GDA-nyň birinji forumy Belarusyň we Russiýanyň sebitleriniň forumynyň tejribesi esasynda taýýarlanylar
Garaşsyz Döwletleriň Arkalaşygynyň birinji sebitara forumy Belarusyň we Russiýanyň sebitleriniň forumynyň tejribesi esasynda taýýarlanylar. Bu barada Moskwada geçirilen GDA-nyň Ykdysady geňeşiniň mejlisinde habar berildi.
GDA ýurtlarynyň sebitleriniň birinji forumyny geçirmek başlangyjy Özbegistana degişlidir.
“Biz bu çäräni guramak boýunça degişli tekliplere garaşýarys” diýip Belarusyň Premýer-ministriniň orunbasary Igor Petrişenko aýtdy hem-de Arkalaşygyň çäklerindäki sebitara foruma taýýarlyk görlende Belarusyň we Russiýanyň sebitleriniň forumynyň tejribesinden ugur alynjakdygyny belledi.
Şunuň bilen baglylykda, Petrişenko iş ýüzünde synagdan geçen tejribäni paýlaşmaga taýýardygyny aýtdy.
GDA-nyň Ykdysady geňeşiniň 102-nji mejlisinde Azerbaýjanyň, Ermenistanyň, Belarusyň, Gazagystanyň, Gyrgyzystanyň, Russiýanyň, Täjigistanyň, Türkmenistanyň we Özbegistanyň wekilleri özara hyzmatdaşlygy meseleleriniň giň toplumyny ara alyp maslahatlaşdylar.
ORIENT news
