«Senagat-innowasiýa modeli - ýurduň esasy strategiki ugry» atly ylmy-amaly konferensiýa 21-nji sentýabrda geçiriler. Forum Türkmenistanyň Garaşsyzlygynyň 32 ýyllygyna bagyşlanyp, Maliýe we ykdysadyýet ministrligi tarapyndan guralar. Oňa gatnaşmak üçin dürli ministrlikleriň we pudak gurluşlarynyň, bank ulgamynyň we ýokary okuw jaýlarynyň wekilleri çagyrylýar.
Hususy awiakompaniýa K9 Jets, Dubaýdan Londona saýahat edýän öý haýwanlary we eýeleri üçin täze hyzmaty ýola goýdy. Kaşaň uçarda dört aýakly «syýahatçylar» eýeleri bilen syýahat ederler. Petegiň bahasy takmynan 10 müň dollar bolup, bir ýolagçy we umumy agramy 45 kg bolan iki ýa-da agramy 23 kg bolan bir öý haýwanlary üçin ýeri öz içine alýar diýip, K9 Jets howa gatnawynyň metbugat gullugy habar berýär.
Real Madrid, maşgala agzalarynyň janyny alan aýylganç ýer titremesinden soň ýetim galan Marokkoly 14 ýaşly janköýeri Abdul Rahim Auhidi öz akademiýasyna kabul eder.
Hytaýyň Hançžou şäherinde 23-nji sentýabrdan 8-nji oktýabr aralygynda geçiriljek Aziýa oýunlaryna gatnaşjak Türkmenistanyň milli ýygyndysynyň düzümi belli boldy.
Türkmen söweşijisi Döwletjan Ýagşymyradow 8-nji oktýabrda polýak garşydaşy Maseý Ružanski bilen söweşer.
Çişlik – köpleriň halaýan tagamy bolup, hiç hili dabara ýa-da baýramçylyk bu ýakymly ysly lezzetsiz geçmeýär. Gündogar, Merkezi Aziýa, Kawkaz we Gündogar Ýewropa ýurtlary çişligiň mekany hasaplanýar. Aslynda başda çişlik diňe inçe dogralan goýun etinden edilýän hem bolsa, wagtyň geçmegi bilen maňňalda et bişirmegiň dürli görnüşleri peýda boldy. Häzirki wagtda adamlar towukdan, balykdan, göle etinden, doňuz etinden we hatda gök önümlerden hem çişlik edýärler.
15-nji sentýabrda türkmen wekiliýeti Gazagystanyň Türkestan şäherinde Garaşsyz Döwletleriň Arkalaşygyna agza döwletleriň içeri işler ministrleriniň Geňeşiniň mejlisine gatnaşdy.
Türkmenistanyň Kerler we körler jemgyýetiniň Aşgabat, Türkmenabat we Mary şäherlerindäki durmuş edaralaryny döwrebaplaşdyrmak işleri tamamlanyp gelýär.
Moskwa şäheriniň merkezi Gyzyl meýdançada ýerleşýän Baş ählumumy magazinde (GUM) "Ýüpek ýoly" atly sergi geçirilýär. Onda şäheriň ýaşaýjylary we myhmanlary Merkezi Aziýa halklarynyň medeniýeti we däp-dessurlary bilen ýakyndan tanşyp bilýärler.
"Deniel" diýlip atlandyrylýan ýagyşly tupandan soň, 10-njy sentýabrda Liwiýanyň demirgazyk-gündogarynda, Ortaýer deňziniň kenaryna golaý sebitde 2 sany suw bendi ýaryldy.
Türkmenistanyň wekiliýeti Hytaýyň Çifyn şäher okrugynda geçirilen tokaý hojalygy pudagynyň ministrler derejesindäki 3-nji maslahatyna gatnaşdy.
Mary şäherinde okuw seminary geçirildi. Onda Türkmenistanyň hünärmenleri energiýa tygşytlamak we energiýa netijeliligi, şeýle hem gaty hojalyk galyndylaryny alternatiw energiýa çeşmesi hökmünde ulanmak babatynda kadalaşdyryjy hukuk namalaryny we kadalaşdyryjy-tehniki resminamalary işläp düzmekde halkara tejribesini öwrendiler. Bu barada Birleşen Milletler Guramasynyň Türkmenistandaky Ösüş Maksatnamasy (BMGÖM) habar berdi.
"Ahal"türkmen FT, Aziýanyň esasy klub ýaryşy bolan AFK Çempionlar ligasynyň birinji tapgyrynyň çäginde 19-njy sentýabrda geçiriljek Saud Arabystany "Al-Faiha"-sy bilen öý oýnuna taýýarlyk işlerini dowam etdirýär.
Gazagystanyň paýtagtynda dürli ýurtlardan neşirýatçylary, ýazyjylary we okyjylary ýygnan Kitaptime halkara kitap festiwaly geçirildi. Festiwala, türkmen medeniýeti we gazananlary barada ajaýyp täze kitaplary hödürlän Türkmenistanyň Astanadaky ilçihanasy gatnaşdy.
Bu gün Ameca dünýädäki iň ösen robotlaryň biridir. Emeli intellektli Android, hasam adamlary ýada salýan ägirt uly mümkinçilikleri bilen tapawutlanýar. Ýakynda ol birinjiden, adamzadyň geljegi hakda oýlanandygy üçin, ikinjiden, aýnadaky keşbine ilkinji gezek berýän täsirini görkezýän wideo düşmegi bilen ýene-de sosial ulgamlaryň sözbaşylarynda boldy.
