ORIENT | Medeniýet Pop-sazyň rowaýata öwrülen şasy Maýkl Jekson hakyndaky biografiýa filmi dünýäde tomaşaçylaryň uly gyzyklanmasyny döretdi. Taslamanyň režissýory — Antuan Fukua — «Maýkl» (Michael) atly filmi döretdi, we öňünden sargyt edilen biletlere bolan isleg rekord derejelere ýetýär.

Bilermenleriň çaklamalaryna görä, ilkinji dynç alyş gününde başlangyç kassa girdejileri 80–90 million dollar bolup biler. Üns çekiji tarapy, kritikleriň teswirleri çäkli hem bolsa, bu filmin üstünlik gazanmagyna päsgel bermez: Maýkl Jeksonyň ady dünýäde millionlarça tomaşaçyny özüne çekýär. Analitikleriň çaklamalaryna görä, halkara girdejileriň hem bu sanlary geçmegi mümkin.

Emma bir möhüm mesele bar: tomaşaçylar «Maýkl» filmiň dilogiýasynyň diňe birinji bölegi bolup durýandygyny bilmelidir. Geçen ýyl mälim bolşuna görä, Fukua dört sagada golaý material taýýarlady. Lionsgate studiýasy filmi iki bölege bölmegi karar berdi: birinji bölek takmynan 120 minut, ikinji bölek bolsa birinji bölegiň üstünlik gazanmagyna baglylykda görkeziler.

«Maýkl» filmiň ilkinji treýleri ilkinji günde dünýä boýunça rekord derejede 116,2 million gezek görüldi we bu, saz biografiýalaryň arasynda täze rekord boldy.

Filmiň premýerasy 2026-njy ýylyň aprel aýynda bolmagyna garaşylýar.

ORIENT