28-nji fewralda Aşgabat şäherinde Türkmenistanyň Daşary işler ministri Raşid Meredow bilen Bütindünýä bankynyň Ýewropa we Merkezi Aziýa boýunça wise-prezidenti Antonella Bassaniniň arasynda duşuşyk geçirildi. Duşuşyga Bütindünýä bankynyň sebitleýin direktorlary we Halkara maliýe korporasiýasynyň wekilleri hem gatnaşdylar
Şu ýylyñ maý aýynda geçiriljek KazanForum maslahatlaşmalarynyñ esasy mowzuklarynyñ biri - Yslam banking tejribesini ýurduñ beýleki sebitlerine hem giñeltmek meselesi bolar.
Abu-Dabi şäherinde arap ýurtlarynyň, Merkezi Aziýa ýurtlarynyň we Azerbaýjanyň arasyndaky hyzmatdaşlyga bagyşlanan işewürlik forumy geçirldi.
Tähranda her ýylky TRACECA-nyň 17-nji Hökümetara toparynyň mejlisi geçirilip, oňa gatnaşyjy-ýurtlaryň, şol sanda Türkmenistanyň wekilleri hem gatnaşdy. Duşuşygyň dowamynda sebitiň ulag özara baglanyşygynyň, durnukly ulag we ykdysady integrasiýa meseleleri ara alnyp maslahatlaşyldy.
27-nji fewralda Türkmenistanyň Maliýe we ykdysadyýet ministrliginde Maliýe we ykdysadyýet ministri Mämmetguly Astanagulow bilen Bütindünýä bankynyň wise-prezidenti Antonella Bassaniniň duşuşygy geçirildi. Duşuşyga Bütindünýä bankynyň sebit direktorlary we Halkara maliýe korporasiýasynyň wekilleri hem gatnaşdy
Hytaý hökümeti ýurduň howa menzillerinde ýokary tehnologiýaly we lukmançylyk ýükleriň gümrük resmileşdirilmeginiň çaltlandyryljakdygy barada habar berdi. Bu karar halkara ýolagçy we ýük awiageçirijiligi gowulandyrmak boýunça tagallalaryň çäklerinde, şeýle hem söwda we adamlaryň arasynda alyş-çalşyga ýardam bermek üçin kabul edildi diýip, Sinhua agentligi belleýär.
Penza kompaniýalary mart aýynyň 16-18-i aralygynda Aşgabat şäherinde geçiriljek “Türkmenistanyň geljegine maýa goýum” (IFT 2025) atly hususy bölege maýa goýumlary çekmek boýunça Halkara foruma çagyryldy.
Täjigistanda Merkezi Aziýanyň iň uzyn köprüsiniň gurluşygy başlap, ol ýurduň möhüm infrastruktura taslamasy bolar.
Türkmenistanyñ Döwlet daşary ykdysady iş banky "Galkynyş" töleg ulgamyny girizdi. Ol fiziki we ýuridiki şahslara özüniñ bank hasaplaryny uzak aralykdan dolandyrmaga mümkinçilik berýär.
24 — 28-nji fewral aralygynda Minsk şäherinde FATF standartlaryny öwrenmek boýunça Halkara seminary geçirilýär. Maliýe serişdelerini bikanun ulanmak bilen göreş görmek boýunça maliýe çärelerini işläp taýýarlamak topary (FATF) tarapyndan işlenip düzülen standartlary we olary milli kanunçylyklara ornaşdyrmagyň öňdebaryjy tejribelerini öwrenmek seminaryň esasy maksady bolup durýar
Türkiýäniň wise-prezidenti Jewdet Ýylmaz we Türkmenistanyň Ministrler Kabinetiniň Başlygynyň orunbasary Nökerguly Atagulyýew 25-nji fewralda Ankarada geçirilen Hökümetara toparynyň 8-nji mejlisinden soňra metbugat maslahatyny geçirdiler
Türkiýe Respublikasy Türkmenistan bilen söwda mukdaryny 5 milliard dollara çenli ýokarlandyrmagy, özara maýa goýumlaryny artdyrmagy we işewür toparlaryň arasynda has ýygy-ýygydan duşuşyklary geçirmegi maksat edinýär diýip, Türkiýäniň wise-prezidenti Jewdet Ýylmaz “X” sosial ulgamynda beýan etdi
2025-nji ýylda Türkiýede iri halkara sergiler geçirilip, olar türkmen telekeçilerine we kompaniýalaryna täze mümkinçilikleri açyp berer.
Şu ýylyň 18-nji martynda Aşgabatda geçiriljek “Türkmenistanyň geljegine maýa goýumlar” (IFT 2025) atly hususy bölege maýa goýumlary çekmek boýunça ilkinji Halkara forumyna çenli bir aýdan az wagt galdy.
Türkmenistanda 2019–2025-nji ýyllar üçin sanly ykdysadyýeti ösdürmegiň Konsepsiýasyny, Türkmenistanda sanly ykdysadyýeti ösdürmegiň 2021–2025-nji ýyllar üçin Döwlet maksatnamasyny hem-de ony amala aşyrmak boýunça ýerine ýetirilmeli çäreleriň Meýilnamalasyny durmuşa geçirmek işi tamamlanyp barýar
