Arduino kompaniýasy işläp düzüjileriň işlerini ep-esli ýeňilleşdirip, şahsy neýro torlaryny döretmek we ýerleşdirmek üçin gurallary gönüden-göni Arduino App Lab gurşawyna girizdi. Bu mümkinçilik meşhur Edge Impulse hyzmaty bilen çuňňur integrasiýanyň netijesinde mümkin boldy.

Öň ulanyjylar diňe taýýar neýro torlarynyň toplumyny ulanmak bilen çäklenýärdiler ýa-da modelleri beýleki programmalardan geçirmek üçin köp wagt sarp edýärdiler. Indi bolsa ösüşiň ähli tapgyry — modeli öwretmekden başlap, ony enjamda işe girizmäge çenli — bir penjirede elýeterlidir. Arduino-nyň bitewi hasaby arkaly ulgama gireniňizden soň, Edge Impulse Studio-da döredilen ähli modeller App Lab iş gurşawy bilen awtomatiki ýagdaýda sinhronlaşdyrylýar.

Bu täzelenme maşyn öwreniş tehnologiýalaryny hatda täze başlanlar üçin hem elýeterli edýär. Indi “akylly” enjamy, mysal üçin, el hereketleri ýa-da ses buýruklaryny tanap bilýän ulgamy döretmek üçin neýro torlary programmirlemek boýunça bilermen bolmak zerur däl. Başlangyjy ýeňilleşdirmek üçin kompaniýa ilkinji modeli birikdirmek we öwretmek prosesini ädimme-ädim düşündirýän gysga wideo görkezmesini hem neşir etdi.

ORIENT