Türkmenistan tarapyndan başlangyç berlen BMG-niň Baş Assambleýasynyň gün tertibiniň 61-nji bendi boýunça «Merkezi Aziýanyň parahatçylyk, ynam we hyzmatdaşlyk zolagy» çekişmeleriniň konsepsiýasy Baş assambleýanyň 77-nji sessiýasynyň resminamasy hökmünde Guramanyň alty resmi dilinde çap edildi. Bu barada Türkmenistanyň BMG-niň ýanyndaky hemişelik wekilhanasynyň saýtynda habar berilýär.
Türkmenistanyň Russiýadaky ilçisi Batyr Nyýazlyýew Argentinadan kärdeşi Eduardo Antonio Zuaýn bilen iki ýurduň arasyndaky syýasy-diplomatik dialogy işjeňleşdirmegiň meselelerini ara alyp maslahatlaşmak üçin duşuşdy – diýip, Türkmenistanyň RF-daky diplomatik wekilhanasy habar berýär.
Halkara futbol federasiýasynyň (FIFA) prezidenti Janni Infantino döwlet ähmiýetli Arkadag şäherinde FIFA-nyň okuw-usulyýet merkeziniň döredilmeginiň maksadalaýyk boljakdygy barada aýtdy.
Tatarystanyň raisi Rustam Minnihanow karara gol çekdi, oňa gol çekmek bilen respublikanyň ýerine ýetiriji häkimiýetiniň ulgamyna we gurluşyna üýtgetmeleri girizdi. Degişli resminama hukuk maglumatynyň portalynda çap edilendir.
«Ekodurmuş» jemgyýetçilik guramasy BMG-niň Ösüş Maksatnamasynyň goldaw bermeginde Daşoguz welaýatynyň ýaşlary üçin olary netijeli bagbançylygy ösdürmäge işe çekmek boýunça okuwlary geçirdi.
Saglygy goraýyş we derman senagaty ministrligi bilen BSGG-nyň Ýewropa sebitleýin býurosy bilen ylalaşygyň ýerine ýetirilmeginiň çäklerinde Türkmenistana guramanyň wagtlaýyn maslahatçysy Natalýa Kostik iş sapary bilen geldi.
«Türkmenistan awiakompaniýasy», yzygiderli halkara ýolagçy gatnawlaryny tapgyrlaýyn dikeldýär we Seul (Günorta Koreýa), Tokio (Ýaponiýa), Milan (Italiýa), Jidda (Saud Arabystany), Ho Chi Minh we Hanoý (Wýetnam) ýaly ýerlere ýolagçy gatnawlary bilen uçuşlaryň geografiýasyny giňeltmegi meýilleşdirýär. Bu barada «Türkmenistan awiakompaniýasy» agentliginiň başlygy Döwran Saburow penşenbe güni Aşgabatda geçirilen ulag we üstyaşyr geçelgeleri boýunça halkara forumda eden çykyşynda aýtdy.
«Öňüni alyş diplomatiýasynyň Akademiýasy» taslamasynyň çäklerinde BMG-niň öňüni alyş diplomatiýasy boýunça Sebitleýin merkezinde Aşgabatda «Ýewropa Birleşiginiň Merkezi Aziýa sebiti bilen özara hyzmatdaşlygy» atly okuw geçirildi.
Türkmenistan geografiki ýerleşişi sebäpli global üpjünçilik zynjyrynda möhüm orny eýeleýär. Ýurdumyz bu artykmaçlygy ulanmak we halkara söwdasynyň ösmegine itergi berýän, ykdysady taýdan üstaşyr geçelgelerini döretmek, üstaşyr özüne çekijiligini ýokarlandyrmak üçin ulag infrastrukturasyna uly maýa goýumlaryny çekmek isleýär. Bu barada Türkmenistan Ministrler Kabinetiniň ýanyndaky Ulag we kommunikasiýalar agentliginiň Baş müdiri Mämmethan Çakyýew aýtdy.
