Sişenbe güni Aşgabat şäherinde «Bitarap döwletleriň ÝHHG-nyň sebitinde howpsuzlygy, durnuklylygy we dialogy berkitmekde tutýan orny» atly halkara forum geçirildi. Bu çäre, Türkmenistanyň Mejlisi we Ýewropadaky howpsuzlyk we hyzmatdaşlyk Guramasynyň Assambleýasy (ÝHHG-nyň PA) tarapyndan «Herekete çagyryş – Helsinki +50» başlangyjynyň çäginde gurnaldy.
Sişenbe güni Türkmenistanyň Prezidenti Serdar Berdimuhamedow Aşgabada “ÝHHG-niň çäginde howpsuzlygy, durnuklylygy we dialogy berkitmekde bitarap döwletleriň orny” atly halkara maslahata gatnaşmak üçin gelen Ýewropada Howpsuzlyk we Hyzmatdaşlyk Guramasynyň Parlament Assambleýasynyň ýolbaşçysy Margareta Sederfeldi kabul etdi.
«Biz ÝUNESKO bilen hyzmatdaşlygy ösdürmäge jogapkärçilikli we yzygiderli çemeleşýäris», - diýip Prezidentimiz Serdar Berdimuhamedow duşenbe güni Tährandaky ÝUNESKO-nyň klaster edarasynyň başlygy, ÝUNESKO-nyň Türkmenistanda we Eýranda wekili Golda El-Huri bilen bolan duşuşygynda aýtdy. Şeýle hem myhman BMG-nyň bilim, ylym we medeniýet boýunça edarasynyň Türkmenistan bilen hyzmatdaşlygyny ösdürmek islegini belläp geçdi.
Türkmenistanyň Halk Maslahatynyň Başlygy Gurbanguly Berdimuhamedow bilen Täjigistanyň Prezidenti Emomali Rahmonyň arasynda telefon söhbetdeşligi geçirildi.
Türkiýäniň häzirki prezidenti Rejep Taýyp Ärdogan prezident saýlawlarynyň birinji tapgyrynda ýurduň içinde býulletenleriň 100% sanalmagynyň netijeleri boýunça sesleriň 49,35% aldy. Ikinji ýerde — oppozisiýadan ýeke-täk dalaşgär Kemal Kiliçdaroglu sesleriň 45% aldy. Üçünji ýerde — «Alýans ATA-dan» dalaşgär Sinan Ogan sesleriň 5,22% aldy.
Hytaý Halk Respublikasynyň Prezidentiniň ýörite wekili, Daşary işler ministriniň birinji orunbasary Ma Çžaosýu, 18-19-njy maýda geçiriljek Merkezi Aziýa + Hytaý sammitine gatnaşmak üçin Si Szinpiniň adyndan Türkmenistanyň Prezidentine çakylyk berdi. Türkmenistanyň Baştutanynyň hytaý diplomaty bilen duşuşygy 13-nji maý, şenbe güni geçirildi.
Aşgabat 16-njy maýda «Bitarap döwletleriň ÝHHG-nyň çäginde howpsuzlygy, durnuklylygy we dialogy berkitmekde tutýan orny» atly halkara forumy kabul eder. Bu çäre Ýewropadaky Howpsuzlyk we Hyzmatdaşlyk Guramasynyň Parlament Assambleýasy bilen bilelikde geçirilýär. Türkmen hökümetiniň anna güni geçirilen mejlisinde bu barada Mejlisiň başlygy Dünýägözel Gulmanowa habar berdi.
Daşkende, Türkmenistanyň gatnaşmagynda Merkezi Aziýa üçin Interpol Geiger taslamasynyň iş toparynyň ilkinji duşuşygy geçirildi. Şol ýerde oňa Merkezi Aziýa sebitiniň ýurtlarynyň hukuk goraýjy edaralarynyň wekilleri hem gatnaşdy.
Şenbe güni, 13-nji maýda Hytaýyň demirgazyk-günbataryndaky Şensi welaýatynyň paýtagty Sian bilen Türkmenistanyň paýtagty Aşgabatyň arasynda resmi taýdan ilkinji ýolagçy ugry açyldy.
Prezident Serdar Berdimuhamedow Maksat Babaýewi Türkmenistanyň Döwlet ministri — “Türkmengaz” döwlet konserniniň başlygy wezipesine belläp, ony “Türkmengaz” döwlet konserniniň başlygynyň orunbasary wezipesinden boşatdy.
Prezident Serdar Berdimuhamedow Aşyrguly Begliýewi başga işe geçmegi sebäpli Ministrler Kabinetiniň Başlygynyň orunbasary wezipesinden boşatdy.
Moskwada Türkmenistanyň RF-daky ilçisi Batyr Nyýazlyýewiň Russiýanyň daşary işler ministri Sergeý Lawrow bilen duşuşygy boldy, onuň barşynda türkmen tarapyna RF-nyň Türkmenistanda täze bellenen ilçisi Iwan Wolynkin bilen tanyşdyryldy.
Özbegistanyň prezidentiniň 9-njy iýula bellenen prezident saýlawlarynda möhletinden öň ses bermek 28-nji iýundan 5-nji iýula çenli geçer – diýip, Özbegistanyň MST-nyň metbugat gullugyna salgylanyp, TASS habar berýär.
Türkmeniň Prezidenti Serdar Berdimuhamedow penşenbe güni Duşanbe sapary wagtynda Täjigistanyň premýer-ministri Kohir Rasulzoda bilen duşuşdy. Gepleşikleriň mowzugy, bir gün öň ýokary derejede birnäçe ugurda gazanylan türkmen-täjik şertnamalary boldy. Şol sanda ulag hyzmatdaşlygyna-da aýratyn üns berildi.
Penşenbe güni Türkmenistanyň Daşary işler ministriniň wezipe borçlaryny wagtlaýyn ýerine ýetiriji W.Hajiýew bilen ABŞ-nyň Halkara ösüş agentliginiň (USAID) Aziýa býurosynyň Dolandyryjysynyň kömekçisiniň orunbasary Anjali Kaur sebit we milli taslamalary öňe sürmekde Türkmenistanyň USAID bilen hyzmatdaşlygynyň häzirki ýagdaýyny we geljekki mümkinçiliklerini ara alnyp maslahatlaşdylar. Kaur Aşgabada iş sapary bilen geldi – diýlip, Türkmenistanyň Daşary işler ministrliginiň saýtynda habar berilýär.
