Türkmenistanyň syýahatçylyk agentlikleriniň wekilleri Merkezi Aziýada syýahatçylyk babatynda hyzmatdaşlyk etmek boýunça Sinszýan alýansynyň döredilýändigi baradaky resminama gol çekdiler, ol agzalaryň serişdelerini we olaryň pudagy dolandyrmak tejribesini öwrener – diýip, CCTV habar berýär.
Mundan ozal, Lebap welaýatynyň Çärjew etrap kazyýetiniň kazysy bolan Döwran Hanow Türkmenistanyň Ýokary kazyýetiniň kazysy wezipesine bellendi. Bu barada Türkmenistanyň Döwlet habarlar agentligi mälim edýär.
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Italiýa Respublikasynyň Prezidenti jenap Serjio Mattarella ýurduň ozalky Premýer-ministri Silwio Berluskoniniň aradan çykandygy zerarly gynanç hatyny iberdi. Bu barada Türkmenistanyň Döwlet habarlar agentligi mälim edýär.
Türkiýäniň Prezidenti Rejep Taýyp Ärdogan döwlet sapary bilen Azerbaýjana geldi. Saparda türk liderine aýaly Emine Ärdogan, ýurduň Daşary işler ministri Hakan Fidan, Energetika we tebigy baýlyklar ministri Alparslan Baýraktar, Milli Goranmak ministri Ýaşar Güler, Ulag we infrastruktura ministri Abdulkadir Uraloglu ýoldaşlyk edýär, - diýip, Türkiýäniň Döwlet Baştutanynyň metbugat gullugy habar berdi.
Türkmenistanyň Daşary işler ministriniň orunbasary Wepa Hajiýew indiki hepde, 19-20-nji iýunda geçiriljek Terrorçylyga garşy göreş boýunça ýokary derejeli hepdeligiň çärelerine gatnaşmak üçin BMG-nyň Nýu-Yorkdaky merkezi edaralaryna barar. Bu barada öz web sahypasynda Türkmenistanyň BMG-niň ýanyndaky hemişelik wekilhanasy habar berýär.
Aşgabatda, 15-nji maýda «Energetiki nukdaýnazarlar we uglewodorod ýataklaryny özleşdirmegiň täze tehnologiýalary we ekologiki jähtleri» atly halkara ylmy konferensiýa geçiriler we 20 ýurtdan 800-den gowrak wekili birleşdirer.
«Doganlyk Türkmenistan, hemişe Russiýanyň hakyky we wepaly dosty bolup galýar. Ýurtlarymyzyň Prezidentleri Wladimir Wladimirowiç Putin bilen Serdar Gurbangulyýewiç Berdimuhamedowyň arasyndaky ynamly we mähirli gatnaşyklar çuňňur strategiki hyzmatdaşlygyň rus-türkmen gatnaşyklary üçin berk binýat bolup hyzmat edýär», - diýip Russiýanyň ilçisi Iwan Wolynkin Russiýa güni mynasybetli Aşgabatdaky baýramçylyk kabul edilşikde aýtdy.
Merkezi Aziýanyň bäş ýurdy we Latwiýa ulag we logistika ulgamynda hyzmatdaşlyk hakynda bilelikdäki Beýanata gol çekdiler. Dabara, duşenbe güni Latwiýa bilen Merkezi Aziýa sebitiniň döwletleriniň arasyndaky ulag boýunça bäş egindeş başlyklarynyň ikitaraplaýyn we köptaraplaýyn gepleşikler geçirip, hyzmatdaşlygyň meselelerini hem-de geljegini ara alyp maslahatlaşyp, birnäçe ylalaşyklar gazananylandan soň, 12-nji iýunda Rigada geçirildi.
Duşenbe güni Riga şäherinde Ulag boýunça türkmen-latwiýa Iş toparynyň üçünji mejlisi geçirildi.
Milanda 86 ýaşynda Italiýanyň öňki premýer-ministri aradan çykdy – diýip, duşenbe güni italiýanyň KHBS habar berdi.
Kawkaz, Merkezi Aziýa we Mongoliýa ýurtlary üçin Halkara Pul Gaznasynyň (HPG) mümkinçilikleri ösdürmek boýunça sebit merkezi 9-njy iýunda Almaty şäherinde açyldy. Gazagystan edarasy dünýädäki şular ýaly merkezleriň 17-sinden biri bolup, HPG-nyň işini birbada dokuz döwletde: Ermenistanda, Azerbaýjanda, Gruziýada, Gazagystanda, Gyrgyzystanda, Mongoliýada, Täjigistanda, Türkmenistanda we Özbegistanda utgaşdyrar diýip, Tengrinews.kz habarlar berýär.
Gazagystan Respublikasynyň Prezidenti Kasym-Žomart Tokaýew Birleşen Milletler Guramasynyň Howpsuzlyk Geňeşini täzeçil düzmegiň möhümdigini mälim etdi. Onuň mälim etmegine görä, Geňeşiň düzüminde özgertmeleriň geçirilmezligi global meseleleri çözmekde kynçylyklary döredýär. Bu barada Prezident Kasym-Žomart Tokaýewiň “Astana” halkara forumynda eden çykyşyna salgylanyp, Prezidentiň metbugat gullugy mälim edýär.
Türkmenistanyň Daşary işler ministriniň orunbasary Wepa Hajyýew Koreýa Respublikasynyň ilçisi Ji Kýu-Tek bilen gepleşikleri geçirdi, onuň barşynda «Merkezi Aziýa — Koreýa Respublikasy» 16-njy Forumyny we Bilelikdäki hökümetara toparynyň nobatdaky mejlisini Aşgabatda 2023-nji ýylda geçirmegi ara alyp maslahatlaşdylar.
Sebitiň ýurtlary bilen ykdysady hyzmatdaşlygyň giňelmegine goşant goşan bu ugurda oňyn faktoryň, Wengriýanyň synçy hökmünde Türk döwletleriniň guramasyna goşulmagyny, Türkmenistanyň hem şol statusa eýedigini belläp, wenger tarapynyň Türkmenistan we umuman Merkezi Aziýa döwletleri bilen hyzmatdaşlygy mundan beýläk-de ösdürmäge gyzyklanma bildirýändigini aýtdy.
Türkmenistanyň Prezidenti Serdar Berdimuhamedow Wengriýanyň premýer- ministri Wiktor Orban bilen giňeldilen formatda geçirilen gepleşiklerde söwda we ykdysady gatnaşyklary ikitaraplaýyn hyzmatdaşlygyň möhüm bölegi diýip atlandyrdy we özara söwdany ýokarlandyrmak üçin pudagara derejesinde maksatly teklipleri işläp düzmegi teklip etdi.