BMG-nyň Baş Assambleýasynyň Türkmenistan tarapyndan teklip edilen Halkara ulag güni baradaky rezolýusiýasy kabul edilmäge taýýarlanýar. Bu barada Halkara ulag diplomatiýasy merkeziniň (ICTD) ýerine ýetiriji sekretary Igor Runow Aşgabatdaky ulag forumyna gatnaşyjylara habar berdi.
Ykdysadyýetiň ýol ulag pudagy pandemiýadan soň dikeldimek mümkinçiligine sabyrsyzlyk bilen garaşdy. Ol dikeldiş işinde möhüm orun tutýan hem bolsa, täze – serhetlerde uzyn nobatlar, pudakda işgärleriň ýetmezçiligi ýaly kynçylyklar bilen ýüzbe-ýüz bolýar. Östaşyr köp ýurtda 50 göterimden gowrak ýokarlandy. Şeýle-de bolsa, Amerikanyň, Aziýanyň we Ýewropanyň 25-den gowrak ýurdunda täjirçilik ýol ulaglary operatorlaryny gözden geçirenden soň, bu pudakda 2,5 milliondan gowrak hünärmen sürüjiniň ýetmezçilik edýändigi anyklandy. Halkara ýol ulaglary bileleşiginiň (IRU) baş sekretary Umberto de Pretto, Aşgabatdaky ulag forumyna gatnaşyjylara ugradan wideo ýüzlenmesinde pudagyň şeýle kynçylyklar barada durup geçdi.
Şu gün Türkmenistan Demir ýollaryň hyzmatdaşlygy guramasynyň meýdançasynda işjeň agzalaryň biridir. Ýurduň DÝHG-nyň halkara aragatnaşyklaryndaky konteýner otlylaryndaky konteýner daşamalary boýunça ylalaşygyna birigenden soňra ýagdaýlar has-da pugtalandy – diýip, Miroslaw Antonowiç – Demir ýollaryň hyzmatdaşlyk guramasynyň Komitetiniň başlygy (DÝHG) «Halkara ulag-üstaşyr geçelgeleri: özara arabaglanyşyk we ösüş – 2023» (ITTC-2023) maslahatyna özüniň şekilli ýüzlenmesinde aýtdy. Forum Aşgabatda 3-nji maýda işe başlady.
BMG-niň ÝYK-nyň ýerine ýetiriji sekretarynyň orunbasary Dmitriý Marýasin MA ýurtlaryny eTIR halkara ulgamyna birikmegi tizleşdirmäge çagyrdy, ol Özbegistan, Azerbaýjan, Gruziýa we Pakistan ýaly sebitiň köp ýurtlarynda eýýäm ornaşdyrylandyr.
– ESCAP, sebitiň durnukly ösüşi bilen baglanyşykly möhüm meseleler boýunça sebitara hyzmatdaşlygyň özboluşly hökümetara platformasy hökmünde, arabaglanyşyk boşluklaryny ýapmaga ýardam bermäge synanyşýar – diýip, Aziýa we Ýuwaş ummany sebitiniň ýurtlary boýunça Ykdysady we sosial komissiýanyň ýerine ýetiriji sekretary Armida Salsia Alisjabana aýtdy.
Aşgabatda geçirilýän ulag forumynyň doly işewürlik maksatnamasy maslahatdan we sergiden başga-da ähtnamalara we şertnamalara gol çekilmegini, seminarlaryň, tegelek stollaryň geçirilmegini göz öňünde tutýar, olarda ýurdumyzyň we daşary ýurtlaryň bilermenleri söwda, senagat zolagy, elektron täjirçilik, ulag we logistika, ulag ekspedisiýasy, ulag infrastrukturasyny ynamly dolandyrmak, lizing we karz bermek babatynda döwrebap öňdebayjy tejribeler bilen tanyşdyrarlar.
