Ýagşygeldi Kakaýew adyndaky Halkara nebit we gaz uniwersiteti 2026-njy ýylyň aprel aýynda Türkmenistanyň orta mekdep okuwçylarynyň arasynda matematika, himiýa we informatika dersleri boýunça olimpiadalary geçirýär. Gatnaşmaga umumybilim berýän hem-de ýöriteleşdirilen okuw mekdepleriniň ähli okuwçylary çagyrylýar — orunlaryň sany çäklendirilmedikdir.

Akyl-paýhas bäsleşikleri iki tapgyrda geçiriler:

• Birinji tapgyr (onlaýn): 2026-njy ýylyň 9–11-nji apreli aralygynda.

• Ikinji tapgyr (göni gatnaşmak bilen): 2026-njy ýylyň 25-nji aprelinde, uniwersitetiň binasynda.

Nädip hasaba ýazylmaly?

Gatnaşmak isleýän okuwçylar baradaky maglumatlary guramaçylyk toparlarynyň elektron poçta salgylaryna 2026-njy ýylyň 4-nji apreline çenli ibermek zerurdyr.

Ýeňijiler ýygnalan ballaryň şahsy reýtingi boýunça kesgitlener we I, II hem-de III derejeli diplomlar bilen sylaglanylar. Geljekki dalaşgärler üçin iň möhüm zat: ýokary netijeleri görkezen gatnaşyjylara Ýagşygeldi Kakaýew adyndaky Halkara nebit we gaz uniwersitetinde okuwlaryny dowam etdirmek üçin artykmaç hukuk berler.

Habarlaşmak we hasaba alnyş üçin:

Matematika: hngu.matematika.olimp@gmail.com (tel.: +993 12 39-14-09)

Himiýa: hnguhtef.olimp@gmail.com (tel.: +993 12 39-14-77)

Informatika: imthngu@gmail.com (tel.: +993 12 39-14-78)

ORIENT