Änew şäheriniň 2024-nji ýylda türki dünýäsiniň medeni paýtagty hökmünde yglan edilmegine bagyşlanan çäreler 26-njy martda başlanar. Çäreleriň açylyş dabarasy Ahal welaýatynyň Ak Bugdaý etrabynda ýerleşýän “Nowruz ýaýlasy” meýdançasyndaky “Türkmeniň Ak öýi” binasynyň konsert zalynda geçiriler.
Türkmenistanyň Minskdäki ilçisi Nazarguly Şagulyýew 23-nji fewralda Belarusyň Ýazyjylar birleşiginiň başlygy, “Zwezda” neşirýatynyň direktory, baş redaktory Aleksandr Karlýukewiç bilen duşuşdy.
Gazagystanyň Medeniýet we maglumat ministrliginiň Golýazmalar we seýrek neşirler merkezinde beýik şahyr Magtymguly Pyragynyň 300 ýyllygy mynasybetli baýramçylyk çäresi we sergisi geçirildi.
Türkmenistanyň Russiýa Federasiýasyndaky Adatdan daşary we Doly ygtyýarly ilçisi Esen Aýdogdyýew Nury Halmämmedowyň adyny göterýän “Dutaryň owazy” Moskwanyň halkara sungat festiwalynyň geçirilýän ýeri bolan Russiýanyň Suratkeşler akademiýasynyň muzeý-sergi toplumyna baryp gördi.
Ylýas Paşa ady bilen hem tanalýan türkmen aýdymçy-sazandasy Ylýas Rejepow “Rossiýa 1” teleýaýlymynda ýaýlyma goýberilýän “Ýürekden aýdylan aýdymlar” (“Песни от всей души”) gepleşiginde çykyş etdi.
Türkmenistanyň Gazagystan Respublikasyndaky ilçisi Batyr Rejepow anna güni ýurduň medeniýet we maglumat wise-ministri Ýerbol Alikulow bilen duşuşdy.
Türkmenistanyň Ermenistan Respublikasyndaky ilçisi Muhammetgeldi Aýazow Ermenistanyň Suratkeşler birleşiginiň başlygy Suren Safarýan bilen duşuşdy.
Türkmenistanyň Russiýa Federasiýasyndaky ilçisi Esen Aýdogdyýew Tretýakowsk galareýasynyň direktory Ýelena Proniçýewa bilen duşuşdy.
Türkmenistanyň ilçisi Taýly Ataýew Kiýew şäherinde ýerleşýän Magtymguly adyndaky kitaphana türkmen halkynyň amaly-haşam sungatyna degişli gymmatlyklary, beýik şahyryň dürli dillerdäki kitaplaryny gowşurmak dabarasyna gatnaşdy.
“Türkmengaz” döwlet konserni “Nebit-gaz” gazetiniň redaksiýasy we Nebitgaz senagaty toplumynyň işgärleriniň kärdeşler arkalaşygynyň geňeşi bilen bilelikde Türkmenistanyň Nebitgaz senagaty we geologiýa işgärleriniň güni mynasybetli iň gowy makalalaryň, oçerkleriň, fotoreportažlaryň, goşgularyň, hekaýalaryň bäsleşigini yglan edýär.
Onda halkymyzyň baý taryhy-medeni we ruhy mirasy boýunça täze açyşlar, barlaglaryň netijeleri baradaky makalalar ýerleşdirilipdir.
2024-nji ýylyň 13-nji fewralynda Türkmenistanyň Gruziýadaky ilçisi D.Seýitmämmedow bilen Gruziýanyň ýazyjylar döredijilik birleşiginiň başlygy hanym M.Gonaşwiliniň arasynda duşuşyk geçirildi.
13-nji fewralda ýazyjy, basnýaçy, dramaturg, terjimeçi, satiriki žurnallaryň neşirçisi, opera librettolarynyň awtory Iwan Andreýewiç Krylowyň doglan gününe 255 ýyl dolýar.
Türkmen kinorežissýory Sahysalyh Baýramow sebitdäki kinostudiýalaryň wekilleriniň hatarynda 1-11-nji fewral aralygynda Tähranda geçirilen 42-nji halkara Fajr film festiwalyna hormatly myhman hökmünde gatnaşmaga çagyryldy. Festiwala 87 ýurtdan 621 işler hödürlendi, 10 günüň dowamynda 70 ýurtdan gelen awtorlaryň 33 filmi görkezildi.
Sankt-Peterburg şäheriniň taryhy merkezinde Magtymguly Pyragynyň ýadygärliginiň açylmagy beýik türkmen şahyry, Gündogaryň görnükli akyldary Magtymguly Pyragynyň 300 ýyllygyny dabaraly bellemek boýunça şu ýylda göz öňünde tutulan medeni maksatnamanyň düzüminde halkara derejede möhüm wakalaryň biri bolar.
