Merkezi Aziýada, Kawkazda we Gündogar Ýewropada miwe we gök önüm bazarynyň maglumat we seljeriş platformasy bolan EastFruit bilermenleri ýyladyşhana gök önümlerini, ilkinji nobatda parnik pomidorlaryny öndürmekde we eksport etmekde Türkmenistanyň halkara bazarlarda çalt ornaşýandygyna ünsi çekdiler.
Türkmenistan bilen Özbegistanyň arasyndaky haryt dolanyşygy 2023-nji ýylyň ýanwar-aprel aýlarynda 2,5% artyp, $312,6 mln görkezijä ýetdi. Ýurtlaryň arasyndaky haryt dolanyşygynyň oňyn saldosy $204 mln amerikan dollaryndan gowrakdyr – diýip, Review.uz. habar berýär.
Balkan welaýatynda üstümizdäki ýylyň ýanwar-aprel aýlaryndaky senagat önümçiliginiň ösüşi 6,559 mlrd manat möçberine ýetip, 7% deň boldy – diýip, «Türkmenistan» gazeti habar berýär.
Ulag babatynda hyzmatdaşlyk etmek boýunça Türkmen-Latwiýa iş toparynyň mejlisini 12-16-njy iýunda Latwiýa Respublikasynda geçirmek meýilleşdirilýär. Taraplar Ýewropa bilen Merkezi Aziýanyň arasynda durnukly ulag ulgamynyň ösüşiniň geljegine gararlar.
Anna güni, 26-njy maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $390,4 müň amerikan dollaryna deň bolan 3 geleşik baglaşyldy – diýip, ORIENT-iň habarçysy habar berýär.
Hökümetara türkmen-gruzin Ykdysady hyzmatdaşlyk Geňeşiniň nobatdaky mejlisi 5-6-njy iýunda Tbiliside geçiriler. Bu barada anna güni geçirilen türkmen hökümetiniň mejlisinde wise-premýer Batyr Atdaýew habar berdi.
Penşenbe güni, 25-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $1,3 mln amerikan dollaryna we 3,1 müň türkmen manadyna deň bolan 4 geleşik baglaşyldy – diýip, ORIENT-iň habarçysy habar berýär.
Russiýa, Gazagystan we Özbegistan «üç taraplaýyn gaz birleşiginiň» çäklerindäki taslamalary ara alyp maslahatlaşmagy dowam etdirýärler – diýip, Russiýanyň energetika ministri Nikolaý Şulgine salgylanyp, TASS habar berýär. Taslama Russiýanyň gazynyň bu ýurtlaryň çägi bilen iberilmegini göz öňünde tutýar.
Russiýanyň prezidenti Wladimir Putin Ýewraziýa ykdysady birleşiginiň ýurtlaryna «ÝAYB-de öndürildi» nyşany bilen bilelikdäki önümçilikleri döredip, senagat kooperasiýasyny ösdürmegi teklip etdi – diýip, guramanyň agza-döwletleriniň baştutanlarynyň duşuşygynyň jemleri boýunça «Wedomosti» habar berýär.
Hytaý söwda we ykdysady hyzmatdaşlygy güýçlendirmek ugrundaky tagallalaryň arasynda Merkezi Aziýadan has ýokary hilli önümleriň öz bazaryna girmegini makullaýar diýip, penşenbe güni Hytaýyň Söwda ministrligi beýan edendigini Sinhua agentligi habar berýär.
Türkmenistan 2022-nji ýylda Azerbaýjana uçar kerosininiň 36,3 müň tonnasyny ABŞ-nyň 39,2 mln dollaryna eksport etdi, bu bolsa 2021-nji ýyldaka garanyňda, 4,2 esse köpdür. Bu barada Azerbaýjanyň Trend agentligi habar berýär.
Balkan welaýatynyň kärhanalarynda elektrik energiýasynyň öndürilişi, hususan-da, — welaýat döwlet elektrik stansiýasynda 2023-nji ýylyň ýanwar-aprel aýlarynda 829 mln kWt/s geçdi, bu bolsa geçen ýylyň degişli döwri bilen deňeşdireniňde 99 mln kWt/s köpdür.
2022-nji ýylyň jemleri boýunça Türkmenistan bilen Gazagystanyň arasyndaky haryt dolanyşygy $438 mln-dan gowrak boldy, ösüş 72% derejesinde bellenildi. Bu barada gazak hökümetiniň baştutanynyň birinji orunbasary Roman Sklýar beýan etdi – diýip, respublikanyň Ykdysadyýet ministrligi habar berýär.
Çarşenbe güni, 24-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $3,5 mln amerikan dollaryna deň bolan 12 geleşik baglaşyldy – diýip, ORIENT-iň habarçysy habar berýär.
Ykdysady hyzmatdaşlyk we ösüş guramasy ýörite görkezijileri girizmek arkaly söwda amallaryny ýönekeýleşdirmekde Türkmenistana goldaw berýär. Bu barada Ykdysady hyzmatdaşlyk we ösüş guramasynyň bütindünýä gatnaşyklar we hyzmatdaşlyk direktoratynyň Ýewraziýa bölüminiň Merkezi Aziýa ýurtlary boýunça taslamalaryň ýolbaşçysy Gregori Lekomta salgylanyp, Trend ýazýar.
