Çarşenbe güni, 21-nji iýunda Türkmensitanyň Döwlet haryt-çig mal biržasyndaky söwdalaşyklarda jemi bahasy $21,3 mln amerikan dollaryna deň bolan 6 geleşik baglaşyldy- diýip, ORIENT-iň habarçysy habar berýär.
Iňlis dili mugallymlary üçin Online Professional English Network (OPEN) maksatnamasynyň güýzki sessiýasyna gatnaşmak üçin ýüz tutmalaryň kabul edişligi başlandy. Ol 2023-nji ýylyň sentýabr aýyndan iýun aýyna çenli geçer.
RBK beren söhbetdeşliginde Moskwanyň «Kommunarka» hassahanasynyň baş lukmany Denis Prosenko dünýä pändemiýalarynyň döwürleýin döreýändigi barada beýan etdi. Ol pandemiýalaryň her 50 ýyldan döreýändigini sübhesiz aýdýar.
Pakistanyň döwlet nebit ministri Musadik Mäligiň mälim etemegine görä, Türkmenistan ägirt uly gaz gorlaryna eýe bolup, ony turbageçirijiler arkaly Pakistana import etmek meselesi eýýäm ylalaşyldy. Pakistan turbageçirijiler arkaly import edilen tebigy gazy suwuklandyrylan görnüşe öwürýän zawodlary gurmagy Hytaýa we Ýewropa döwletlerine teklip edýär. Şeýlelikde, Pakistan türkmen gazyny başga ýurtlara hem eskport edip biler.
Şu gün paýtagtymyzda Medeniýet hepdeliginiň dabaraly açylyşy boldy. Paýtagtymyzda geçirilýän Medeniýet hepdeligine gatnaşmak üçin ýurdumyzyň sebitlerinden meşhur teatr artistleri, estrada we halk aýdymlaryny ýerine ýetirijiler, muzeý we kitaphana işiniň hünärmenleri, suratkeşler, şahyrlar, meşhur ansambl we folklor-etnografik toparlary geldiler.
Abu-Dabiniň Welosiped klubynyň ýerine ýetiriji direktory Al Nahir Al Haýliniň ýolaşçylygyndaky arap wekiliýeti sapar bilen Aşgabada geldi. Onuň barşynda wekiliýet topary paýtagtymyzyň Olimpiýa şäherçesine baryp görüp, türkmen kärdeşleri bilen bu sport görnüşini ösdürmek boýunça hyzmatdaşlyk meselelerini ara alyp maslahatlaşdylar.
Paýtagtymyzyň Tähran köçesiniň ugrunda ýerleşýän “Aşgabat” söwda-dynç alyş merkeziniň köprüleri “Seýdi” köçesi bilen birikdiriler. Munuň üçin degişli enjamlary we serişdeleri satyn almak boýunça bäsleşik yglan edildi diýip, “Türkmenistan” gazeti habar berýär.
Türkmenistanyň Ylymlar akademiýasynyň Taryh we arheologiýa institutynyň alymlary Ahal welaýatynyň Bäherden etrabynda Ýer ýüzüniň ilkinji ýaşaýjylarynyň daşa öwrülen galyndylaryny tapdylar. Hünärmenleriň bellemeklerine görä, bu galyndylar mundan 2,7 milliard ýyl ozalky döwre – paleozoý we proterozoý döwürlerine degişlidir.
Türkiýäniň prezidenti Rejep Taýyp Ärdogan Türkiýäniň Konstitusiýasynyň täze redaksiýasynyň kabul edilmegine çagyrdy. Bu barada ol dolandyryjy adalat we ösüş Partiýasynyň fraksiýasynyň birinji mejlisinde parlamentiň 28-nji çagyrylyşynda Ankarada çykyş etmek bilen beýan etdi – diýip, Anadolu agentligi habar berýär.
Aşgabat şäheriniň Büzmeýin etrabynda her biri 4 gatda ybarat bolan ýaşaýyş jaýlarynyň birbada 12-siniň dabaraly açylyşy geçirildi. Ulanmaga berlen jaýlar özüniň gurluşyk aýratynlygy bilen şähergurluşygynyň üstüni ýetirdi. Bu barada resmi metbugat habar berýär.
Harytlary satyn almak üçin «Ýandeks Market» hyzmaty Russiýanyň marketpleýsleriniň arasynda ilkinji bolup transmilli kompaniýa «Ýandeksden» täze nesiliň generatiw neýrosetini YandexGPT (YaLM 2.0) ornaşdyrdy.
Söwda- ykdysady hyzmatdaşlygyny giňeltmegiň, iki ýurduň işewür toparlarynyň arasynda aragatnaşyklary ýola goýmagyň meseleleri Türkmenistanyň Ermenistandaky ilçisi Muhammetgeldi Aýazowyň Ermenistanyň Söwda-senagat palatasynyň direktory Andranik Aleksanýan we palatanyň wise-prezidenti Karen Iwanow bilen duşuşygynyň barşynda ara alnyp maslahatlaşyldy.
Türkmenistandan ýaş tennisçi gyz Sülgün Işangulyýewa Horwatiýada geçýän Smrikva Bowl halkara ýaryşynyň ilçisi boldy. Ol bu ýaryşlara gatnaşýan Türkmenistandan ilkinji wekil boldy.
Iýun aýynyň 20-21-i aralygynda Gazagystanyň, Gyrgyzystanyň, Täjigistanyň, Türkmenistanyň we Özbegistanyň köp sanly hökümet we raýat jemgyýeti guramalaryna, şeýle hem sebit we halkara guramalaryna wekilçilik edýän 60-dan gowrak gatnaşyjy Özbegistanyň Daşken şaherinde seminara ýygnandylar. Bu çäre, ÝHHG-nyň Ykdysady we daşky gurşaw çäreleriniň utgaşdyryjysynyň edarasy bilen Berliniň analitik merkezi Adelphi-niň bilelikdäki hyzmatdaşlygynda guraldy.
Iýun aýynyň 19-dan 21-i aralygynda Belarus Respublikasynyň sport we syýahatçylyk ministri Sergeý Kowalçuk Türkmenistana iş sapary bilen geldi we onuň çäginde Türkmenistanyň Bedenterbiýe we sport baradaky döwlet komitetiniň başlygy Gulmyrat Agamyradow bilen duşuşdy.
