýewropa Bileleşiginde hemişelik wekili hökmünde Ýewropa geňeşiniň başlygy Şarl Mişele ynanç hatlaryny gowşurmak dabarasy geçirildi.
― Türkmenistan tebigy gazyň mümkinçiligini durmuşa geçirmegiň çäginde baýlyklaryny ösdürmäge we dünýä arenasyndaky gatnaşygyny artdyrmaga dowam edýär. Dubaýdaky häzirki maýa goýum forumy munuň ajaýyp subutnamasy boldy, - diýip PETRONAS-yň halkara aktiwleri, gözleg we gazyp çykarma boýunça wise-prezidenti Mark Fitsžgerald ORIENT bilen söhbetdeşlikde aýtdy.
Penşenbe güni, 27-nji aprelde Daşary işler ministriniň orunbasary Wepa Hajyýew Sian şäherinde geçirilen «Merkezi Aziýa – Hytaý» görnüşindäki daşary işler ministrleriniň 4-nji duşuşygyna gatnaşdy.
«Türkmennebit» konserniniň nebit aktiwleri häzirki wagtda işlemegiň dürli döwürlerinde ýerleşýän 30-dan gowrak nebit ýatagynda jemlenendir. Ýurtda hereket edýän nebit-gaz guýularynyň sany 2300-den geçýär. Hazar deňziniň türkmen böleginiň uglewodorod serişdeleri 18,2 milliard tonna nebit ekwiwalenti görnüşinde bahalandyrylýar. Şunuň ýaly sanlary «Türkmennebit» döwlet konserniniň başlygy Guwanç Agajanow Türkmenistanyň Dubaýda geçýän nebit-gaz maýa goýum forumynda çykyş etmek bilen getirdi.
Türkmenistaniň DIM-niň baştutanyň orunbasary Wepa Hajyýew Hytaýyň daşary işler ministri Sin Gan bilen ikitaraplaýyn söwda-ykdysady mümkinçilikleri açmagy we türkmen-hytaý gatnaşyklaryny täze derejä çykarmagyň meselelerini ara alyp maslahatlaşdy.
Ýewropanyň immunizasiýa hepdeliginiň çäklerinde BSGG-nyň Türkmenistandaky Ýurt edarasy Myrat Garryýew adyndaky Döwlet lukmançylyk uniwersitetiniň talyplarynyň arasynda immun öňüni alyş boýunça çekişme ýaryş geçirdi.
