Dokma senagaty Türkmenistanyň söwda pudagynyň hereketlendirijisine öwrüldi
5-nji aprelde, şenbe güni Prezident Serdar Berdimuhamedowyň başlyklyk etmeginde geçirilen Türkmenistanyň Ministrler Kabinetiniň mejlisinde wise-premýer Nökerguly Atagulyýew gözegçilik edýän ministrliklerinde, pudaklaýyn dolandyryş edaralarynda we telekeçilik ulgamynda 2025-nji ýylyň birinji çärýeginde ýerine ýetirilen işleriniň netijeleri barada hasabat berdi.
Hasabat döwründe söwda we daşary ykdysady gatnaşyklar ulgamynda ösüş depgini geçen ýylyň degişli döwri bilen deňeşdirilende 13%, önümleri öndürmekde bolsa 1,2% ýokarlandy.
Dokma senagaty ministrliginiň kärhanalary önümçiligiň mukdarynyň ep-esli ösüş depgini görkezip, 2024-nji ýylyň birinji çärýegi bilen deňeşdireniňde ösüş 14,2%-e deň boldy. Hususan-da, nah ýüplüginiň önümçiligi 42,9%, nah matalar 50,9%, taýýar tikin we örülen önümleri 4,3%, gön önümleri 40,4% ýokarlandy.
Senagatçylar we telekeçiler birleşmesi hem oňyn depgini görkezdi: oba hojalygy we azyk önümleriniň önümçiliginiň mukdary 7,1%-e, senagat önümçiligi – 4,3%-e deň boldy.
Hasabaty diňläp Prezident Serdar Berdimuhamedow, toplumyň öňünde durýan wezipeleri üstünlikli durmuşa geçirmek üçin sanly ykdysadyýeti we elektron söwdany mundan beýläk-de ösdürilmeginiň möhümdigini nygtady. Döwlet Baştutany içerki bazary azyk önümler we beýleki isleg bildirilýän harytlar bilen üpjünçiligi, şeýle hem dokma senagaty kärhanalarynda öndürilýän önümleriň möçberini, görnüşlerini artdyrmak meselelesini hemişe gözegçilikde saklamagy tabşyrdy. Döwlet haryt çig mal biržasynyň we Söwda-senagat edarasynyň işini kämilleşdirmek boýunça halkara tejribesini öwrenmegiň zerurlygy bellenildi we şonuň bilen baglylykda wise-premýere birnäçe anyk tabşyryklar berildi.
ORIENT
