«Türkmenaragatnaşyk» agentliginiň ýolbaşçylary Garaşsyz Döwletleriň Arkalaşygyna agza ýurtlaryň aragatnaşyk boýunça sebit arkalaşygynyň administrasiýalarynyň ýolbaşçylar geňeşiniň 60-njy maslahatyna gatnaşdylar.
Hytaýyň «Çane-6» atly awtomatiki planetara stansiýasynyň uçuş moduly Aýyň arka tarapynda toplanan toprak nusgalaryny emeli hemranyň orbitasyna çykardy. Bu waka ýerdäki kosmonawtikanyň taryhynda täze bir sahypany açýar, sebäbi alymlarda heniz Ýeriň hemrasynyň görünmeýän tarapyndan alnan toprak nusgalary ýokdy.
Türkmenistanyň Fransiýadaky ilçihanasy Bütindünýä welosiped güni mynasybetli köpçülikleýin welosipedli ýöriş gurady.
Bütindünýä saglygy goraýyş guramasynyň Türkmenistandaky Ýurt boýunça edarasy BSGG-niň Ýewropa sebit býurosy bilen bilelikde gämileriň sanitariýa barlagyny geçirmek we gämi sanitariýa şahadatnamalaryny bermek boýunça okuw sapagyny gurady.
3-nji iýunda Doha şäherinde Türkmenistanyň we Katar Döwletiniň daşary işler ministrlikleriniň arasynda syýasy geňeşmeler geçdi. Türkmen wekiliýetine Türkmenistanyň daşary işler ministriniň orunbasary Ahmet Gurbanow, Katar wekiliýetine bolsa daşary işler döwlet ministri Sultan bin Saad Al-Muraihi ýolbaşçylyk etdi.
Italiýanyň birnäçe uniwersitetleri hyzmatdaşlygy mundan beýläk-de pugtalandyrmak we italýan dilini Türkmenistanda ýaýmak maksady bilen, türkmen ýokary okuw mekdepleri bilen gepleşikleri alyp barýarlar. Bu barada Italiýanyň ilçisi Luiji Ferrari Italiýa Respublikasynyň 78 ýyllygy mynasybetli Aşgabatda geçirilen kabul edişlikdäki çykyşynda aýtdy.
Türkmenistanda Bütindünýä welosiped güni bellenildi. Birleşen Milletler Guramasy tarapyndan ýurdumyzyň başlangyjy boýunça döredilen bu halkara baýram mynasybetli paýtagtymyzda geçirilen köpçülikleýin welosipedli ýörişe hormatly Prezidentimiz Serdar Berdimuhamedow gatnaşdy.
Iýun aýynyň 5-6-na Aşgabatda geçiriljek TESC 2024 ylmy maslahatyna taýýarlyk soňky tapgyra gadam basýar.
2024-nji ýylyň 3-nji iýunynda Türkmenistanyň Türkiýe Respublikasyndaky Ilçihanasy Türkiýäniň Welosport Federasiýasy bilen bilelikde Bütindünýä welosiped gününe bagyşlanan welosiped ýörüşini gurnady.
Türkmenistanyň dünýä jemgyýetçiligi bilen bilelikde belleýän Bütindünýä welosiped güni mynasybetli Kiýewde welosiped ýörişi geçirildi.
Türkmenistanyň ygtyýarly edaralarynyň hünärmenler topary Russiýanyň karantin fitosanitar gözegçiligini üpjün etmek ulgamy, dänäniň hiline we howpsuzlygyna gözegçilik etmek ulgamy, hususan-da galyndy pestisidleriň düzümine gözegçilik etmek ulgamy bilen tanyşmak üçin Russiýada boldy.
Eýranda geçiriljek nobatdan daşary Prezident saýlawlaryna gatnaşmak üçin 37 adam resmi taýdan hasaba alyndy. Bu barada ýurduň Saýlawlar merkeziniň wekili Mohsena Eslami «IRIB» teleýaýlymynda ýaýlyma berlen metbugat maslahatynda habar berdi.
Anna güni, 31-nji maýda, Türkmenistanyň Döwlet haryt-çig mal biržasynyň söwdalarynda çig ýüpek ýerlenildi.
Türkmenistanda sanly ulgamy ösdürmek we kämil tehnologiýalardan baş çykarýan ýokary derejeli hünärmenleri taýýarlamak maksady bilen «Türkmenaragatnaşyk» agentliginiň garamagyndaky edara-kärhanalarynyň ýaş hünärmenleriniň arasynda «Öz hünäriniň ussady» atly bäsleşik geçirildi.
30-njy maýda, penşenbe güni, Türkmenistanyň Döwlet haryt çig-mal biržasynyň söwdalarynda jemi bahasy $30 456 bolan bir geleşik hasaba alyndy.
