Çarşenbe güni irden Hytaýyň demirgazyk-günbataryndaky Şensi welaýatynyň Puçen etrabynda, Hytaýda işlenip düzülen HH-200 täjirçilik uçarmansyz uçarynyň ilkinji uçuşy boldy. Bu waka ýurduň awiasiýa senagatynyň ösüşinde täze bir tapgyry alamatlandyrdy.

Synag uçuşy mahalynda enjamyň ähli ulgamlary we abzallary kadaly işledi, durnukly uçuşy we meýilleşdirilen ähli hereketleri üstünlikli ýerine ýetirilmegini üpjün etdi. Taslamany işläp düzüjiler topary ilkinji uçuşyň doly şowly geçendigini mälim etdiler.

Hytaýyň awiasiýa senagaty korporasiýasy (AVIC) tarapyndan işlenip düzülen HH-200 ulgamy uçarmansyz uçuş enjamyndan we ýerüsti dolandyryş ulgamyndan ybaratdyr. Dronuň iň ýokary täjirçilik ýük göterijiligi 1,5 tonna, iň uzak uçuş aralygy bolsa 2360 kilometre barabardyr.